6/22/2021
Today from Hiiraan Online:  _
Wararka Maanta- Axad, July 22, 2012
Iskahorimaad khasaare geystay oo Ciidammo kawada tirsan kuwa Dowladda KMG ah ku dhexmaray Magaalada Muqdisho


Axad, July 22, 2012 (HOL) — Qof haweeney ah ayaa ku dhimatay, laba qof oo kalena way ku dhaawacmeen iska-horimaad ciidammo kawada tirsan dowladda KMG Soomaaliya ku dhexmaray maanta oo Axad ah waddada Maka Al-Mukarama ee magaalada Muqdisho.

Iskahorimaadkan ayaa dhashay kaddib markii ay ciidammo milateri ah weerareen gaari uu watay taliyaha saldhigga degmada Hodan oo ay maxaabiis saarnaayeen, iyadoo la sheegay in ciidamada qaaday ay doonayeen inay maxaabiistaas fakiyaan.

"Haweeney ayaa dhimatay, laba qof oo kalena way dhaawacmeen. Rasaastu waxay ahayd mid culus mar qura cid walba way ka carartay waddada," ayuu yiri Maxamed Muuse oo ka mid ah dadkii goobtaas ku sugnaa.

Sidoo kale, goobjooguhu wuxuu sheegay in maxaabiis saarnayd gaarigii uu watay taliyaha saldhigga booliiska Hodan ay ka baxsadeen dhowr maxbuus oo saarnaa, balse ma jirto weli hadal kasoo baxay taliyaha oo ku aaddan maxaabiista laga furtay.

Arrintan ayaa waxay noqonaysaa tii ugu horreysay oo ka dhacda Muqdisho tan iyo markii ay ciidamada dowladda KMG ah iyo kuwa AMISOM kala wareegeen gacan ku haynta degmooyin Muqdisho ka tirsan Xarakada Al-shabaab oo muddo sannado ah ka talinaysay.

Lama oga maxaabiista la fakiyay inay ka mid ahaayeen ciidamada iyo inay ahaayeen dad shacab ah, waxaase tani ay fajaciso ku reebtay dadkii ku sugnaa waddadaas oo ah midda ugu mashquulka badan Muqdisho, isla markaana isku xirta madaxtooyad iyo isgoyska KM4.

Maxamed Xaaji Xuseen, Hiiraan Online
[email protected]
Muqdisho, Soomaaliya











Click here
7/22/2012 6:37 PM EST
Axad, July 22, 2012(HOL) Bandhig isugu jiray soo bandhigid buugaag ay qoreen abwaanno dalkeenna sida aadka ah looga qadderiyo oo ay ka mid yihiin Maxamed Ibrahim Hadraawe iyo Mustafa Sheekh Cilmi.

7/22/2012 11:08 AM EST
Axad, July 22, 2012(HOL) — Ururka dhalinyarada iyo horumarinta arimaha bulshada Puntland (PSA) ayaa maanta deeq Marawaxado ka kooban gaarsiiyey xabsiga weyn ee magaalada Boosaaso (Gaal-shire).

7/22/2012 9:07 AM EST
Axad, July 22, 2012 (HOL) — Guddoomiyaha dhawaan dowladda KMG Soomaaliya u soo magacaawday maamulka degmada Baladweyne, Xuseen Ibraahim Cabdi (Gurey) ayaa markii ugu horreysay baaq u diray hay’addaha samafalka ka howlgala magaalada.

7/22/2012 8:39 AM EST
Axad, July 22, 2012 (HOL) — Magaalada Baydhabo ee gobolka Bay ayaa markii ugu horreysay tan iyo markii ay burburtay dowladdii dhexe ee Soomaaliya 22-sano ka hor waxaa maanta lagu qabtay imtixaan loogu tartamayo deeq waxbrasaho.

7/22/2012 8:36 AM EST
Axad, July 22, 2012 (HOL) — Shirkadda isgaarsiinta Hormuud Telecom ayaa waxay maanta gargaar afurin ah gaarsiisay maxaabiista ku jira xabsiga dhexe ee Muqdihso iyadoo gargaarkaas lagu wareejiyay taliyaha ciidanka asluubta Soomaaliyeed, Jen. Cabdi Maxamed Ismaaciil iyo wasiirka owqaafta iyo arrimaha diinta DKMG ah, Axmed Xasan Gaboobe.

7/22/2012 8:07 AM EST
Axad, July 22, 2012 (HOL) — Iskahorimaad ku dhexeeyay dibadbaxayaal muslimiin ah iyo booliiska Itoobiya ayaa shalay oo Sabti ahayd ka dhacay waqooyiga Addis Ababa oo ah xarunta dalka Itoobiya, inkastoo iskahorimaadkaas uusan sababin wax dhimasho iyo dhaawac ah, haddana waxay booliisku xireen tiro dibadbaxayaasha ka mid ahaa.

7/22/2012 7:42 AM EST
Axad, July 22, 2012 (HOL) — Iska-horimaad xooggan ayaa xalay ka dhacay degmada Badhaadhe ee gobolka Jubbada Hoose kaasoo u dhexeeyay ciidamada Dowladda KMG iyo kuwa Raaskaambooni oo kaashanaya Militariga Kenya iyo Xarakada Al-shabaab.

7/22/2012 6:55 AM EST
Axad, July 22, 2012 (HOL) — Wasiirka Duulista Hawadda Somaliland oo hogaaminayo wefti iskugu jira, wasiiro iyo xildhibaano, ayaa olole bannayn ah ka bilaabay garoonkii diyaaradaha ee magaaladda Burco ee xarunta gobolka Togdheer kaas oo muddo badan aan shaqayn.

7/22/2012 4:23 AM EST
Axad, July 22, 2012 (HOL) — Guddoomiyaha gobolka Galguduud ay dowladda KMG toddobaadkii hore u magacowday gobolkaas, Yuusuf Xasan Ciyoow iyo xubno wehlinaya ayaa saakay ka dagay garoonka diyaaradaha ee degmada Guriceel, halkaasoo ay ku soo dhaweeyeen dadweyne fara badan.

7/22/2012 3:59 AM EST
Axad, July 22, 2012 (HOL) — Warsaxaafadeed ay AMISOM soo saartay maanta oo Axad ah ayay ku sheegtay in ciidamadooda ka socda dalka Kenya iyo kuwa DKMG ah ee ku sugan gobolka ay hub ka heleen saldhig ay Al-shabaab ku lahayd deegaanka Tarako ee gobolka Gedo, aroortii hore ee Salaasadii lasoo dhaafay.