6/22/2021
Today from Hiiraan Online:  _
Wararka Maanta- Sabti, July 21, 2012
Ciidamada Dowladda KMG Soomaaliya oo howlgallo ka sameeyay Muqdisho iyo dhac loo geystay Dukaanno ganacsi


Sabti, July 21, 2012 (HOL) — Ciidamada dowladda KMG ah ee Soomaaliya ayaa xalay howgallo lagu sugayay ammaanka ka sameeyay Muqdisho, iyadoo sidoo kale ay isla xalay kooxo ku labisan dharka ciidamada oo wata gaadiid dagaal ay dhac u geysteen dukaammo ganacsi oo ku yaalla xaafadda Suuqa Xoolaha ee degmada Huriwaa.

Tailyaha ciidamada nabadsugidda gobolka Banaadir, Col. Khaliif Axmed Ereg ayaa sheegay in howgalladii xalay ay kusoo qabqabteen gaadiid hub siday iyo xubno ay uga shakisan yihiin inay xiriir la leeyihiin Xarakada Al-shabaab.

"Howlgalladii xalay oo ay iska kaashanayeen ciidamada nabadsugidda, milateriga iyo booliiska Soomaaliya ayaa waxaa laga sameeyay 52 isgoys oo ku yaalla Muqdisho, waxaana suurogashay in la qabto gaadiid hub siday iyo rag xiriir la lahaa Al-shabaab," ayuu yiri Col. Ereg.

Sidoo kale, taliyuhu wuxuu sheegay in howgalladan ay ahaayeen kuwo lagu sugayo ammaanka Muqdisho, inkastoo uusan sheegin muddada ay soconayaan, iyadoo lagu soo beegan howgalladan xilli la filayo inuu Muqdisho ka furmo shirweynaha ansixinta dastuurka cusub ee Soomaaliya.

Dhanka kale, kooxo ku labisan dharka ciidamada dowladda KMG ah oo wata gaadiid dagaal ayaa xalay fiidkii dhac u geystay dukaammo ganacsi oo ku yaalla Xaafadda Suuqa xoolaha oo ka tirsan degmada Huriwaa, sida ay ganacsatadii dukaammadaas lahayd u sheegeen saxaafadda.

"Kooxihii dhaca noo geystay waxay xirnaayeen direyska ciidamada dowladda KMG ah, waxayna naga qaateen lacago iyo taleefoonnada gacanta," ayuu yiri mid ka mid ah ganacsatadii dukaamada la dhacay lahaa oo magaciisa kusoo koobay Axmed.

Ugu dambeyn, ganacsaduhu wuxuu sheegay in dhaca loo geysto uu noqday mid soo laalaabtay, ayna dhowr jeer u dacwoodeen saraakiisha ciidamada balse waxba laga qaban waayay.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
7/21/2012 9:42 AM EST
Sabti, July 21, 2012 (HOL) — Annagoo soo dhaweyneyna bisha Ramadaan ee Barakaysan, madaxda ururrada Soomaalida ee UK iyo dhammaan dadka jecel dhaqanka, afka iyo akhriska waxaa lagu martiqaadayaa kulan-dhaqameed muhiim ah oo hordhac u ah xuska 40-guurada qoraalkii Far-Soomaalida.

7/21/2012 9:41 AM EST
Sabti, July 21, 2012 (HOL) — Ra'iisul wasaaraha Soomaaliya, C/weli Maxamed Cali iyo xubno wasiirro ah ayaa maanta la kulmay guddiga xallinta khilaafaadka iyo guddiga farsamo ee soo xulista ergooyinka ansixinta dastuurka iyo xulista xubnaha baarlamaanka, kaasoo looga hadlay dedejinta howlgaha lagu ansixinayo dastuurka iyo go'aan ka gaarsinta odayaal la isku haysto.

7/21/2012 9:39 AM EST
Sabti, July 21, 2012 (HOL) — Maamulka gobolka Bay ee dowladda Soomaaliya ayaa xabsiga u taxaabay maanta hawl-wadeenno u shaqeynayay hay’adda samafalka ee Islamic Relief iyo nin ganacsade ah.

7/21/2012 9:25 AM EST
Sabti, July 21, 2012 (HOL) — Isbahaysiga NATO ayaa beesha caalamka weydiistay inay qayb ka qaataan sidii loo ciribtiri lahaa burcadbadeedda Soomaaliya, iyagoo sheegay inay aad hoos ugu dhigeen weerarradii burcad-bdeedda ay ka fulin jireen biyaha Soomaaliya iyo kuwa ku dhow.

7/21/2012 8:26 AM EST
Sabti, July 21, 2012 (HOL) — Mas'uuliyiin ka tirsan Puntland, oo uu horkacayey madaxweynaha Cabdiraxmaan Maxamed Maxamuud Faroole ayaa duhurnimadii maanta booqday fanaanada Saado Cali Warsame, oo shalay ku dhaawacantay shil gaari, xilli ay dhinaca magaalada Garoowe kusoo jeedey.

7/21/2012 8:20 AM EST
Sabti, July 21, 2012 (HOL) — Al-shabaab waxay qorsheynaysaa weerarro ay ka geysato magaalada Nairobi inta lagu jiro bisha Ramadaan, kuwaasoo qorshahoodu yahay inay maanta oo Sabti ah billowdaan ayaa laga soo xigtay sarkaal sare oo ka tirsan booliiska Kenya.

7/21/2012 7:45 AM EST
Sabti, July 21, 2012 (HOL) — Ciidamada ammaanka ee Puntland ayaa gacanta ku soo dhigay dooni yar oo nooca kaluumaysiga ah, taasoo la sheegay inay kusoo jeeday degmada Caluula ee gobolka Bari.

7/21/2012 7:31 AM EST
Sabti, July 21, 2012 (HOL) — Hal sano kadib markii Qaramada Midoobay ay ku dhawaaqday in laba gobol oo ku yaalla Koonfurta Soomaaliya ay macluuli ka dilaacday ayaa waxaa laga soo sheegayaa gobollo badan oo Koonfurta ku yaalla abaaro khatar ah, kuwaasoo ay sababeen roobabkii xilliga oo yaraaday.

7/21/2012 7:06 AM EST
Sabti, July 21, 2012 (HOL) — Xaaladda caafimaad ee fanaanadda Soomaaliyeed ee Saado Cali Warsame ayaa soo hagaagaysa, kaddib markii ay shalay shil ku gashay inta u dhexeysa degmooyinka Gaalkacayo iyo Garoowe. Dhaawaca fanaanadda ayaa isugu jira, jab kasoo gaarey gacanta midig iyo nabaro fudud oo kaga dhacay qoorta iyo wejiga.

7/21/2012 6:49 AM EST
Sabti, July 21, 2012 (HOL) — Iyadoo maanta lagu waday inuu Muqdisho ka furmo shirweynaha ansixinta dastuurka qabyada ah ee Soomaaliya ayaa waxaa ku yimid dib u dhac, kaasoo lagu sheegay cillad farsamo oo dhinaca xulidda ergooyinka ah.

7/21/2012 6:47 AM EST
Sabti, July 21, 2012 (HOL) — Howlahan lagu dayactirayo isbitalka Dhoobleey ayaa waxa gacan ka geeystay qurbajoog ku dhaqan dalka Mareeynkanka oo kasoo jeeda gobollada Jubooyinka, waxaana dayactirku uu ku socdaa dhamaan qeybaha kala duwan ee Isbitalka.

7/21/2012 4:07 AM EST
Sabti, July 21, 2012 (HOL) — Madaxweynaha Mareykanka, Barack Obama ayaa mamnuucay dhoofinta dhuxusha Soomaaliya, taasoo uu sheegay inay dhaqaale ka hesho Xarakada Al-shabaab oo dagaal kula jirta DKMG ah iyo AMISOM, isagoo sidoo kale sheegay in cunno-qabteyn la saari doono cid walba oo ku lug yeelata musuq-maasuqa dhaqaalaha loogu deeqo Soomaaliya iyo kuwa askareeya caruurta.