6/22/2021
Today from Hiiraan Online:  _
Wararka Maanta- Jimco, July 20, 2012
Fannaanadda Saada Cali ma dhimman oo wey nooshahay



Jimco, July 20, 2012(HOL): Warar kala duwan ayaa galabta casir-liiqii ka soo baxay shil gaari oo ay fanaanadda Saado Cali Warsame ku gashay inta u dhaxeysa Kala-beyr iyo Burtinle, iyadoo ku sii jeeday Magaalada Garowe.

Fannaanadda oo ka soo tagtay  magaalada Gaalkacyo ayaa waxay ku socotay magaalada Garowe, halkaasi oo ay uga qeybgeli lahayd shir ay haween Soomaaliyeed ku lahaayeen magaaladaas, kaasi oo heer gebogebo ah maraya.

Barta Internet-ka Facebook ayay dad badan oo Soomaali ah ku shaaciyeen in fannaanaddu ay shilkaas ku geeriyootay, iyadoo ay website-yada qaarkoodna qoreen in fannaanaddu geeriyootay, hayeeshee warkaas waa uu beenoobay.

Haddaba si aan u helno xogta rasmiga ah ee xaaladda fannaanadda ayaa waxaan la xiriirnay wariyaheena deegaannada Puntland Maxamed Salaad Dirir, kaasi oo xiriirro uu la sameeyay mas’uuliyiin ka tirsan maamulka Puntland ku ogaaday in fannaanadda ay nooshahay, isla markaana ay dhaawacyo fudud soo gaareen.

Wariyuhu wuxuu intaas ku daray in loo xaqiijiyay in Fannaanaddu ay miyir-qabto, isla markaana lagu daweynayo Isbitaalka Magaalada Garowe.


Wixii warar ah ee ku soo kordha xaaladda Fannaanadda kula soco wararkeena dambe


Salaad Iidow Xasan (Xiis), Hiiraan Online
[email protected]

 












Click here
7/20/2012 9:19 AM EST
Jimco, July 20, 2012 (HOL) — Wararka laga helayo gobolka Gedo ayaa waxay sheegayaan in xiisado colaadeed oo u dhexeeya ciidamada DKMG ah, kuwa Kenya oo ka tirsan AMISOM iyo Al-shabaab ay ka aagan yihiin deegaanno u dhexeeya Buur-dhuubo iyo Baardheere oo ah degmooyinka ay Al-shabaab kaga sugan tahay gobolkaas.

7/20/2012 9:10 AM EST
Jimco, July 20, 2012 (HOL) — Abaanduulihii Ciidamadda Milatariga Somaliland Col:Cabdilaahi Xaaji Jaamac (Calas), ayaa sheegay inuu xilkii uu ciidanka ka hayey iska casilay.

7/20/2012 9:06 AM EST
Jimco, July 20, 2012 (HOL) — Iyadoo inta badan maanta gobollada bartamaha iyo koonfurta dalka Soomaaliya ay u tahay maalin Ramadaan oo ay dadka ku dhaqan Sooman yihiin, ayaa haddana dhinaca kale marka aad eegto waxaan maanta laga Soomin deegaanno badan oo ka tirsan maamulada Ahlu Sunna Waljameeca iyo Galmudug.

7/20/2012 4:46 AM EST
Jimco, July 20, 2012 (HOL) — Madaxweynaha Somaliland, Axmed Maxamed Maxamuud (Siilaanyo) ayaa shacabka Somaliland iyo guud ahaan islaamka ugu hambalyeeyey bisha barakaysan ee Ramadaan oo maanta kowsatay, waxaanu ilaahay uga baryey inuu sanadkan sanadkiisa kale ku gaadhsiiyo bash bash iyo barwaaqo.

7/20/2012 4:37 AM EST
Jimco, July 20, 2012 (HOL) — Afhayeenka baarlamaanka Soomaaliya, Shariif Xasan Sheekh Aadan ayaa sheegay inuu ka qaybgalayo doorashada madaxweynenimo ee dalka Soomaaliya oo dhici doona bisha Ogoosto ee soo socota, isagoo sidoo kale iska fogeeyay eedeymihii ay u soo jeediyeen guddiga baarista Qaramada Midoobay.

7/20/2012 4:34 AM EST
Jimco, July 20, 2012 (HOL) — Ra'iisul wasaaraha Itoobiya, Meles Zenawi ayaa looga daweynayaa isbitaal ku yaalla dalka Belgium xanuunka kansarka oo maskaxda kaga dhacay, iyadoo afhayeenka xukuumadda Addis Ababa uu beeniyay in xaaladdiisu ay tahay mid khatar ah.