6/13/2021
Today from Hiiraan Online:  _
Wararka Maanta- Jimco, July 20, 2012
Abaanduulihii Ciidamadda Milatariga Somaliland oo Sababo aan la shaacin isaga casilay xilkii uu hayay


Jimco, July 20, 2012 (HOL) — Abaanduulihii Ciidamadda Milatariga Somaliland Col:Cabdilaahi Xaaji Jaamac (Calas), ayaa sheegay inuu xilkii uu ciidanka ka hayey iska casilay.

Abaanduulaha ciidanka Milatariga Somaliland ayaa iscasilaadiisa u gudbiyey Madaxweynaha balse lama oga in madaxweynuhu ka aqbalay iyo in kale, maadaama oo uu madaxweynuhu awood u leeyahy inuu ka aqbalo iyo inuu ka diiddaba.

Illaa hadda lama cadayn sababta uu isku casilay Abaanduulaha ciidanka Milatariga, iyadoo saraakiil ciidanka Milatariga oo aan la xidhiidhay ka gaabsadeen inay tafaasiil ka bixiyaan iscasiladiisa iyo waxa keenay.

Haseyeeshee, wararka ayaa sheegaya in ay la xidhiidho xadhigii Maayarka iyo maayar ku xigeenka Laascaanood ee dhowaanta la xidhay, maadaama uu abaanduluhu ka soo jeeddo gobolka Sool, balse war rasmi ah ilaa hadda lama sheegin sababta ka dambaysa inuu iscasillo.

Maayarkii Laascaanood Kayse Maxamed Xaaji Xuseen ee la xidhay ayaa markii la soo daayey sheegay inuu xilkii uu maayarnimo iska casilay, isla markaana dawladda ka sugay in falkii lagula kacay wax ka qabato.

Haseyeeshee, khilaaf ayaa laga sheegayaa inuu soo dhexgalay masuuliyiinta gobolka Sool, kuwaas oo ku salaysan xaga maamulka iyo awoodahoogga, sidoo kale waxa uu muran kaas la mid ahi ka jiraa maamulka gobolka Togdheer oo iyana dhexdooddu is haystaan, khilaafkaasi oo ku salaysan xaga maamulka iyo muran dhul oo jira.

Si kastaba ha ahaaatee, xukuumadda ayaa laga sugayaa inay arrimaha jira soo farogaliso, waxna ka qabato inta aanu muranku sii xoogaysan.

Barkhad-Ladiif M. Cumar, Hiiraan Online
[email protected]
Hargeysa, Somaliland












Click here
7/20/2012 1:31 PM EST
Jimco, July 20, 2012(HOL): Warar kala duwan ayaa galabta casir-liiqii ka soo baxay shil gaari oo ay fanaanadda Saado Cali Warsame ku gashay inta u dhaxeysa Kala-beyr iyo Burtinle, iyadoo ku sii jeeday Magaalada Garowe.

7/20/2012 9:19 AM EST
Jimco, July 20, 2012 (HOL) — Wararka laga helayo gobolka Gedo ayaa waxay sheegayaan in xiisado colaadeed oo u dhexeeya ciidamada DKMG ah, kuwa Kenya oo ka tirsan AMISOM iyo Al-shabaab ay ka aagan yihiin deegaanno u dhexeeya Buur-dhuubo iyo Baardheere oo ah degmooyinka ay Al-shabaab kaga sugan tahay gobolkaas.

7/20/2012 9:06 AM EST
Jimco, July 20, 2012 (HOL) — Iyadoo inta badan maanta gobollada bartamaha iyo koonfurta dalka Soomaaliya ay u tahay maalin Ramadaan oo ay dadka ku dhaqan Sooman yihiin, ayaa haddana dhinaca kale marka aad eegto waxaan maanta laga Soomin deegaanno badan oo ka tirsan maamulada Ahlu Sunna Waljameeca iyo Galmudug.

7/20/2012 4:46 AM EST
Jimco, July 20, 2012 (HOL) — Madaxweynaha Somaliland, Axmed Maxamed Maxamuud (Siilaanyo) ayaa shacabka Somaliland iyo guud ahaan islaamka ugu hambalyeeyey bisha barakaysan ee Ramadaan oo maanta kowsatay, waxaanu ilaahay uga baryey inuu sanadkan sanadkiisa kale ku gaadhsiiyo bash bash iyo barwaaqo.

7/20/2012 4:37 AM EST
Jimco, July 20, 2012 (HOL) — Afhayeenka baarlamaanka Soomaaliya, Shariif Xasan Sheekh Aadan ayaa sheegay inuu ka qaybgalayo doorashada madaxweynenimo ee dalka Soomaaliya oo dhici doona bisha Ogoosto ee soo socota, isagoo sidoo kale iska fogeeyay eedeymihii ay u soo jeediyeen guddiga baarista Qaramada Midoobay.

7/20/2012 4:34 AM EST
Jimco, July 20, 2012 (HOL) — Ra'iisul wasaaraha Itoobiya, Meles Zenawi ayaa looga daweynayaa isbitaal ku yaalla dalka Belgium xanuunka kansarka oo maskaxda kaga dhacay, iyadoo afhayeenka xukuumadda Addis Ababa uu beeniyay in xaaladdiisu ay tahay mid khatar ah.