6/22/2021
Today from Hiiraan Online:  _
Wararka Maanta- Jimco, July 20, 2012
Deegaannada ay ka taliyaan Maamullada Galmudug iyo Ahlusunna Waljaamaca oo aan maanta laga Soomin


Jimco, July 20, 2012 (HOL) — Iyadoo inta badan maanta gobollada bartamaha iyo koonfurta dalka Soomaaliya ay u tahay maalin Ramadaan oo ay dadka ku dhaqan Sooman yihiin, ayaa haddana dhinaca kale marka aad eegto waxaan maanta laga Soomin deegaanno badan oo ka tirsan maamulada Ahlu Sunna Waljameeca iyo Galmudug.

Dadka ku dhaqan degmooyinka Dhuusa-mareeb, Caabud-waaq, Guri-ceel, Xeraale, Balanbal, oo dhamaantood ka tirsan gobollka Galguduud ayaa lagu waramayaa in aysan maanta Soomin, iyadoo la arkayo ayaa la leeyahay goobaha wax laga cuno iyo kuwa laga cabo intaba oo sidoodii u shaqeynaya.

Sidoo kale deegaannada hoos yimaada maamulka Galmudug ayaa lagu waramayaa in maanta aysan u aheyn maalin Ramadaan, iyaga oo sheegay in maalinta bari ah u noqon doonto maalintii ugu horeysay ee Ramadaanka.

Wasaarrada Garsoorka maamulka Galmudug ayaa lagu soo xigtay in bisha aan laga arkin deegaannada Galmudug, sidaa daraadeed maanta dadka ku dhaqan deegaannada uu ka jiro maamulkooda aysan Soomin.

Magaalada Baladweyne ee xarunta gobollka Hiiraan inta badan dadka ku dhaqan maata waxaa ay u tahay maalin Ramadaan, kadib markii ay ka war heleen in qeybo ka mid ah deegaannada Soomaaliya laga arkay bisha Radamaan, walow ay jiri karaan dad yar oo aan Sooneyn.

Inta badan gudaha dalka Soomaaliya marka aad eegto waa wax iska caadi ah in leysku khilaafo bilashada bisha barakeysan ee Radamaan, taasoo keentay in marka danbe dadku isku mid u wada Ciidin.

C/raxmaan Diini, Hiiraan Online
[email protected]
Baladweyne, Soomaaliya












Click here
7/20/2012 1:31 PM EST
Jimco, July 20, 2012(HOL): Warar kala duwan ayaa galabta casir-liiqii ka soo baxay shil gaari oo ay fanaanadda Saado Cali Warsame ku gashay inta u dhaxeysa Kala-beyr iyo Burtinle, iyadoo ku sii jeeday Magaalada Garowe.

7/20/2012 9:19 AM EST
Jimco, July 20, 2012 (HOL) — Wararka laga helayo gobolka Gedo ayaa waxay sheegayaan in xiisado colaadeed oo u dhexeeya ciidamada DKMG ah, kuwa Kenya oo ka tirsan AMISOM iyo Al-shabaab ay ka aagan yihiin deegaanno u dhexeeya Buur-dhuubo iyo Baardheere oo ah degmooyinka ay Al-shabaab kaga sugan tahay gobolkaas.

7/20/2012 9:10 AM EST
Jimco, July 20, 2012 (HOL) — Abaanduulihii Ciidamadda Milatariga Somaliland Col:Cabdilaahi Xaaji Jaamac (Calas), ayaa sheegay inuu xilkii uu ciidanka ka hayey iska casilay.

7/20/2012 4:46 AM EST
Jimco, July 20, 2012 (HOL) — Madaxweynaha Somaliland, Axmed Maxamed Maxamuud (Siilaanyo) ayaa shacabka Somaliland iyo guud ahaan islaamka ugu hambalyeeyey bisha barakaysan ee Ramadaan oo maanta kowsatay, waxaanu ilaahay uga baryey inuu sanadkan sanadkiisa kale ku gaadhsiiyo bash bash iyo barwaaqo.

7/20/2012 4:37 AM EST
Jimco, July 20, 2012 (HOL) — Afhayeenka baarlamaanka Soomaaliya, Shariif Xasan Sheekh Aadan ayaa sheegay inuu ka qaybgalayo doorashada madaxweynenimo ee dalka Soomaaliya oo dhici doona bisha Ogoosto ee soo socota, isagoo sidoo kale iska fogeeyay eedeymihii ay u soo jeediyeen guddiga baarista Qaramada Midoobay.

7/20/2012 4:34 AM EST
Jimco, July 20, 2012 (HOL) — Ra'iisul wasaaraha Itoobiya, Meles Zenawi ayaa looga daweynayaa isbitaal ku yaalla dalka Belgium xanuunka kansarka oo maskaxda kaga dhacay, iyadoo afhayeenka xukuumadda Addis Ababa uu beeniyay in xaaladdiisu ay tahay mid khatar ah.