6/22/2021
Today from Hiiraan Online:  _
Wararka Maanta- Jimco, July 20, 2012
Madaxweyne Axmed Siillaanyo oo Shacabka Somaliland iyo guud ahaan Muslimiinta u diray Hambalyo ku aaddan Bisha Ramadaan


Jimco, July 20, 2012 (HOL) — Madaxweynaha Somaliland, Axmed Maxamed Maxamuud (Siilaanyo) ayaa shacabka Somaliland iyo guud ahaan islaamka ugu hambalyeeyey bisha barakaysan ee Ramadaan oo maanta kowsatay, waxaanu ilaahay uga baryey inuu sanadkan sanadkiisa kale ku gaadhsiiyo bash bash iyo barwaaqo.

Madaxweynaha Somaliland oo dhambaalkan tahniyadda bisha Ramadaan ku saabsan u diray shacabka Somaliland waxa ku saxeexnaa Afhayeenka madaxtooyadda Cabdilaahi Maxamed Daahir (Cukuse).

"Madaxweynaha Mudane, Axmed Maxamed Maxamuud (Siilaanyo) waxa uu Shacbiga Somaliland Meelkasta oo ay Joogaanba Dalka Guddihiisa & Debediisaba ugu Bushaararaynaa uguna Hambalyeynayaa Bisha Barakaysan ee Ramadaan oo Kowsatay ILLAAHAYna waxa uu uga Baryayaa inuu Sannadka Sanadkiisa Bash-Bash & Barwaaqo ku gaadhsiiyo, waxa kale oo madaxwaynuhu uu Dhambaalkan mid la mida u Dirayaa Shucuurta islaamka ee Caalamka oo dhan. "ayaa lagu yidhi war-saxaafadeedkaasi ka soo baxay madaxtooyadda ee dadweynaha Somaliland iyo islaamka u diray.

Maanta ayey kawsatay bisha Barakaysan ee Ramadaan oo ah bil sanadle ah oo eebe adoomadiisa ku waajibiyey, isla markaana ah bil cibaaddo oo loo baahan yahay in taqwadda iyo alla ka cabsiga la badiyo.

Barkhad-Ladiif M. Cumar, Hiiraan Online
[email protected]
Hargeysa, Somaliland












Click here
7/20/2012 1:31 PM EST
Jimco, July 20, 2012(HOL): Warar kala duwan ayaa galabta casir-liiqii ka soo baxay shil gaari oo ay fanaanadda Saado Cali Warsame ku gashay inta u dhaxeysa Kala-beyr iyo Burtinle, iyadoo ku sii jeeday Magaalada Garowe.

7/20/2012 9:19 AM EST
Jimco, July 20, 2012 (HOL) — Wararka laga helayo gobolka Gedo ayaa waxay sheegayaan in xiisado colaadeed oo u dhexeeya ciidamada DKMG ah, kuwa Kenya oo ka tirsan AMISOM iyo Al-shabaab ay ka aagan yihiin deegaanno u dhexeeya Buur-dhuubo iyo Baardheere oo ah degmooyinka ay Al-shabaab kaga sugan tahay gobolkaas.

7/20/2012 9:10 AM EST
Jimco, July 20, 2012 (HOL) — Abaanduulihii Ciidamadda Milatariga Somaliland Col:Cabdilaahi Xaaji Jaamac (Calas), ayaa sheegay inuu xilkii uu ciidanka ka hayey iska casilay.

7/20/2012 9:06 AM EST
Jimco, July 20, 2012 (HOL) — Iyadoo inta badan maanta gobollada bartamaha iyo koonfurta dalka Soomaaliya ay u tahay maalin Ramadaan oo ay dadka ku dhaqan Sooman yihiin, ayaa haddana dhinaca kale marka aad eegto waxaan maanta laga Soomin deegaanno badan oo ka tirsan maamulada Ahlu Sunna Waljameeca iyo Galmudug.

7/20/2012 4:37 AM EST
Jimco, July 20, 2012 (HOL) — Afhayeenka baarlamaanka Soomaaliya, Shariif Xasan Sheekh Aadan ayaa sheegay inuu ka qaybgalayo doorashada madaxweynenimo ee dalka Soomaaliya oo dhici doona bisha Ogoosto ee soo socota, isagoo sidoo kale iska fogeeyay eedeymihii ay u soo jeediyeen guddiga baarista Qaramada Midoobay.

7/20/2012 4:34 AM EST
Jimco, July 20, 2012 (HOL) — Ra'iisul wasaaraha Itoobiya, Meles Zenawi ayaa looga daweynayaa isbitaal ku yaalla dalka Belgium xanuunka kansarka oo maskaxda kaga dhacay, iyadoo afhayeenka xukuumadda Addis Ababa uu beeniyay in xaaladdiisu ay tahay mid khatar ah.