6/24/2021
Today from Hiiraan Online:  _
Wararka Maanta- Jimco, July 20, 2012
Shariif Xasan oo sheegay inuu ka qaybgalayo Doorashada Madaxnimo ee Soomaaliya, kana hadlay eedeyntii loo jeediyay


Jimco, July 20, 2012 (HOL) — Afhayeenka baarlamaanka Soomaaliya, Shariif Xasan Sheekh Aadan ayaa sheegay inuu ka qaybgalayo doorashada madaxweynenimo ee dalka Soomaaliya oo dhici doona bisha Ogoosto ee soo socota, isagoo sidoo kale iska fogeeyay eedeymihii ay u soo jeediyeen guddiga baarista Qaramada Midoobay.

Shariif Xasan ayaa sheegay inuusan doonayn inuu isku sharraxo xilka afhayeenka baarlamaanka oo uu hadda hayo, isagoo sheegay inuu dhawaan ku dhawaaqi doono inuu ka qaybgalay doorashada madaxnimo ee dalka.

"Inaan doorashada madaxnimo ka qaybgalo waan rabaa; laakiin waqtigii aan ku dhawaaqayo lahaa inaan murashax ahay ayaa dhiman," ayuu yiri guddoomiyaha baarlamaanka Soomaaliya, Shariif Xasan.

Madaxweynaha Soomaaliya, Shariif Xasan Sheekh Aadan ayaa isaguna ka mid ah dadka u tartamaya xilka madaxnimo ee Soomaaliya marka la gaaro bisha Ogoosto ee sannadkan, waxaana tirada murashaxiinta ay sii caga-cageynaysaa 20-qof oo ay ku jirto hal haweeney ah.

Dhanka kale, guddoomiyaha baarlamaanka Soomaaliya wuxuu iska fogeeyay eedeyn musuqmaasuq oo ay u soo jeediyeen guddiga baarista ee Qaramada Midoobay, isagoo ku tilmaamay eedeyntaas inay tahay mid aanay waxba ka jirin.

"Eedeyntan waa mid dano gaar ah laga leeyahay, ujeeddada laga leeyahayna waa mid lagu doonayo in lagu qariyo waxqabadka dowladda, waayo dhaqaale aan dadka ka ururinay ayaan wax ku qabannay," ayuu yiri guddoomiyaha baarlamaanka DKMG ah ee Soomaaliya oo u warramayay VOA-da.

Ugu dambeyn, wuxuu sheegay in dhaqaalaha lagu eedeeyay inay lunsadeen aanay waxba oolin, wuxuuna xusay in karti iyo dadaal ay muujiyeen madaxda dowladda ku qabteen howlaha dowladda iyagoo gacan ka helaya ganacsatada Soomaaliyeed.

Guddiga baarista Qaramada Midoobay ayaa ku eedeeyay madaxda ugu sarreysa Soomaaliya inay lunsadeen hanti fara badan oo loogu deeqay Soomaailya, waxaana lagu wadaa in warbixintan ay golaha ammaanka ee Qaramada Midoobay ka doodaan bishan dhammaadkeeda.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
7/20/2012 1:31 PM EST
Jimco, July 20, 2012(HOL): Warar kala duwan ayaa galabta casir-liiqii ka soo baxay shil gaari oo ay fanaanadda Saado Cali Warsame ku gashay inta u dhaxeysa Kala-beyr iyo Burtinle, iyadoo ku sii jeeday Magaalada Garowe.

7/20/2012 9:19 AM EST
Jimco, July 20, 2012 (HOL) — Wararka laga helayo gobolka Gedo ayaa waxay sheegayaan in xiisado colaadeed oo u dhexeeya ciidamada DKMG ah, kuwa Kenya oo ka tirsan AMISOM iyo Al-shabaab ay ka aagan yihiin deegaanno u dhexeeya Buur-dhuubo iyo Baardheere oo ah degmooyinka ay Al-shabaab kaga sugan tahay gobolkaas.

7/20/2012 9:10 AM EST
Jimco, July 20, 2012 (HOL) — Abaanduulihii Ciidamadda Milatariga Somaliland Col:Cabdilaahi Xaaji Jaamac (Calas), ayaa sheegay inuu xilkii uu ciidanka ka hayey iska casilay.

7/20/2012 9:06 AM EST
Jimco, July 20, 2012 (HOL) — Iyadoo inta badan maanta gobollada bartamaha iyo koonfurta dalka Soomaaliya ay u tahay maalin Ramadaan oo ay dadka ku dhaqan Sooman yihiin, ayaa haddana dhinaca kale marka aad eegto waxaan maanta laga Soomin deegaanno badan oo ka tirsan maamulada Ahlu Sunna Waljameeca iyo Galmudug.

7/20/2012 4:46 AM EST
Jimco, July 20, 2012 (HOL) — Madaxweynaha Somaliland, Axmed Maxamed Maxamuud (Siilaanyo) ayaa shacabka Somaliland iyo guud ahaan islaamka ugu hambalyeeyey bisha barakaysan ee Ramadaan oo maanta kowsatay, waxaanu ilaahay uga baryey inuu sanadkan sanadkiisa kale ku gaadhsiiyo bash bash iyo barwaaqo.

7/20/2012 4:34 AM EST
Jimco, July 20, 2012 (HOL) — Ra'iisul wasaaraha Itoobiya, Meles Zenawi ayaa looga daweynayaa isbitaal ku yaalla dalka Belgium xanuunka kansarka oo maskaxda kaga dhacay, iyadoo afhayeenka xukuumadda Addis Ababa uu beeniyay in xaaladdiisu ay tahay mid khatar ah.