6/13/2021
Today from Hiiraan Online:  _
Wararka Maanta- Jimco, July 20, 2012
Ra'iisul Waasaraha Itoobiya oo Isbitaal ku yaalla Belgium looga daweynayo cudurka Kansarka oo kaga dhacay Maskaxda



|Jimco, July 20, 2012 (HOL) — Ra'iisul wasaaraha Itoobiya, Meles Zenawi ayaa looga daweynayaa isbitaal ku yaalla dalka Belgium xanuunka kansarka oo maskaxda kaga dhacay, iyadoo afhayeenka xukuumadda Addis Ababa uu beeniyay in xaaladdiisu ay tahay mid khatar ah.

Inkastoo afhayeenka Itoobiya, Bereket Simon uusan sheegin xanuunka Zenawi laga daweynayo, haddana wuxuu sheegay inuu dalka dibaddiisa u jiro arrimo caafimaad uu isagu weli xukunka dalka hayo.

"Xukuumadda waxaa weli hoggaaminaya ra'iisul wasaaraha, xaaladdiisuna waa mid aad u wanaagsan, wararka sheegaya inuu xanuun daran hayana waa been aanay waxba ka jirin," ayuu yiri Simon oo wariyeyaasha kula hadlayay Addis Ababa shalay oo Khamiis ahayd.

Sidoo kale, warsaxaafadeed kasoo baxay xukuumadda ayaa lagu sheegay inuu Zenawi ku maqan yahay daweyn, balse laguma sheegin xilliga uu dib ugu soo laabanayo shaqadiisa.

Ra'iisul wasaaraha Itoobiya oo 57-jir ah ayaa ku guuleysatay doorashooyinkii ka dhacay Itoobiya sannadkii 2010, isagoo xilka haynaya int laga gaarayo 2015-ka waana ra'iisul wasaare awood badan.

Zenawi ayaan ka qaybgalin shirkii madaxda Midowga Afrika ee dhacay toddobadkii hore, taasoo noqonaysa markii ugu horreysay oo uu ka baaqdo shir Midowga Afrika uu leeyahay tan iyo markii uu xukunka dalkaas la wareegay sannadkii 1991-kii.

Dalka Itoobiya ayaa waxay ciidammo fara badan oo caawinaya kuwa dowladda KMG ah kaga sugan yihiin Soomaaliya, kuwaasoo dagaallo kula jira xoogagga Al-shabaab si dowladda Soomaaliya ay awooddeeda ugu baahiso dalka oo dhan markii ugu horreysay tan iyo markii la dhisay.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
7/20/2012 1:31 PM EST
Jimco, July 20, 2012(HOL): Warar kala duwan ayaa galabta casir-liiqii ka soo baxay shil gaari oo ay fanaanadda Saado Cali Warsame ku gashay inta u dhaxeysa Kala-beyr iyo Burtinle, iyadoo ku sii jeeday Magaalada Garowe.

7/20/2012 9:19 AM EST
Jimco, July 20, 2012 (HOL) — Wararka laga helayo gobolka Gedo ayaa waxay sheegayaan in xiisado colaadeed oo u dhexeeya ciidamada DKMG ah, kuwa Kenya oo ka tirsan AMISOM iyo Al-shabaab ay ka aagan yihiin deegaanno u dhexeeya Buur-dhuubo iyo Baardheere oo ah degmooyinka ay Al-shabaab kaga sugan tahay gobolkaas.

7/20/2012 9:10 AM EST
Jimco, July 20, 2012 (HOL) — Abaanduulihii Ciidamadda Milatariga Somaliland Col:Cabdilaahi Xaaji Jaamac (Calas), ayaa sheegay inuu xilkii uu ciidanka ka hayey iska casilay.

7/20/2012 9:06 AM EST
Jimco, July 20, 2012 (HOL) — Iyadoo inta badan maanta gobollada bartamaha iyo koonfurta dalka Soomaaliya ay u tahay maalin Ramadaan oo ay dadka ku dhaqan Sooman yihiin, ayaa haddana dhinaca kale marka aad eegto waxaan maanta laga Soomin deegaanno badan oo ka tirsan maamulada Ahlu Sunna Waljameeca iyo Galmudug.

7/20/2012 4:46 AM EST
Jimco, July 20, 2012 (HOL) — Madaxweynaha Somaliland, Axmed Maxamed Maxamuud (Siilaanyo) ayaa shacabka Somaliland iyo guud ahaan islaamka ugu hambalyeeyey bisha barakaysan ee Ramadaan oo maanta kowsatay, waxaanu ilaahay uga baryey inuu sanadkan sanadkiisa kale ku gaadhsiiyo bash bash iyo barwaaqo.

7/20/2012 4:37 AM EST
Jimco, July 20, 2012 (HOL) — Afhayeenka baarlamaanka Soomaaliya, Shariif Xasan Sheekh Aadan ayaa sheegay inuu ka qaybgalayo doorashada madaxweynenimo ee dalka Soomaaliya oo dhici doona bisha Ogoosto ee soo socota, isagoo sidoo kale iska fogeeyay eedeymihii ay u soo jeediyeen guddiga baarista Qaramada Midoobay.