Khamiis, July 19, 2012 (HOL) — Ra'iisul wasaaraha Soomaaliya, Cabdiweli Maxamed Cali, wasiirro iyo xubno ka socda beesha calaamka oo uu horkacayay ku xigeenka ergayga Midowga Afrika ee arrimaha Soomaaliya, Wafula Wamunyinyi ayaa maanta kulan la yeeshay odayaasha dhaqanka ee ku shirsan Muqdisho, iyagoo ka dalbaday inay soo dedejiyaan soo gudbinta magacyada ergooyinka laga sugayo.
Wasiirka qorsheynta iyo xiriirka caalamka, C/llaahi Goodax Barre ayaa ugu baaqay odayaasha inay maalinta berri ah soo gudbiyaan ergooyinka ansixinta dastuurka, si odayaashu ay ergooyinka u geeyaan goobta uu shirku ka dhacayo.
"Shardi ma ahan in oday walba ergooyinkiisa oo dhan uu horkaco, balse inta uu hayo ayuu soo diiwaan-geliyo, waayo waqti lama hayo," ayuu yiri Goodax, isagoo sheegay in howsha ay sidaas ku socon doonto.
Dajire Wamunyinyi oo isaguna odayaasha la hadlay ayaa sheegay ka dalbaday inay fududeeyeen soo gudbinta liiska ergooyinka laga sugayo maadaama waqtiga uu yar yahay, isagoo sheegay in la doonayo in howlaha harsan ay waqtigii loogu talogalay ku dhammaadaan.
Ra'iisul wasaaraha Soomaaliya, C/weli Maxamed Cali oo isaguna odayaasha hadalkii ugu dambeeyay u jeediyay odayaasha dhaqanka ayaa ugu baaqay inay sida ugu dhaqsiyaha badan kusoo xulaan ergooyinka ansixinta dastuurka iyo xildhibaannada baarlamaanka cusub.
"Waqti yar baa inoo harsan, intii hore guul, wadajir iyo Soomaalinimo ayaan kusoo dhameysanay inta hartayna sidaas oo kale ayaan rajeynayaan. Waxaana sidoo kale rajeynayaa in bisha Ogoosto aan gaarno baarlamaanka oo lasoo xulay iyo dastuurka oo la ansixiyay," ayuu yiri ra'iisul wasaaraha Soomaaliya.
Sidoo kale, ra'iisul wasaaruhu wuxuu u mahadceliyay odayaasha dhaqanka inay ku bixiyeen dadaal badan sidii howshan loo qaban lahaa, isagoo sheegay in howshan ay tahay waajibkii saarnaa oo ay guteen.
Ugu dambeyn, ra'iisul wasaaraha iyo xubnaha ka socday beesha calaamka ayaa kormeer ku tagay dugsiga tababarka booliiska Soomaaliya oo lagu wado in dhowrka casho ee soo socda uu ka furmo shirka ansixinta dastuurka cusub.
Maxamed Xaaji Xuseen, Hiiraan Online
[email protected]
Muqdisho, Soomaaliya
Ra'iisul wasaaraha Xukuumadda Soomaaliya iyo Xubno ka socda Beesha Caalamka oo la kulmay Odyaasha Dhaqanka
More News
- Youtube: Warbixin Cabdi Bile Cabdi oo London Lagu soo dhaweeyey : Baafo
- Shirweyne ay isugu yimaadeen haween ka kala yimid Puntland, gobollada dhexe iyo Itoobiya oo Garoowe ka furmay [SAWIRRO]
- Rugta ganacsiga iyo wershedaha ee Puntland oo dhistay dallad ay ku mideysan yihiin shirkadaha xoolaha dhoofiya [SAWIRRO]
- Maxkamadda Ciidamada Qalabka Sida ee Dowladda KMG oo dil toogasho ah ku fulisay afar Askari oo gacan ku dhiiglayaal ahaa
- Guddoomiyaha Gobolka Hiiraan oo ku laabtay Magaalada Baladweyne kana warbixiyay safarro uu ku maqnaa
- Sheekh Shariif oo beeniyay in xukuumadii Farmaajo ay lacago lunsatay
- Wasiirka Diinta iyo Awqaafta Somaliland oo imaamyadda masaajidada ka codsaday in la mideeyo wakhtiyadda Salaadda
- YAASIIN MAAXI: “Waxaan wax ku doonayaa Sinnaan iyo Soomaalinimo, wax intaas ka hooseeyana wax kuma doonayo” (SAWIRRO)
- Xiriiriyaha gargaarka bani'aadamnimo ee Somalia oo sheegay in Malaayiin qof ay weli u baahan yihiin Mucaawino
- Kulan looga hadlayay sidii ay Odayaasha Dhaqanka Soomaaliyeed u wada-shaqeyn lahaayeen oo Muqdisho lagu qabtay
- Shan qof oo ku dhaawacmay Qaraxyo xalay ka dhacay Degmada Wajeer oo ku dhow Soohdinta Soomaliya iyo Kenya
- Haweenka kulan ku yeeshay Muqdisho oo Dowladda iyo Odayaasha ugu baaqay inay Tixgeliyaan Saamiga Haweenka
- Madaxweynaha Soomaaliya oo sheegay in Warbixinta Guddiga Baarista ee Qaramada Midoobay ay kasoo horjeeddo nabadda Soomaaliya