6/13/2021
Today from Hiiraan Online:  _
Wararka Maanta- Khamiis, July 19, 2012
Guddoomiyaha Gobolka Hiiraan oo ku laabtay Magaalada Baladweyne kana warbixiyay safarro uu ku maqnaa



Khamiis, July 19, 2012 (HOL) — Ammaanka magaalada Baladweyne  ayaa aad loo adkeeyay kadib markii uu maanta dib ugu laabtay guddoomiyaha gobollka Hiiraan C/fitaax Xassan Afrax oo hogaaminayay xubno ka tirsan maamulka gobolka.

Guddoomiyaha oo kula hadllay warbaahinta xarunta maamulka gobolka ayaa sheegay in todobadyadii aynu soo dhaafnay uu ku maqnaa safar uu ku tagay qaar ka mid ah wadamada dariska ah iyo caasimada Muqdisho, halkaasoo uu kulamo kula soo qaatay sida uu sheegay mas’uuliyiinta kala gadisan.

"Safarkeenii ugu horeeyay waxaa ku tagnay dalka Jabuuti oo aan uga qeyb-galnay shir looga hadllayay mashaariic hormarineed oo la doonayo in laga fuliyo gobollka Hiiraan, dhawaanna gobollka waxaa ka bilaabay doona mashaariic hormarineed, dhaqaallihii loogu talagalayna waa la hayaan," ayuu yiri C/fitaax Afrax.

Sidoo kale waxaa uu sheegay in uu socdaal ku soo maray magaalada Nairobi iyo caasimada Muqdisho, isaga oo sheegay in is badal lagu sameeyay maamulkii degmada Baladweyne.


"Waxaan rabaan in aan idiin sheego in isbadal lagu sameeyay maamulkii degmada, waxaa la badallay guddoomiyihii degmada, waxaana la soo magacaawday guddoomiye cusub, sidoo kale waxaa ay dowladda naga ogolaatay in la dalacsiiyo ilaa 30 sarkaal oo ka mid ah ciidamada maamulka gobollka,’’ ayuu guddoomiyuhu yiri.

Sidoo kale guddoomiyuhu wuxuu sheegay in dowladda KMG Somalia ay maamulka ku wareejisay Idaacad FM ah oo sida ugu dhaqsiyaha badan uga howlgali doona gobolka Hiiraan.

Dhinaca kale markii ugu horeysay ayuu ka dhawaajiyay guddoomiyaha mamulka gobollka in labo gobol loo qeybiyay gobolka Hiiraan oo sida uu sheegay in uu ka soo haray Sideedii gobol ee Soomaaliya.

"Sida aad la soctaa gobollka Hiiran waxaa uu ka mid ahaa Sideedii gobol ee dalka Soomaaliya, ugu danbeytii dadaal dheer kadib waxaan ku guuleysanay in aan ka dhigno labo gobol, laakiin wali howshu waa ay soctaa, waxaana xooga saari doonaa sidii qeybaha dhiman ee gobollka looga saari lahaa kooxaha hadda ku sugan,’’ ayuu hadalkiisa raaciyay.

Dhinaca kale, waxaa uu sheegay in uu soo dhamaaday qorshihii guud ahaanba gobollka looga sifeyn lahaa sida uu hadalka u dhigay kooxda Al-shabaab, waxaana uu sheegay in dhawaan lagu dhaqaaqi doono arintaa iyada ah.

Ugu danbeytii, waxaa uu ugu baaqay bulshada ku dhaqan gobollka Hiiraan in ay gacan siiyaan ciidamada amaanka si wada jir looga wada shaqeeyo howlaha la xiriir sugida nabad-galyada.




C/raxmaan Diini, Hiiraan Online
[email protected]
Baladweyne, Soomaaliya











Click here
7/19/2012 1:39 PM EST
Halyeyga Soomaaliyeed Cabdi Bile Cabdi ayaa si weyn loogu soo dhaweeye magaalada London. Waxaa warbixintaan magaalada London nooga soo diray Ibrahim Baafo.

7/19/2012 1:18 PM EST
Khamiis, July 19, 2012(HOL): Magaala madaxda Puntland ee Garoowe waxaa maanta ka furmay shir-weyne ay isugu yimaadeen haween ka kala yimid 8-da gobol ee Puntland iyo deegaanada ay ka arimiyaan maamullada Ximin iyo Xeeb, Gal-mudug, gobolka Hiiraan, dowlad deegaanka Soomaalida ee Itoobiya iyo hablo metelaya jaaliyadaha Soomaalida ee qurbaha ku nool.

7/19/2012 1:17 PM EST
Khamiis, July 19, 2012(HOL): Xarunta rugta ganacsiga iyo wershedaha Puntland ee magaalada Boosaaso waxaa maanta lagu dhisay dallad ay ku mideysan yihiin shirkadaha ka shaqeeya Xoolo dhoofinta ee ka jira deegaanada Puntland. Munaasabadii daladdan lagu dhisayey oo ahayd mid si heer sare ah loo soo agaasimey waxaa kasoo qayb galay madaxda rugta ganacsiga iyo mas'uuliyiin ka socotey wasaaradaha ganacsiga, maaliyadda iyo xanaanada xoolaha.

7/19/2012 9:35 AM EST
Khamiis, July 19, 2012 (HOL) — Maxkamadda ciidamada dowladda Soomaaliya ayaa maanta dil toogasho ah ku fulisay afar askari oo horay loo xukumay, kuwaasoo lagu eedeeyay inay dil u geysteen askar kale iyo dad shacab ah.

7/19/2012 9:20 AM EST
Khamiis, July 19, 2012 (HOL) — Ra'iisul wasaaraha Soomaaliya, Cabdiweli Maxamed Cali, wasiirro iyo xubno ka socda beesha calaamka oo uu horkacayay ku xigeenka ergayga Midowga Afrika ee arrimaha Soomaaliya, Wafula Wamunyinyi ayaa maanta kulan la yeeshay odayaasha dhaqanka ee ku shirsan Muqdisho, iyagoo ka dalbaday inay soo dedejiyaan soo gudbinta magacyada ergooyinka laga sugayo.

7/19/2012 8:22 AM EST
Madaxweynaha DKMG ah ee Soomaaliya Shariif Sheekh Axmed ayaa gaashaanka ku dhuftay wararka sheegaya in lacag gaaraysa 3.5 milyan oo lagu qoray warbixintii qaramada midoobay ay ku maqantahay xukuumadii ra'iisul wasaarihii hore ee Soomaaliya Maxamed C/laahi Farmaajo.

7/19/2012 8:16 AM EST
Khamiis, July 19, 2012 (HOL) — Wasiirka diinta iyo owqaafta Somaliland, Sheekh Khaliil Cabdilaahi Axmed ayaa maanta kulan kula yeeshay xafiiskiisa culimadda iyo imaamyadda masaajidada magaaladda Hargeysa, isagoo usoo jeediyey in la mideeyo wakhtiyadda salaadda, maadaama oo bishii barakaysnayd ee Ramadaanta la galayo.

7/19/2012 8:14 AM EST
Khamiis, July 19, 2012(HOL): Siyaasiga yaasiin maxamuud ayaa la hadley soomaalida ku nool magaalada Borlänge ee dalka Sweden kaddib markii casuumaad ay u sameeyeen Soomaalida magaaladaas ku dhaqan.

7/19/2012 8:12 AM EST
Khamiis, July 19, 2012 (HOL) — Xiriiriyaha gargaarka bani'aadamnimo Qaramada Midoobay ee Soomaaliya, Mark Bowden oo maanta shir jaraa'id ku qabtay Muqdisho ayaa sheegay in weli ay malaayiin qof oo Soomaaliyeed ay u baahan yihiin gargaar deg-deg ah.

7/19/2012 8:02 AM EST
Khamiis, July 19, 2012 (HOL) — Magaalada Muqdisho ayaa maanta lagu qabtay kulan ay isugu yimaadeen odayaasha dhaqanka Soomaaliyeed, kaasoo ay soo qaban-qaabisay hay'adda CCD loogana hadlayay qaabkii ay odayaashu iskula shaqeyn lahaayeen.

7/19/2012 3:20 AM EST
Khamiis, July 19, 2012 (HOL) — Shan qof ayaa la xaqiijiyay inay ku dhaawacmeen laba qarax oo xalay ka dhacay degmada Wajeer ee gobolka Waqooyi bari ee dalka Kenya oo ku dhow soohdinta ay labada dal wadaagaan.

7/19/2012 3:20 AM EST
Khamiis, July 19, 2012 (HOL) — Kulan ay haweenka Soomaaliyeed ku yeesheen Muqdisho ayaa waxay kasoo saareen warsaxaafadeed ay uga dalbanayaan DKMG ah iyo odayaasha dhaqanka inay tixigeliyaan saamiga ay ku leeyihiin dowladda ee 30% ah.

7/19/2012 3:00 AM EST
Khamiis, July 19, 2012 (HOL) — Madaxweynaha Soomaaliya, Sheekh Shariif Sheekh Axmed ayaa ku tilmaamay warbixintii kooxda baarista Qaramada Midoobay ee uu ka mid ahaa mas'uuliyiintii lagu eedeeyay inay tahay mid looga gol leeyahay in nabdda Soomaaliya lagu burburiyo, isagoo sheegay inaysan jirin hanti ay lunsadeen.