6/13/2021
Today from Hiiraan Online:  _
Wararka Maanta- Khamiis, July 19, 2012
Sheekh Shariif oo beeniyay in xukuumadii Farmaajo ay lacago lunsatay


Khamiis, July 19, 2012 (HOL) - Madaxweynaha DKMG ah ee Soomaaliya Shariif Sheekh Axmed ayaa gaashaanka ku dhuftay wararka sheegaya in lacag gaaraysa 3.5 milyan oo lagu qoray warbixintii qaramada midoobay ay ku maqantahay xukuumadii ra'iisul wasaarihii hore ee Soomaaliya Maxamed C/laahi Farmaajo.

Madaxweynaha oo shalay ka hadlayay xaflad wayn oo ka dhacday magaalada Muqdisho, uuna dib isugu sharraxayay jagada madaxweynenimo ayuu sheegay in lacagta lagu eedaynayo xukuumadii Farmaajo ay tahay mid laga warqabo meesha ay ku baxday.

Sheekh Shariif ayaa ku tilmaamay in lacagtaasi ay tahay mid adeegyo kala duwan loogu fidiyay shacabka Soomaaliyeed ayna warbixinta gudiga qaramada midoobay tahay mid aan sal lahayn.

Hadalka madaxweynaha ayaa ka hor imaanaya waraysi uu gudiga qaramada midoobay siiyay ra'iisul wasaaraha Soomaaliya C/wali Maxamed Cali Gaas oo lacag gaaraysa 3.5 milyan kuu eedeeyay inay ku maqantahay xukuumadii Farmaajo.

Waxaana hadalka madaxweynuhu uu imaanaya xilli uu cadaadis soo food saaray masuuliyiinta ugu sarreysa qaranka oo gudi qaramada midoobay ka socda oo baarayay musuqmaasuqa Soomaaliya ay ku eedeeyeen in madaxda sare ay hormuud ka yihiin isdaba-marinta iyo musuqmaasuqa ka taagan waddanka.

Balse dawlada  ayaa ka hortimid warbixinta gudigaas, waxayna ku tilmaameen inay tahay mid lagu burburinayo hannaanka dawladnimo ee Soomaaliya.

Axmed Cabdisamad, Hiiraan Online
[email protected]
Nairobi , Kenya











Click here
7/19/2012 1:39 PM EST
Halyeyga Soomaaliyeed Cabdi Bile Cabdi ayaa si weyn loogu soo dhaweeye magaalada London. Waxaa warbixintaan magaalada London nooga soo diray Ibrahim Baafo.

7/19/2012 1:18 PM EST
Khamiis, July 19, 2012(HOL): Magaala madaxda Puntland ee Garoowe waxaa maanta ka furmay shir-weyne ay isugu yimaadeen haween ka kala yimid 8-da gobol ee Puntland iyo deegaanada ay ka arimiyaan maamullada Ximin iyo Xeeb, Gal-mudug, gobolka Hiiraan, dowlad deegaanka Soomaalida ee Itoobiya iyo hablo metelaya jaaliyadaha Soomaalida ee qurbaha ku nool.

7/19/2012 1:17 PM EST
Khamiis, July 19, 2012(HOL): Xarunta rugta ganacsiga iyo wershedaha Puntland ee magaalada Boosaaso waxaa maanta lagu dhisay dallad ay ku mideysan yihiin shirkadaha ka shaqeeya Xoolo dhoofinta ee ka jira deegaanada Puntland. Munaasabadii daladdan lagu dhisayey oo ahayd mid si heer sare ah loo soo agaasimey waxaa kasoo qayb galay madaxda rugta ganacsiga iyo mas'uuliyiin ka socotey wasaaradaha ganacsiga, maaliyadda iyo xanaanada xoolaha.

7/19/2012 9:35 AM EST
Khamiis, July 19, 2012 (HOL) — Maxkamadda ciidamada dowladda Soomaaliya ayaa maanta dil toogasho ah ku fulisay afar askari oo horay loo xukumay, kuwaasoo lagu eedeeyay inay dil u geysteen askar kale iyo dad shacab ah.

7/19/2012 9:20 AM EST
Khamiis, July 19, 2012 (HOL) — Ra'iisul wasaaraha Soomaaliya, Cabdiweli Maxamed Cali, wasiirro iyo xubno ka socda beesha calaamka oo uu horkacayay ku xigeenka ergayga Midowga Afrika ee arrimaha Soomaaliya, Wafula Wamunyinyi ayaa maanta kulan la yeeshay odayaasha dhaqanka ee ku shirsan Muqdisho, iyagoo ka dalbaday inay soo dedejiyaan soo gudbinta magacyada ergooyinka laga sugayo.

7/19/2012 9:05 AM EST
Khamiis, July 19, 2012 (HOL) — Ammaanka magaalada Baladweyne ayaa aad loo adkeeyay kadib markii uu maanta dib ugu laabtay guddoomiyaha gobollka Hiiraan C/fitaax Xassan Afrax oo hogaaminayay xubno ka tirsan maamulka gobolka.

7/19/2012 8:16 AM EST
Khamiis, July 19, 2012 (HOL) — Wasiirka diinta iyo owqaafta Somaliland, Sheekh Khaliil Cabdilaahi Axmed ayaa maanta kulan kula yeeshay xafiiskiisa culimadda iyo imaamyadda masaajidada magaaladda Hargeysa, isagoo usoo jeediyey in la mideeyo wakhtiyadda salaadda, maadaama oo bishii barakaysnayd ee Ramadaanta la galayo.

7/19/2012 8:14 AM EST
Khamiis, July 19, 2012(HOL): Siyaasiga yaasiin maxamuud ayaa la hadley soomaalida ku nool magaalada Borlänge ee dalka Sweden kaddib markii casuumaad ay u sameeyeen Soomaalida magaaladaas ku dhaqan.

7/19/2012 8:12 AM EST
Khamiis, July 19, 2012 (HOL) — Xiriiriyaha gargaarka bani'aadamnimo Qaramada Midoobay ee Soomaaliya, Mark Bowden oo maanta shir jaraa'id ku qabtay Muqdisho ayaa sheegay in weli ay malaayiin qof oo Soomaaliyeed ay u baahan yihiin gargaar deg-deg ah.

7/19/2012 8:02 AM EST
Khamiis, July 19, 2012 (HOL) — Magaalada Muqdisho ayaa maanta lagu qabtay kulan ay isugu yimaadeen odayaasha dhaqanka Soomaaliyeed, kaasoo ay soo qaban-qaabisay hay'adda CCD loogana hadlayay qaabkii ay odayaashu iskula shaqeyn lahaayeen.

7/19/2012 3:20 AM EST
Khamiis, July 19, 2012 (HOL) — Shan qof ayaa la xaqiijiyay inay ku dhaawacmeen laba qarax oo xalay ka dhacay degmada Wajeer ee gobolka Waqooyi bari ee dalka Kenya oo ku dhow soohdinta ay labada dal wadaagaan.

7/19/2012 3:20 AM EST
Khamiis, July 19, 2012 (HOL) — Kulan ay haweenka Soomaaliyeed ku yeesheen Muqdisho ayaa waxay kasoo saareen warsaxaafadeed ay uga dalbanayaan DKMG ah iyo odayaasha dhaqanka inay tixigeliyaan saamiga ay ku leeyihiin dowladda ee 30% ah.

7/19/2012 3:00 AM EST
Khamiis, July 19, 2012 (HOL) — Madaxweynaha Soomaaliya, Sheekh Shariif Sheekh Axmed ayaa ku tilmaamay warbixintii kooxda baarista Qaramada Midoobay ee uu ka mid ahaa mas'uuliyiintii lagu eedeeyay inay tahay mid looga gol leeyahay in nabdda Soomaaliya lagu burburiyo, isagoo sheegay inaysan jirin hanti ay lunsadeen.