6/13/2021
Today from Hiiraan Online:  _
Wararka Maanta- Khamiis, July 19, 2012
Kulan looga hadlayay sidii ay Odayaasha Dhaqanka Soomaaliyeed u wada-shaqeyn lahaayeen oo Muqdisho lagu qabtay



Khamiis, July 19, 2012 (HOL) — Magaalada Muqdisho ayaa maanta lagu qabtay kulan ay isugu yimaadeen odayaasha dhaqanka Soomaaliyeed, kaasoo  ay soo qaban-qaabisay hay'adda CCD loogana hadlayay qaabkii ay odayaashu iskula shaqeyn lahaayeen.

Kulanka ayaa waxaa ka qaybgalay xildhibaanno, culummaa'uddiin iyo waxgarad kale oo ka socday qaybaha bulshada, waxaana kulankan hadallo ka jeediyay xubnihii ka qaybgalay.

"Odayaasha dhaqanka Soomaaliyeed si ay u xoojiyaan wada-shaqeynta dhexdooda ah waa inay marka hore sameystaan xarun ay ku kulmaan," ayuu Imaam Maxamed Yuusuf ka sheegay kulanka, isagoo odayaasha dhaqanka ugu baaqay inay xoojiyaan midnimadooda.

Xildhibaan Salaad Cali Jeelle oo ka mid ah xubnihii kulanka ka hadlay ayaa sheegay in talada dalka ay maanta gacanta ugu jirto odayaasha dhaqanka, sidaas darteed waxaa looga baahan yahay inay soo xulaan xubno aqoonyahanno ah oo dhammeyn kara mashaakilka ka taagan Soomaaliya si dowlad rasmi ah loo helo.


Dhinaca kale, Sheekh Axmed Abuukar Gaabow oo isaguna halkaas hadal dheer ka jeediyay ayaa sheegay in maanta ay wax wanaagsan tahay in odayaasha dhaqanka la weydiiyo ayaaha dalka, isagoona tilmaamay in doorka odayaashu uu yahay mid soo-jireen ah oo aanay maanta oo kaliya ugu horreynin, isagoona xusay in odayaal fara badan ay u geeriyoodeen iyagoo ka talinaya samaha iyo in nabad lagu wada noolaado.

"Odayaasha Soomaaliyeed waa inay is-cafiyaan marka hore isla markaana ay iska iloobaan xurgufaha yar-yar; ayna dib uga heshiiyaan wixii dhexmaray," ayuu yiri Sheekh Axmed Gaabow.

Nabadoon Cabdullaahi Sayid Cali oo ah afhayeenka odayaasha dhaqanka beelaha Banaadiriga ayaa kula taliyay odayaasha dhaqanka Soomaaliyeed marka hore inay midoobaan, isagoo tilmaamay in arrin kasta oo bulshada dhexdeeda ka dhacda laga doonayo inay xalliyaan, maanta looga fadhiyo doorkaas inay ka soo dhalaalaan.


Sheekh Maxaadey Maxamuud Jilacow oo halkaasi khudbad ka jeediyay kulanka ayaa ku boorriyay odayaasha dhaqanka Soomaaliyeed bacdamaa aayaha ummaddan ay iyagu maamulayaan inay soo xulaan shaqsiyaad karti iyo aqoon u leh darajada loo magacaabayo.

"Dastuur waa wax lagu heshiiyo, balse dastuurku waa inuu ku saleysnaadaa diinta Islaamka," ayuu yiri Sheekh Maxaadeey oo sheegay in dunida lagu hoggaamiyo cilmi, sidaas darteedna wax kasta oo la sameynayo waa inay hoggaan u noqdaan kuwa caqliga u saaxibka u ah.




Maxamed Xaaji Xuseen, Hiiraan Online
[email protected]
Muqdisho, Soomaaliya











Click here
7/19/2012 1:39 PM EST
Halyeyga Soomaaliyeed Cabdi Bile Cabdi ayaa si weyn loogu soo dhaweeye magaalada London. Waxaa warbixintaan magaalada London nooga soo diray Ibrahim Baafo.

7/19/2012 1:18 PM EST
Khamiis, July 19, 2012(HOL): Magaala madaxda Puntland ee Garoowe waxaa maanta ka furmay shir-weyne ay isugu yimaadeen haween ka kala yimid 8-da gobol ee Puntland iyo deegaanada ay ka arimiyaan maamullada Ximin iyo Xeeb, Gal-mudug, gobolka Hiiraan, dowlad deegaanka Soomaalida ee Itoobiya iyo hablo metelaya jaaliyadaha Soomaalida ee qurbaha ku nool.

7/19/2012 1:17 PM EST
Khamiis, July 19, 2012(HOL): Xarunta rugta ganacsiga iyo wershedaha Puntland ee magaalada Boosaaso waxaa maanta lagu dhisay dallad ay ku mideysan yihiin shirkadaha ka shaqeeya Xoolo dhoofinta ee ka jira deegaanada Puntland. Munaasabadii daladdan lagu dhisayey oo ahayd mid si heer sare ah loo soo agaasimey waxaa kasoo qayb galay madaxda rugta ganacsiga iyo mas'uuliyiin ka socotey wasaaradaha ganacsiga, maaliyadda iyo xanaanada xoolaha.

7/19/2012 9:35 AM EST
Khamiis, July 19, 2012 (HOL) — Maxkamadda ciidamada dowladda Soomaaliya ayaa maanta dil toogasho ah ku fulisay afar askari oo horay loo xukumay, kuwaasoo lagu eedeeyay inay dil u geysteen askar kale iyo dad shacab ah.

7/19/2012 9:20 AM EST
Khamiis, July 19, 2012 (HOL) — Ra'iisul wasaaraha Soomaaliya, Cabdiweli Maxamed Cali, wasiirro iyo xubno ka socda beesha calaamka oo uu horkacayay ku xigeenka ergayga Midowga Afrika ee arrimaha Soomaaliya, Wafula Wamunyinyi ayaa maanta kulan la yeeshay odayaasha dhaqanka ee ku shirsan Muqdisho, iyagoo ka dalbaday inay soo dedejiyaan soo gudbinta magacyada ergooyinka laga sugayo.

7/19/2012 9:05 AM EST
Khamiis, July 19, 2012 (HOL) — Ammaanka magaalada Baladweyne ayaa aad loo adkeeyay kadib markii uu maanta dib ugu laabtay guddoomiyaha gobollka Hiiraan C/fitaax Xassan Afrax oo hogaaminayay xubno ka tirsan maamulka gobolka.

7/19/2012 8:22 AM EST
Madaxweynaha DKMG ah ee Soomaaliya Shariif Sheekh Axmed ayaa gaashaanka ku dhuftay wararka sheegaya in lacag gaaraysa 3.5 milyan oo lagu qoray warbixintii qaramada midoobay ay ku maqantahay xukuumadii ra'iisul wasaarihii hore ee Soomaaliya Maxamed C/laahi Farmaajo.

7/19/2012 8:16 AM EST
Khamiis, July 19, 2012 (HOL) — Wasiirka diinta iyo owqaafta Somaliland, Sheekh Khaliil Cabdilaahi Axmed ayaa maanta kulan kula yeeshay xafiiskiisa culimadda iyo imaamyadda masaajidada magaaladda Hargeysa, isagoo usoo jeediyey in la mideeyo wakhtiyadda salaadda, maadaama oo bishii barakaysnayd ee Ramadaanta la galayo.

7/19/2012 8:14 AM EST
Khamiis, July 19, 2012(HOL): Siyaasiga yaasiin maxamuud ayaa la hadley soomaalida ku nool magaalada Borlänge ee dalka Sweden kaddib markii casuumaad ay u sameeyeen Soomaalida magaaladaas ku dhaqan.

7/19/2012 8:12 AM EST
Khamiis, July 19, 2012 (HOL) — Xiriiriyaha gargaarka bani'aadamnimo Qaramada Midoobay ee Soomaaliya, Mark Bowden oo maanta shir jaraa'id ku qabtay Muqdisho ayaa sheegay in weli ay malaayiin qof oo Soomaaliyeed ay u baahan yihiin gargaar deg-deg ah.

7/19/2012 3:20 AM EST
Khamiis, July 19, 2012 (HOL) — Shan qof ayaa la xaqiijiyay inay ku dhaawacmeen laba qarax oo xalay ka dhacay degmada Wajeer ee gobolka Waqooyi bari ee dalka Kenya oo ku dhow soohdinta ay labada dal wadaagaan.

7/19/2012 3:20 AM EST
Khamiis, July 19, 2012 (HOL) — Kulan ay haweenka Soomaaliyeed ku yeesheen Muqdisho ayaa waxay kasoo saareen warsaxaafadeed ay uga dalbanayaan DKMG ah iyo odayaasha dhaqanka inay tixigeliyaan saamiga ay ku leeyihiin dowladda ee 30% ah.

7/19/2012 3:00 AM EST
Khamiis, July 19, 2012 (HOL) — Madaxweynaha Soomaaliya, Sheekh Shariif Sheekh Axmed ayaa ku tilmaamay warbixintii kooxda baarista Qaramada Midoobay ee uu ka mid ahaa mas'uuliyiintii lagu eedeeyay inay tahay mid looga gol leeyahay in nabdda Soomaaliya lagu burburiyo, isagoo sheegay inaysan jirin hanti ay lunsadeen.