6/13/2021
Today from Hiiraan Online:  _
Wararka Maanta- Khamiis, July 19, 2012
Madaxweynaha Soomaaliya oo sheegay in Warbixinta Guddiga Baarista ee Qaramada Midoobay ay kasoo horjeeddo nabadda Soomaaliya


Khamiis, July 19, 2012 (HOL) — Madaxweynaha Soomaaliya, Sheekh Shariif Sheekh Axmed ayaa ku tilmaamay warbixintii kooxda baarista Qarammada Midoobay ee uu ka mid ahaa mas'uuliyiintii lagu eedeeyay inay tahay mid looga gol leeyahay in nabdda Soomaaliya lagu burburiyo, isagoo sheegay inaysan jirin hanti ay lunsadeen.

Sheekh Shariif Sheekh Axmed oo hadal ka sheegay xaflad uu isugu sharraxayay ka qaybgalka doorashada madaxnimo ee Soomaaliya ee dhacaysa bisha Ogoosto ee soo socota ayaa sheegay inuu u baahan yahay in fursad si mar kale uu hoggaanka dalka u qabto.

"Kooxdan baarista (Monitoring Group) waxay ka mid tahay cadawga Soomaaliya, waxaana is-weydiin leh 20-kii sano ee lasoo dhaafay ma sameeyeen warbixin, maxaa u diiday inay sameeyaan, waayo dad ayaa la dhacay, dad ayaa la dilay, dad ayaa la kufsaday; balaayana way dhacday, warbixin ay ka sameeyeenna ma jirto, dowladda markii lagu dhisay Jabuuti - boqol doolar nalooma dhiibin, cid aan lacag ka soo qaadanno oo noo muuqatayna ma jirin, lacagtii aan howsha ku billowynayna waxaan ka daynsannay ganacsatada Soomaaliyeed," ayuu si kulul u yiri Sheekh Shariif.

Sidoo kale, wuxuu sheegay in ganacsatada qaarkood ay weli daymahooda la siin, wuxuuna warbixinta kooxdan ku tilmaamay mid laga xumaado ujeeddooyinka laga leeyahayna ay tahay in la dumiyo dowladda Soomaaliya.

Madaxweynuhu wuxuu sheegay in warbixinta lagu soo aaddiyay xilli kala guur ah, isagoo sheegay in danta laga leeyahay halkaas laga ogaan karo. Waxaana hadalka madaxweynuhu uu imaanayo iyadoo maanta golaha ammaanka ee Qarammada Midoobay loo gudbin doono warbixinta lagu sheegay inay madaxda DKMG ah lunsadeen hanti Qaran.

Dhanka kale, Sheekh Shariif ayaa sheegay inay ka go'an tahay inuu xilka mar kale qabto, isagoo sheegay inuu doonayo inaysan lumin fursadihii ay kasoo shaqeeyeen isla markaana uu doonayo inuu waddada u xaaro da'yarta Soomaaliyeed si ay ugala wareegaan hoggaanka dalka, maadaama aysan meesha iska joogayn.

"Waxaan doonaynaa inaan xaqiijinno mustaqbal ummadda Soomaaliyeed, dadka aan anigu ugu yarahayna waxaan leeyahay waqti badan ayaa naga lumay, welina ma arag dowladnimo taam ah," ayuu yiri Sheekh Shariif.



Madaxweynaha Soomaaliya, wuxuu hadalkiisa ku daray inuu doonayo inaanay mar kale lumin fursad, ayna da'da soo koraysa u diyaariyaan mustaqbal wanaagsan si ay ula wareegaan hoggaanka dalka.

"Fursad in nala siiyo ayaan u baahannahay, waayo waxaan doonaynaa inaan kuwa naga yaryar iyo caruurteenna u diyaarinno, talada dalkana aan u banneyno," ayuu Sheekh Shariif ku sheegay hadal uu ka jeediyay munaasabadda uu isku sharraxayay.

Ugu dambeyn, madaxweynuhu wuxuu sheegay inuu doonayo inaysan meel cidlo ah uga tegin howshii ay soo qabteen, balse ay ka go'an tahay inay dhameystiraan, isagoo xusay inuu diyaar u yahay inuu dalka ku hoggaamiyo dareen wadaniyadeed iyo mid Soomaalinimo oo daacad ah.

Maxamed Xaaji Xuseen, Hiiraan Online
[email protected]
Muqdisho, Soomaaliya











Click here
7/19/2012 1:39 PM EST
Halyeyga Soomaaliyeed Cabdi Bile Cabdi ayaa si weyn loogu soo dhaweeye magaalada London. Waxaa warbixintaan magaalada London nooga soo diray Ibrahim Baafo.

7/19/2012 1:18 PM EST
Khamiis, July 19, 2012(HOL): Magaala madaxda Puntland ee Garoowe waxaa maanta ka furmay shir-weyne ay isugu yimaadeen haween ka kala yimid 8-da gobol ee Puntland iyo deegaanada ay ka arimiyaan maamullada Ximin iyo Xeeb, Gal-mudug, gobolka Hiiraan, dowlad deegaanka Soomaalida ee Itoobiya iyo hablo metelaya jaaliyadaha Soomaalida ee qurbaha ku nool.

7/19/2012 1:17 PM EST
Khamiis, July 19, 2012(HOL): Xarunta rugta ganacsiga iyo wershedaha Puntland ee magaalada Boosaaso waxaa maanta lagu dhisay dallad ay ku mideysan yihiin shirkadaha ka shaqeeya Xoolo dhoofinta ee ka jira deegaanada Puntland. Munaasabadii daladdan lagu dhisayey oo ahayd mid si heer sare ah loo soo agaasimey waxaa kasoo qayb galay madaxda rugta ganacsiga iyo mas'uuliyiin ka socotey wasaaradaha ganacsiga, maaliyadda iyo xanaanada xoolaha.

7/19/2012 9:35 AM EST
Khamiis, July 19, 2012 (HOL) — Maxkamadda ciidamada dowladda Soomaaliya ayaa maanta dil toogasho ah ku fulisay afar askari oo horay loo xukumay, kuwaasoo lagu eedeeyay inay dil u geysteen askar kale iyo dad shacab ah.

7/19/2012 9:20 AM EST
Khamiis, July 19, 2012 (HOL) — Ra'iisul wasaaraha Soomaaliya, Cabdiweli Maxamed Cali, wasiirro iyo xubno ka socda beesha calaamka oo uu horkacayay ku xigeenka ergayga Midowga Afrika ee arrimaha Soomaaliya, Wafula Wamunyinyi ayaa maanta kulan la yeeshay odayaasha dhaqanka ee ku shirsan Muqdisho, iyagoo ka dalbaday inay soo dedejiyaan soo gudbinta magacyada ergooyinka laga sugayo.

7/19/2012 9:05 AM EST
Khamiis, July 19, 2012 (HOL) — Ammaanka magaalada Baladweyne ayaa aad loo adkeeyay kadib markii uu maanta dib ugu laabtay guddoomiyaha gobollka Hiiraan C/fitaax Xassan Afrax oo hogaaminayay xubno ka tirsan maamulka gobolka.

7/19/2012 8:22 AM EST
Madaxweynaha DKMG ah ee Soomaaliya Shariif Sheekh Axmed ayaa gaashaanka ku dhuftay wararka sheegaya in lacag gaaraysa 3.5 milyan oo lagu qoray warbixintii qaramada midoobay ay ku maqantahay xukuumadii ra'iisul wasaarihii hore ee Soomaaliya Maxamed C/laahi Farmaajo.

7/19/2012 8:16 AM EST
Khamiis, July 19, 2012 (HOL) — Wasiirka diinta iyo owqaafta Somaliland, Sheekh Khaliil Cabdilaahi Axmed ayaa maanta kulan kula yeeshay xafiiskiisa culimadda iyo imaamyadda masaajidada magaaladda Hargeysa, isagoo usoo jeediyey in la mideeyo wakhtiyadda salaadda, maadaama oo bishii barakaysnayd ee Ramadaanta la galayo.

7/19/2012 8:14 AM EST
Khamiis, July 19, 2012(HOL): Siyaasiga yaasiin maxamuud ayaa la hadley soomaalida ku nool magaalada Borlänge ee dalka Sweden kaddib markii casuumaad ay u sameeyeen Soomaalida magaaladaas ku dhaqan.

7/19/2012 8:12 AM EST
Khamiis, July 19, 2012 (HOL) — Xiriiriyaha gargaarka bani'aadamnimo Qaramada Midoobay ee Soomaaliya, Mark Bowden oo maanta shir jaraa'id ku qabtay Muqdisho ayaa sheegay in weli ay malaayiin qof oo Soomaaliyeed ay u baahan yihiin gargaar deg-deg ah.

7/19/2012 8:02 AM EST
Khamiis, July 19, 2012 (HOL) — Magaalada Muqdisho ayaa maanta lagu qabtay kulan ay isugu yimaadeen odayaasha dhaqanka Soomaaliyeed, kaasoo ay soo qaban-qaabisay hay'adda CCD loogana hadlayay qaabkii ay odayaashu iskula shaqeyn lahaayeen.

7/19/2012 3:20 AM EST
Khamiis, July 19, 2012 (HOL) — Shan qof ayaa la xaqiijiyay inay ku dhaawacmeen laba qarax oo xalay ka dhacay degmada Wajeer ee gobolka Waqooyi bari ee dalka Kenya oo ku dhow soohdinta ay labada dal wadaagaan.

7/19/2012 3:20 AM EST
Khamiis, July 19, 2012 (HOL) — Kulan ay haweenka Soomaaliyeed ku yeesheen Muqdisho ayaa waxay kasoo saareen warsaxaafadeed ay uga dalbanayaan DKMG ah iyo odayaasha dhaqanka inay tixigeliyaan saamiga ay ku leeyihiin dowladda ee 30% ah.