3/28/2024
Today from Hiiraan Online:  _
Wararka Maanta- Arbaco, July 18, 2012
Burcadbadeed Soomaaliyeed oo Madaxfurasho kusii daayay Doon Kalluumeysi iyo 26 shaqaale ah oo la socday
Arbaco, July 18, 2012 (HOL) — Wasaaradda arrimaha dibadda ee Taiwan ayaa shaacisay maanta oo Arbaco ah in dooni kalluumeysi oo laga leeyahay dalka Taiwan iyo 26-shaqaale oo la socday ay si daayeen burcadbadeedda Soomaaliyeed kaddib afduub ay ku haysteen 19 bilood.

Doonidan oo lagu magacaabo Shiuh Fu No. 1 ayay wasaaraddu sheegay in shalay oo Talaado ahayd lasii daayay, kaddib markii lasoo gabgabeeyay wadahadallo u socday milkiilaha doonida iyo kooxaha afduubka ku haystay.

Inkastoo wasaaraddu aysan sheegin lacagta madaxfurashada ah ee lagu sii daayay ayaa haddana warar laga helay kooxihii burcadbadeedda ah ee haystay waxay sheegayaan in shan milyan oo dollar lagu sii daayay doonida.

Doonidan kalluumeysi iyo shaqaalaheeda ayaa laga soo afduub bishii Diseember ee sannadkii 2010 xeebaha jasiiradda Madagaskar iyadoo burcadbadeeddu ay tan iyo xilligaas ku haysteen xeebaha Soomaaliya.

Shaqaalaha doonidan la socday ayaa la sheeagy inay 13 ka mid ah u dhasheen dalka Shiinaha, 12-qofna ay u dhasheen dalka Vietnam iyo kabtanka doonida oo u dhashay dalka Taiwan.

Wasaaradda arrimaha dibadda Taiwan ayaa sheegtay in markab dagaal oo Shiinuhu leeyahay uu u kexeeyay doonida dhinaca xeebaha Tansaaniya, si baaris caafimaad loogu sameeyay shaqaalah doonidaas.

Ciidamada Midowga Yurub ee ku sugan biyaha Soomaaliya ayaa sheegay in weli ay kooxaha burcadbadeedda ah gacanta ku hayaan toddoba markab iyo 211 qof oo shaqaale ah, kuwaasoo ay ku doonayaan madaxfurasho lacageed.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
7/18/2012 10:25 AM EST
Arbaco, July 18, 2012 (HOL) — Ergayga xoghayaha guud ee Qaramada Midoobay u qaabilsan arimaha Soomaaliya, dajire Augustine Mahiga ayaa ka hadlay eedeymaha loosoo jeediyay madaxda dowladda KMG ah ee la xiriira lunsashada hantida Qaran.

7/18/2012 9:12 AM EST
Arbaco, July 18, 2012 (HOL) — Warsaxaafadeed kasoo baxay dowladda KMG ah ayaa lagu sheegay in odayaasha dhaqanka ee ku shirsan Muqdisho ay dib u eegis ku sameeyeen dastuurka cusub ee Soomaaliya ayna maanta dib u soo celiyeen, balse talooyin ay soo jeediyeen odayaasha ay dowladdu sheegtay in loo gudbin doono ergooyinka ansixin doona dastuurka.

7/18/2012 8:47 AM EST
Arbaco, July 18, 2012 (HOL) — Dagaal aad u culus isla markaana dhaliyay khasaarooyin isugu jira dhimasho yio dhaawac ayaa xalay ka dhacay deegaanka Qooqaani ee gobolka Jubada Hoose.

7/18/2012 8:44 AM EST
Arbaco, July 18, 2012 (HOL) — Badhasaabka gobolka Sool Maxamed Maxamuud Cali (Jeeni Yare) ayaa la sheegay inuu xabsiga u taxaabay maayarkii iyo maayar ku xigeenkii magaaladda Laascaanood.

7/18/2012 8:43 AM EST
Arbaco, July 18, 2012 (HOL) — Mas’uuliyiinta maamulka gobollka Hiiraan oo maanta shir saxaafadeed ku qabtay magaalada Baladweyne ayaa si kulul uga jawaabay sida ay hadalka u dhigeen war ay qoreen qeybaha warbaahinta qaarkood oo la sheegay in laga soo xigtay ra’iisal C/wali Max’ed Cali Gaas.

7/18/2012 3:12 AM EST
Arbaco, July 18, 2012 (HOL) — Dagaallo geystay dhimasho iyo dhaawac ayaa xalay mar kale ka dhacay duleedka degmada Baardheere ee gobolka Gedo, halkaasoo ay shalay ka dhaceen dagaallo culus oo khasaare badan geystay.

7/18/2012 3:11 AM EST
Arbaco, July 18, 2012 (HOL) — Madaxweynaha Maamulka Galmudug, Col. Maxamed Axmed Caalin ayaa qalliin shan saacadood qaatay looga sameeyay wadnaha, kaddib markii xanuun kasoo wajahay awgiis loogu qaaday maalmo ka hor magaalada Nairobi ee dalka Kenya.

7/18/2012 3:10 AM EST
Arbaco, July 18, 2012 (HOL) — Gudiggii loo xil saaray soo xulitaanka ergada uga qaybgalaysa Puntland shirweynaha ansixinta dastuurka Soomaaliya ayaa la shaaciyay in soo xulitaankoodii lasoo gabgabeeyay shalay oo Talaado ahayd, isla markaasna ay dhamaantood diyaar yihiin.