6/24/2021
Today from Hiiraan Online:  _
Wararka Maanta- Arbaco, July 18, 2012
Dagaal Ciidamada DKMG, Kenya iyo Xarakada Al-shabaab ku dhexmaray deegaanka Qooqaani ee Gobolka Jubbada Hoose


Arbaco, July 18, 2012 (HOL) — Dagaal aad u culus isla markaana dhaliyay khasaarooyin isugu jira dhimasho iyo dhaawac ayaa xalay ka dhacay deegaanka Qooqaani ee gobolka Jubada Hoose.

Dagaal oo ahaa mid socday qadar saacad iyo bar ah ayaa yimid kadib markii dagaalyahanno ka tirsan Al-shabaab ay weerar ku qaadeen saldhigyo ay ciidamada dowladda iyo kuwa Kenya ku lahaayeen deegaanka Qooqaani, waxaana labada dhinac dhexmaray dagaal xooggan.

Goobjooge ku sugan deegaanka Qooqaani ayaa HOL u sheegay in dagaalka uu markii hore ku bilowday madaafiic ay Al-shabaab kusoo tuuraan magaalada, kadibna uu isu badalay dagaal fool ka fool ah oo dhexmaray labada dhinac.

Inkastoo aan si rasmi ah loo ogeyn khasaaraha ka dhashay dagaalkii xalay ayaa hadana warar aan la xaqiijin oo ku dhow dhow dagaalka waxa ay sheegayaan in uu sababay dhimashada shan qof oo dhinacyadii dagaalamayay ah iyo dhaawac intaa ka badan.

Saraakiil u hadashay dhinacyadii uu dagaalka u dhexeeyay ayaa guulo kala sheegtay, iyadoona dhinac walba uu sheegay in uu khasaare xooggan u geystay dhinaca kale.

Dagaalkan ayaa qeyb ka ah dagaallo aalaaba gobolka Jubada Hoose ku dhexmara ciidamada dowladda KMG, iyo kuwa Raaskaambooni oo garab ka helaya AMISOM iyo Xarakada Al-shabaab.

Xasan Nuur, Hiiraan Online
[email protected]
Kismaayo, Soomaaliya











Click here
7/18/2012 10:25 AM EST
Arbaco, July 18, 2012 (HOL) — Ergayga xoghayaha guud ee Qaramada Midoobay u qaabilsan arimaha Soomaaliya, dajire Augustine Mahiga ayaa ka hadlay eedeymaha loosoo jeediyay madaxda dowladda KMG ah ee la xiriira lunsashada hantida Qaran.

7/18/2012 10:12 AM EST
Arbaco, July 18, 2012 (HOL) — Wasaaradda arrimaha dibadda ee Taiwan ayaa shaacisay maanta oo Arbaco ah in dooni kalluumeysi oo laga leeyahay dalka Taiwan iyo 26-shaqaale oo la socday ay si daayeen burcadbadeedda Soomaaliyeed kaddib afduub ay ku haysteen 19 bilood.

7/18/2012 9:12 AM EST
Arbaco, July 18, 2012 (HOL) — Warsaxaafadeed kasoo baxay dowladda KMG ah ayaa lagu sheegay in odayaasha dhaqanka ee ku shirsan Muqdisho ay dib u eegis ku sameeyeen dastuurka cusub ee Soomaaliya ayna maanta dib u soo celiyeen, balse talooyin ay soo jeediyeen odayaasha ay dowladdu sheegtay in loo gudbin doono ergooyinka ansixin doona dastuurka.

7/18/2012 8:44 AM EST
Arbaco, July 18, 2012 (HOL) — Badhasaabka gobolka Sool Maxamed Maxamuud Cali (Jeeni Yare) ayaa la sheegay inuu xabsiga u taxaabay maayarkii iyo maayar ku xigeenkii magaaladda Laascaanood.

7/18/2012 8:43 AM EST
Arbaco, July 18, 2012 (HOL) — Mas’uuliyiinta maamulka gobollka Hiiraan oo maanta shir saxaafadeed ku qabtay magaalada Baladweyne ayaa si kulul uga jawaabay sida ay hadalka u dhigeen war ay qoreen qeybaha warbaahinta qaarkood oo la sheegay in laga soo xigtay ra’iisal C/wali Max’ed Cali Gaas.

7/18/2012 3:12 AM EST
Arbaco, July 18, 2012 (HOL) — Dagaallo geystay dhimasho iyo dhaawac ayaa xalay mar kale ka dhacay duleedka degmada Baardheere ee gobolka Gedo, halkaasoo ay shalay ka dhaceen dagaallo culus oo khasaare badan geystay.

7/18/2012 3:11 AM EST
Arbaco, July 18, 2012 (HOL) — Madaxweynaha Maamulka Galmudug, Col. Maxamed Axmed Caalin ayaa qalliin shan saacadood qaatay looga sameeyay wadnaha, kaddib markii xanuun kasoo wajahay awgiis loogu qaaday maalmo ka hor magaalada Nairobi ee dalka Kenya.

7/18/2012 3:10 AM EST
Arbaco, July 18, 2012 (HOL) — Gudiggii loo xil saaray soo xulitaanka ergada uga qaybgalaysa Puntland shirweynaha ansixinta dastuurka Soomaaliya ayaa la shaaciyay in soo xulitaankoodii lasoo gabgabeeyay shalay oo Talaado ahayd, isla markaasna ay dhamaantood diyaar yihiin.