6/13/2021
Today from Hiiraan Online:  _
Wararka Maanta- Axad, July 18, 2012
Maayarkii Magaalada Laascaanood ee Gobolka Sool iyo ku xigeenkiisii oo xabsiga loo taxaabay


Arbaco, July 18, 2012 (HOL) — Badhasaabka gobolka Sool Maxamed Maxamuud Cali (Jeeni Yare) ayaa la sheegay inuu xabsiga u taxaabay maayarkii iyo maayar ku xigeenkii magaaladda Laascaanood.

Ilaa hadda lama oga sababta loo xidhay iyo waxa lagu eedeeyey labaddan masuul, balse warar dheeraad oo aanu halkaasi ka heleyno waxay tibaaxayaan in lagu eedeeyey inay musuqmaasuq sameeyeen, isla markaana arrinkoodda la baadhayo.

Maayarka magaaladda Laascaanood  Kayse Maxamed Xuseen iyo ku xigeenkiisa Axmed Aadan Cilmi, ayaa la sheegay in markii ay shalay xafiiskooda yimaadeen ciidanka boolisku xabsiga u taxaabeen.

Inkastoo aanu isku daynay in aanu badhasaabka wax ka waydiino ayaanay noo suurtogalin, haseyeeshee, ilaa hadda wax war ah oo ka soo baxay waxa lagu eedeeyey iyo sababta loo xidhaytoona lama sheegin, xukuumadda Somalilandna kama hadal arrintaasi.

Somaliland kuma cusba in rag masuuliyiin ah oo xilkii ay ummadda u hayeen iyadoon laga qaadin in la xidho, waxa hore sidan oo kale loo xidhay iyagoo shaqaynaya Badhasaabkii hore ee gobolka Maroodi Jeex, Mr:Axmed Cumar X. Cabdilaahi (Xamarje), agaasimihii hore ee wasaaradda Dib u dejinta Mr:Axmed Cilmi Bare iyo la taliyihiii hore ee madaxweyne ku xigeenka Mr: Cismaan Siciid Jaamac, kuwaas oo iyagoo aan xilka laga qaadin xabsiga loo taxaabay ka dibna xilkii laga qaaday.

Barkhad-Ladiif M. Cumar, Hiiraan Online  
[email protected]
Hargeysa, Somaliland










Click here
7/18/2012 10:25 AM EST
Arbaco, July 18, 2012 (HOL) — Ergayga xoghayaha guud ee Qaramada Midoobay u qaabilsan arimaha Soomaaliya, dajire Augustine Mahiga ayaa ka hadlay eedeymaha loosoo jeediyay madaxda dowladda KMG ah ee la xiriira lunsashada hantida Qaran.

7/18/2012 10:12 AM EST
Arbaco, July 18, 2012 (HOL) — Wasaaradda arrimaha dibadda ee Taiwan ayaa shaacisay maanta oo Arbaco ah in dooni kalluumeysi oo laga leeyahay dalka Taiwan iyo 26-shaqaale oo la socday ay si daayeen burcadbadeedda Soomaaliyeed kaddib afduub ay ku haysteen 19 bilood.

7/18/2012 9:12 AM EST
Arbaco, July 18, 2012 (HOL) — Warsaxaafadeed kasoo baxay dowladda KMG ah ayaa lagu sheegay in odayaasha dhaqanka ee ku shirsan Muqdisho ay dib u eegis ku sameeyeen dastuurka cusub ee Soomaaliya ayna maanta dib u soo celiyeen, balse talooyin ay soo jeediyeen odayaasha ay dowladdu sheegtay in loo gudbin doono ergooyinka ansixin doona dastuurka.

7/18/2012 8:47 AM EST
Arbaco, July 18, 2012 (HOL) — Dagaal aad u culus isla markaana dhaliyay khasaarooyin isugu jira dhimasho yio dhaawac ayaa xalay ka dhacay deegaanka Qooqaani ee gobolka Jubada Hoose.

7/18/2012 8:43 AM EST
Arbaco, July 18, 2012 (HOL) — Mas’uuliyiinta maamulka gobollka Hiiraan oo maanta shir saxaafadeed ku qabtay magaalada Baladweyne ayaa si kulul uga jawaabay sida ay hadalka u dhigeen war ay qoreen qeybaha warbaahinta qaarkood oo la sheegay in laga soo xigtay ra’iisal C/wali Max’ed Cali Gaas.

7/18/2012 3:12 AM EST
Arbaco, July 18, 2012 (HOL) — Dagaallo geystay dhimasho iyo dhaawac ayaa xalay mar kale ka dhacay duleedka degmada Baardheere ee gobolka Gedo, halkaasoo ay shalay ka dhaceen dagaallo culus oo khasaare badan geystay.

7/18/2012 3:11 AM EST
Arbaco, July 18, 2012 (HOL) — Madaxweynaha Maamulka Galmudug, Col. Maxamed Axmed Caalin ayaa qalliin shan saacadood qaatay looga sameeyay wadnaha, kaddib markii xanuun kasoo wajahay awgiis loogu qaaday maalmo ka hor magaalada Nairobi ee dalka Kenya.

7/18/2012 3:10 AM EST
Arbaco, July 18, 2012 (HOL) — Gudiggii loo xil saaray soo xulitaanka ergada uga qaybgalaysa Puntland shirweynaha ansixinta dastuurka Soomaaliya ayaa la shaaciyay in soo xulitaankoodii lasoo gabgabeeyay shalay oo Talaado ahayd, isla markaasna ay dhamaantood diyaar yihiin.