8/3/2021
Today from Hiiraan Online:  _
Wararka Maanta- Arbaco, July 18, 2012
Madaxweynaha Maamulka Galmudug Col. Caalin oo Qalliin muddo saacado ah qaatay looga sameeyay Wadnaha


Arbaco, July 18, 2012 (HOL) — Madaxweynaha Maamulka Galmudug, Col. Maxamed Axmed Caalin ayaa qalliin shan saacadood qaatay looga sameeyay wadnaha, kaddib markii xanuun kasoo wajahay awgiis loogu qaaday maalmo ka hor magaalada Nairobi ee dalka Kenya.

Agaasimaha guud ee wasaaradda maaliyadda Galmudug, Bile Diini Cali oo qalliinka kaddib la hadlay saxaafadda ayaa sheegay in qalliinka lagu sameeyay Col. Caalin uu ahaa mid deg-deg ah, ayna hadda xaaladdiisa caafimaad aad u wanaagsan tahay.

"Madaxweyne Caalin waxaa qalliin deg-deg ah loo sameeyay wadnaha, waana lagu guuleystay, xaaladdiisuna waa wanaagsan tahay," ayuu yiri Bile Diini. "Qaar ka mid ah xididdada dhiigga siiya wadanaha ayaa xirmay waana la furay dhammaantood."

Sidoo kale, agaasimuhu wuxuu sheegay in madaxweynuhu uu yahay mid dadka kala garanaya, inkastoo uu muddo shan saacadood ah qalliin ku jiray, shan saac oo kalena uu suuxsanaa, isagoo sheegay in caafimaadkiisu uu sidii hore ka wanaagsan yahay.

Madaxweynaha Galmudug ayaa ka mid ah saxiixayaashii heshiiska qorshaha looga baxayo xilliga KMG ah ee Soomaaliya, waxaana muddo hayay xanuun, inkastoo ay shalay go'aansadeen dhaqaatiirta isbitaalkii lagu qalay inay ku sameeyaan qalliin deg-deg ah.

Qallinka Col. Caalin ayaa kusoo beegmaya iyadoo lagu wado inay doorashada madaxnimo ee Galmudug ay dhawaan dhacdo, waxaana xilkaas u taagan murashaxiin fara badan oo kasoo jeeda deegaannada uu maamulkaas ka taliyo.

Maxamed Xaaji Xuseen, Hiraan Online
[email protected]
Muqdisho, Soomaaliya












Click here
7/18/2012 10:25 AM EST
Arbaco, July 18, 2012 (HOL) — Ergayga xoghayaha guud ee Qaramada Midoobay u qaabilsan arimaha Soomaaliya, dajire Augustine Mahiga ayaa ka hadlay eedeymaha loosoo jeediyay madaxda dowladda KMG ah ee la xiriira lunsashada hantida Qaran.

7/18/2012 10:12 AM EST
Arbaco, July 18, 2012 (HOL) — Wasaaradda arrimaha dibadda ee Taiwan ayaa shaacisay maanta oo Arbaco ah in dooni kalluumeysi oo laga leeyahay dalka Taiwan iyo 26-shaqaale oo la socday ay si daayeen burcadbadeedda Soomaaliyeed kaddib afduub ay ku haysteen 19 bilood.

7/18/2012 9:12 AM EST
Arbaco, July 18, 2012 (HOL) — Warsaxaafadeed kasoo baxay dowladda KMG ah ayaa lagu sheegay in odayaasha dhaqanka ee ku shirsan Muqdisho ay dib u eegis ku sameeyeen dastuurka cusub ee Soomaaliya ayna maanta dib u soo celiyeen, balse talooyin ay soo jeediyeen odayaasha ay dowladdu sheegtay in loo gudbin doono ergooyinka ansixin doona dastuurka.

7/18/2012 8:47 AM EST
Arbaco, July 18, 2012 (HOL) — Dagaal aad u culus isla markaana dhaliyay khasaarooyin isugu jira dhimasho yio dhaawac ayaa xalay ka dhacay deegaanka Qooqaani ee gobolka Jubada Hoose.

7/18/2012 8:44 AM EST
Arbaco, July 18, 2012 (HOL) — Badhasaabka gobolka Sool Maxamed Maxamuud Cali (Jeeni Yare) ayaa la sheegay inuu xabsiga u taxaabay maayarkii iyo maayar ku xigeenkii magaaladda Laascaanood.

7/18/2012 8:43 AM EST
Arbaco, July 18, 2012 (HOL) — Mas’uuliyiinta maamulka gobollka Hiiraan oo maanta shir saxaafadeed ku qabtay magaalada Baladweyne ayaa si kulul uga jawaabay sida ay hadalka u dhigeen war ay qoreen qeybaha warbaahinta qaarkood oo la sheegay in laga soo xigtay ra’iisal C/wali Max’ed Cali Gaas.

7/18/2012 3:12 AM EST
Arbaco, July 18, 2012 (HOL) — Dagaallo geystay dhimasho iyo dhaawac ayaa xalay mar kale ka dhacay duleedka degmada Baardheere ee gobolka Gedo, halkaasoo ay shalay ka dhaceen dagaallo culus oo khasaare badan geystay.

7/18/2012 3:10 AM EST
Arbaco, July 18, 2012 (HOL) — Gudiggii loo xil saaray soo xulitaanka ergada uga qaybgalaysa Puntland shirweynaha ansixinta dastuurka Soomaaliya ayaa la shaaciyay in soo xulitaankoodii lasoo gabgabeeyay shalay oo Talaado ahayd, isla markaasna ay dhamaantood diyaar yihiin.