6/13/2021
Today from Hiiraan Online:  _
Wararka Maanta- Talaado, July 17, 2012
Ra'iisul Wasaare ku xigeenka dalka Turkiga oo Muqdisho yimid, isagoo dhagax-dhigay Mashruuc lagu horumarinayo Saadaasha Hawada


Talaado, July 17, 2012 (HOL) — Ra'iisul wasaare ku xigeenkaTurkiga, Bakir Buzdag iyo wafdi uu hoggaaminayo oo maanta soo gaaray Muqdisho ayaa dhagax-dhigay mashruuc lagu horumarinayo duulista iyo saadaasha hawada garoonka diyaaradaha ee Muqdisho.

Wafdiga uu hoggaaminayo ra'iisul wasaaraha Turkiga ayaa waxaa ka mid ah madaxa hay'adda horumarinta caalamka ee xukuumadda Ankara ee TIKA, taasoo Muqdisho ka wadda mashaariic fara badan oo lagu dhisayo isbitaallo iyo iskuullo.

"Dalalka kale ee doonaya inay caawiyaan Soomaaliya waa inay ku daydaan sida uu Turkigu u caawinayo Soomaaliya," ayuu yiri ra'iisul wasaaraha Soomaaliya, C/weli Maxamed Cali oo ka mid ahaa mas'uuliyiintii soo dhaweeyay wafdiga uu horkacayo ra'iisul wasaare ku xigeenka Turkiga.

Sidoo kale, ra'iisul wasaaraha Soomaaliya ayaa sheegay in socdaalka wafdiga dalka Turkiga ka socda uu qayb yahay sidii lagu xoojin lahaa mashaariicda ay Turkigu ka wadaan Soomaaliya, kuwaasoo isugu jira caawin iyo dib u dhis.

"Bozdag wuxuu u yimid sidii uu ugu kuurgeli lahaa mashaariicda ay Turkigu Muqdisho ka wadaan, wuxuuna maanta kulan la qaadan doonaa golaha wasiirrada si la isaga wareysto sida ay howluhu u socdaan," ayuu yiri ra'iisul wasaaraha Soomaaliya.

Ra'iisul wasaaraha Soomaaliya wuxuu hadalkiisa raaciyay in dowladda Turkiga ay ka billaabayso Muqdisho dayactirka waddooyinka, sidoo kalena ay dayactiri doonto iskuullada iyo isbitaallada ku yaalla Muqdisho ee aan weli howsha dayactirka laga billaabin.

Ugu dambeyn, ra'iisul wasaare ku xigeenka Turkiga oo saxaafadda la hadlay ayaa ka mahadceliyay soo dhaweynta loo sameeyay, isagoo sheegay inuu ku faraxsan yahay inuu soo booqdo Muqdisho, iyadoo booqashadan ay noqonayso tii saddexaad oo uu Muqdisho ku yimaado tan iyo sannadkii hore.

Maxamed Xaaji Xuseen, Hiiraan Online
[email protected]
Muqdisho, Soomaaliya











Click here
7/17/2012 9:28 AM EST
Talaado, July 17, 2012 (HOL) — Dood wadaaggii u horreeyay oo shacabka ay kaga doodaan marxalada kala guurka oo ay kasoo qayb-galeen madaxda dowladda KMG, wasiiro, xildhibaanno, haweenka iyo culumaa'udiin ayaa maanta Muqdisho lagu qabtay, iyadoo dooddan inteeda badan looga hadlay doorka haweenku ku leeyihiin hoggaanka dalka iyo siyaasadda.

7/17/2012 9:28 AM EST
Talaado, July 17, 2012 (HOL) — Duqa degmada Baladweyne ee maamul gobolka Hiiraan Max’ed Xassan Nuuriye oo la hadllay HOL ayaa ugu baaqay ganacsatada iyo dadka dhaqaallahoodu wanaagsan yahay in ay caawiyaan bisha Ramaadaan dadka ku dhibaateysan xareyahay barakacayaasha magaalada Baladweyne.

7/17/2012 8:47 AM EST
Talaado, July 17, 2012 (HOL) — Dagaallo culus oo u dhexeeya ciidamada DKMG ah iyo Xarakada Al-shabaab ayaa ka socda duleedka degmada Baardheere ee gobolka Gedo, iyadoo dadka ku sugan degmadaas ay walaac ka muujinayaan dagaallada.

7/17/2012 8:46 AM EST
Talaado, July 17, 2012 (HOL) — golaha Wakiiladda ayaa isku raacay qaabkii ay golaha guurtiddu usoo jeediyeen in lagu galo Doorashadda golaha deegaanka, taas oo ka hor imanaysa qaabka ay rabeen in lagu galo doorashadda Guddidda Doorashooyinka Somaliland.

7/17/2012 8:44 AM EST
Talaado, July 17, 2012 (HOL) — Ardaydan oo ka baxay qaybaha kala duwan ee kulliyadda dhaqaalaha Jaamacadda Muqdisho ayaa maanta munaasabad ay ku qalin jabinayeen loogu sameeyay Muqdisho, taasoo ay ka qaybgaleen mas'uuliyiin kala duwan.

7/17/2012 5:56 AM EST
Talaado, July 17, 2012 (HOL) — Labo qarax oo loo maleynayo in ay ahaayeen kuwo ka dhashay miinada meelaha fog laga hago ayaa saakay waabarigii hore ka dhacay bartamaha magaalada Baladweyne ee xarunta gobolka Hiiraan.

7/17/2012 5:53 AM EST
Talaado, July 17, 2012 (HOL) — Saraakiisha ciidamada dowladda KMG ee ku sugan deegaanka Hoosingoow ee gobolka Jubada Hoose ayaa sheegay in uu isu soo dhiibay sargaal sare oo katirsan Al-shabaab.

7/17/2012 3:12 AM EST
Talaado, July 17, 2012 (HOL) — Saddex ka tirsan saraakiisha booliiska Kenya ayaa lagu dilay weerar gaadmo ah oo ka dhacya deegaan Libooyo oo ku dhow soohdinta ay wadagaan Soomaaliya iyo Kenya, iyadoo la sheegay in kooxihii weerarka fuliyay ay baxsadeen.

7/17/2012 3:07 AM EST
Talaado, July 17, 2012 (HOL) — Guddi farsamo oo ka shaqayn doonta horumarka iyo baahiyaha magaalada Hargeysa ayaa shir ku yeeshay hotel Crown ee Hargeysa kaga hadlay horumarinta magaalada, kuwaasoo kasoo saaray baaq ku aadan in nin aan reer Hargeysa ahayn uusan isku soo sharaxi karin golaha deegaanka Hargeya inta caasimadda loo samaynayo xeer u gaar ah oo ka duwan magaalooyinka kale.