6/24/2021
Today from Hiiraan Online:  _
Wararka Maanta- Talaado, July 17, 2012
Saraakiil ka tirsan Ciidamada Booliska Kenya oo lagu dilay Weerar gaadmo ah oo ka dhacay Deegaanka Libooyo-Kenya


Talaado, July 17, 2012 (HOL) — Saddex ka tirsan saraakiisha booliiska Kenya ayaa lagu dilay weerar gaadmo ah oo ka dhacya deegaan Libooyo oo ku dhow soohdinta ay wadagaan Soomaaliya iyo Kenya, iyadoo la sheegay in kooxihii weerarka fuliyay ay baxsadeen.

Weerarkan oo dhacay gallinkii dambe ee shalay oo Isniin ahayd iyadoo la sheegay in saraakiisha la toogtay xilli ay dib ugu soo laabanayeen deegaanka Libooyi, waxayna saraakiisha booliiska dalkaas ku eedeeyeen weerarkan Xarakada Al-shabaab.

"Saddex ka tirsan saraakiisha booliiska Kenya ayaa naftooda ku waayay weerar ay la beegsadeen kooxo hubeysan iyagoo doonaya inay dib ugu soo laabtaan Libooyo," ayuu yiri George Kingi oo ka tirsan saraakiisha booliiska Kenya ee Gaarisa ku sugan.

Kingi oo wax laga weydiiyay inay jiraan cid kale oo weerarkaas uu dhaawac kasoo gaaray ayaa sheegay inuusan garan karin cid kale oo wax ku noqotay ayna wadaan baaritaanno ku saabsan sida uu weerarku u dhacay iyo kooxaha weerarkaas ku lug lahaa.

Dalka Kenya ayaa waxaa tan iyo bishii Oktoobar ee sannadkii hore oo ay ciidammo u direen gudaha Soomaaliya ka dhacayay qaraxyo iyo weerarro gaadmo ah oo lala beegsanayo ciidamada iyo shacabka dalkaas, kuwaasoo madaxda Kenya ay dusha ka saaraan mas'uuliyadeeda Xarakada Al-shabaab.

Weerarradan ayaa waxay ka dhacayeen tan iyo xilligaas deegaanno soohdinta ku dhow, magaalada Nairobi iyo magaalo xeebeedda Mombasa, iyadoo ay dad badan ku dhinteen weerarradaas kuwo kalena dhaawacyo kasoo gaareen.

Xarakada Al-shabaab oo ku biirtay Al-Qaacida ayaa sannadkan ku dhawaaqday inay dagaal la galayso dalka Kenya oo ay ku eedeysay inay weerar kusoo qaadeen dalka Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
7/17/2012 9:28 AM EST
Talaado, July 17, 2012 (HOL) — Dood wadaaggii u horreeyay oo shacabka ay kaga doodaan marxalada kala guurka oo ay kasoo qayb-galeen madaxda dowladda KMG, wasiiro, xildhibaanno, haweenka iyo culumaa'udiin ayaa maanta Muqdisho lagu qabtay, iyadoo dooddan inteeda badan looga hadlay doorka haweenku ku leeyihiin hoggaanka dalka iyo siyaasadda.

7/17/2012 9:28 AM EST
Talaado, July 17, 2012 (HOL) — Duqa degmada Baladweyne ee maamul gobolka Hiiraan Max’ed Xassan Nuuriye oo la hadllay HOL ayaa ugu baaqay ganacsatada iyo dadka dhaqaallahoodu wanaagsan yahay in ay caawiyaan bisha Ramaadaan dadka ku dhibaateysan xareyahay barakacayaasha magaalada Baladweyne.

7/17/2012 8:47 AM EST
Talaado, July 17, 2012 (HOL) — Dagaallo culus oo u dhexeeya ciidamada DKMG ah iyo Xarakada Al-shabaab ayaa ka socda duleedka degmada Baardheere ee gobolka Gedo, iyadoo dadka ku sugan degmadaas ay walaac ka muujinayaan dagaallada.

7/17/2012 8:46 AM EST
Talaado, July 17, 2012 (HOL) — golaha Wakiiladda ayaa isku raacay qaabkii ay golaha guurtiddu usoo jeediyeen in lagu galo Doorashadda golaha deegaanka, taas oo ka hor imanaysa qaabka ay rabeen in lagu galo doorashadda Guddidda Doorashooyinka Somaliland.

7/17/2012 8:44 AM EST
Talaado, July 17, 2012 (HOL) — Ardaydan oo ka baxay qaybaha kala duwan ee kulliyadda dhaqaalaha Jaamacadda Muqdisho ayaa maanta munaasabad ay ku qalin jabinayeen loogu sameeyay Muqdisho, taasoo ay ka qaybgaleen mas'uuliyiin kala duwan.

7/17/2012 5:56 AM EST
Talaado, July 17, 2012 (HOL) — Labo qarax oo loo maleynayo in ay ahaayeen kuwo ka dhashay miinada meelaha fog laga hago ayaa saakay waabarigii hore ka dhacay bartamaha magaalada Baladweyne ee xarunta gobolka Hiiraan.

7/17/2012 5:53 AM EST
Talaado, July 17, 2012 (HOL) — Saraakiisha ciidamada dowladda KMG ee ku sugan deegaanka Hoosingoow ee gobolka Jubada Hoose ayaa sheegay in uu isu soo dhiibay sargaal sare oo katirsan Al-shabaab.

7/17/2012 3:19 AM EST
Talaado, July 17, 2012 (HOL) — Ra'iisul wasaare ku xigeenkaTurkiga, Bakir Buzdag iyo wafdi uu hoggaaminayo oo maanta soo gaaray Muqdisho ayaa dhagax-dhigay raadeer cusub oo laga dhisayo garoonka diyaaradaha Aadan Cadde ee magaalada Muqdisho.

7/17/2012 3:07 AM EST
Talaado, July 17, 2012 (HOL) — Guddi farsamo oo ka shaqayn doonta horumarka iyo baahiyaha magaalada Hargeysa ayaa shir ku yeeshay hotel Crown ee Hargeysa kaga hadlay horumarinta magaalada, kuwaasoo kasoo saaray baaq ku aadan in nin aan reer Hargeysa ahayn uusan isku soo sharaxi karin golaha deegaanka Hargeya inta caasimadda loo samaynayo xeer u gaar ah oo ka duwan magaalooyinka kale.