3/29/2024
Today from Hiiraan Online:  _
Wararka Maanta- Arbaco, July 11, 2012
Eng. Maxamed Axmed Salaax oo ah Musharrax u Taagan Xilka Madaxtinimada Somalia oo Maanta Boosaaso soo gaaray (SAWIRRO)


Arbaco, July 11, 2012(HOL): Magaalada Boosaaso waxaa maanta soo gaarey Eng. Maxamed Axmed Saalax oo ah musharax u taagan xilka madaxtinimada ee dalka. waxaana si diiran usoo dhoweeyey boqolaal kamid ah dadweynaha magaalada Boosaaso ku dhaqan.

Musharaxa oo intaas kadib loo sii gelbiyey halka loogu tala galay inuu dego, ayaa warbaahinta si kooban ula hadlay, wuxuuna sheegay in uu si weyn ugu faraxsan yahay imaatinkiisa magaalada Boosaaso.

Eng. Maxamed ayaa dhinaca kale tilmaamay in xiligan uu dalku u baahan yahay hogaan siyaasadeed oo ku haga tubta toosan, si looga baxo dhibaatooyinka baaxadda leh ee dalka ku habsadey.

Wuxuuna isagoo hadalkiisa sii wata intaas raaciyey in qorshihiisa siyaasadeed uu dhowrka beri ee soo socda soo bandhigi doono, islamarkaana uu kulamo gooni gooni ah la qaadan doono qaybaha kala duwan ee bulshada.


Dhawaan waxaa sidan oo kale magaalada Boosaaso booqasho ugu yimid, si weynna loogu soo dhoweeyey, Xuseen Khaliif Xaaji oo isna ah musharax u taagan xilka madaxtinimada.

Eng. Maxamed Axmed Salaax oo deegaan ahaan kasoo jeeda gobolka Bari, ahna aqoonyahan Soomaaliyeed oo mudo qurbaha ku noolaa, wuxuu dhowaan shaaca ka qaaday inuu yahay musharax u taagan xilka madaxtinimada ee dalka Soomaaliya.







Maxamed Salaad
[email protected]

 













Click here
7/11/2012 9:18 AM EST
Arbaco, July 11, 2012(HOL): Wefdi ka socda UN-ka, oo uu horkacayo xiriiriyaha gargaarka Qaramada Midoobey ee Soomaaliya Mark Bowden ayaa maanta magaalada Boosaaso soo gaarey.

7/11/2012 9:03 AM EST
Arbaco, July 11, 2012 (HOL) — Dowladda KMG ah iyo Xarakada Al-shabaab ayaa guulo ka kala sheegtay dagaal xalay ku dhexmaray degmada Yaaqshiid ee gobolka Banaadir, iyadoo aysan jirin warar sugan oo ku saabsan khasaaraha ka dhashay dagaalkaas inta uu le'eg tahay.

7/11/2012 8:46 AM EST
Arbaco, July 11, 2012 (HOL) — Kulan looga hadlayay xoojinta amaanka degmada Balcad ee gobolka Shabeellada dhexe ayaa maanta ka dhacay warshadii dharka ee Balcad, kaasoo ay ka qeyb-galeen waxgarad, nabadoonno iyo culumaa'uddiinka degmadaas.

7/11/2012 8:01 AM EST
Arbaco, July 11, 2012 (HOL) — Hay'adda dhaqaatiirta aan xuduudda lahayn ee MSF ayaa warbixin ay soo saartay ku sheegtay in magaalada Kismaayo ee koonfurta Soomaaliya uu ka dilaacay cudurka daacuunka kaasoo saameyn ku yeeshay caruurta iyo dadka waaweyn ee ku nool degmadaas.

7/11/2012 7:33 AM EST
Arbaco, July 11, 2012 (HOL) — Ra'iisul wasaarihii hore ee Soomaaliya, Maxamed Cabdullaahi Farmaajo ayaa sheegay inuu ka qaybgalayo doorashada madaxnimo ee Soomaaliya oo dhacaysa bisha soo socota ee sannadkan ka dhici doona Muqdisho.

7/11/2012 6:44 AM EST
Arbaco, July 11, 2012 (HOL) — Ciidamada DKMG Soomaaliya iyo oo gacan ka helaya kuwa AMISOM ayaa dagaal ku qabsaday maanta deegaanka Laanta-buuro ee gobolka Shabeellada hoose, halkaasoo ahayd saldhig weyn oo Al-shabaab ay ku tababarto xoogaggeeda.

7/11/2012 6:34 AM EST
Arbaco, July 11, 2012 (HOL) — Maamulka gobollka Hiiraan ayaa markii ugu horeysay ka dalbaday dowladda KMG in la soo gaarsiiyo magaalada Baladweyne howlaha durbaba ay ka bilaawday gobolladii dhawaan laga xureeyay Al-shabaab maxkamada ciidamada qalabka sida.