3/28/2024
Today from Hiiraan Online:  _
Wararka Maanta- Arbaco, July 11, 2012
Ra'iisul Wasaarihii hore ee Dowladda KMG oo sheegay inuu ka qaybgalayo Doorashada Madaxnimo ee Soomaaliya
Arbaco, July 11, 2012 (HOL) — Ra'iisul wasaarihii hore ee Soomaaliya, Maxamed Cabdullaahi Farmaajo ayaa sheegay inuu ka qaybgalayo doorashada madaxnimo ee Soomaaliya oo dhacaysa bisha soo socota ee sannadkan ka dhici doona Muqdisho.

Mudane Farmaajo oo la hadlayay wargeyska The Daily Nation ee kasoo baxa dalka Kenya ayaa sheegay in go'aansaday uu ku gaaray inuu shaqadii uu Mareykanka ka hayay uu joojiyo si uu uga qaybgalo siyaasadda Soomaaliya.

"Waxaan go'aansaday inaan mar kale shaqada ka tago, waxaan rumeysanahay in aan ka badabadin karo dalkeyga dhibaatooyinka ka jirta," ayuu yiri Farmaajo oo intaas ku datay: "Waxaan sii wadi howshii aan waday markii ra'iisul wasaaraha la ii magacaabay."

Ra'iisul wasaarihii Soomaaliya intii u dhexeysa bishii November 2011 illaa Juun 2011 ayaa lagu xusuustaa inuu dadaal badan u galay soo nooleynta ciidamada xoogga dalka xilligaas oo Al-shabaab ay ka talinaysay inta badan magaalada Muqdisho oo ay ku shaqeynaysay dowladda ay Qaramada Midoobay taageerto.

Mudane Farmaajo ayaa xilka ra'iisul wasaarenimo iska casilay, kaddib markii heshiis awood-qaybsi ah ku gaareen ay ku gareen magaalada Kampala ee dalka Uganda, madaxweynaha Soomaaliya, Sheekh Shariif iyo afhayeenka baarlamaanka Shariif Xasan, heshiiskaas oo meesha ka saaray doorasho la filayay inay dhacdo sannadkii 2011.

Doorashada madaxnimo ee Soomaaliya ayaa waxaa u taagan murashaxiin badan oo rajo weyn ka qaba in kursiga talada dalka loo doorto, iyadoo murashaxiinu ay sheegayaan inay isbedel weyn ka dhalin doonaan dalka ay dagaaladu daashadeen.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
7/11/2012 9:18 AM EST
Arbaco, July 11, 2012(HOL): Wefdi ka socda UN-ka, oo uu horkacayo xiriiriyaha gargaarka Qaramada Midoobey ee Soomaaliya Mark Bowden ayaa maanta magaalada Boosaaso soo gaarey.

7/11/2012 9:08 AM EST
Arbaco, July 11, 2012(HOL): Magaalada Boosaaso waxaa maanta soo gaarey Eng. Maxamed Axmed Saalax oo ah musharax u taagan xilka madaxtinimada ee dalka. waxaana si diiran usoo dhoweeyey boqolaal kamid ah dadweynaha magaalada Boosaaso ku dhaqan.

7/11/2012 9:03 AM EST
Arbaco, July 11, 2012 (HOL) — Dowladda KMG ah iyo Xarakada Al-shabaab ayaa guulo ka kala sheegtay dagaal xalay ku dhexmaray degmada Yaaqshiid ee gobolka Banaadir, iyadoo aysan jirin warar sugan oo ku saabsan khasaaraha ka dhashay dagaalkaas inta uu le'eg tahay.

7/11/2012 8:46 AM EST
Arbaco, July 11, 2012 (HOL) — Kulan looga hadlayay xoojinta amaanka degmada Balcad ee gobolka Shabeellada dhexe ayaa maanta ka dhacay warshadii dharka ee Balcad, kaasoo ay ka qeyb-galeen waxgarad, nabadoonno iyo culumaa'uddiinka degmadaas.

7/11/2012 8:01 AM EST
Arbaco, July 11, 2012 (HOL) — Hay'adda dhaqaatiirta aan xuduudda lahayn ee MSF ayaa warbixin ay soo saartay ku sheegtay in magaalada Kismaayo ee koonfurta Soomaaliya uu ka dilaacay cudurka daacuunka kaasoo saameyn ku yeeshay caruurta iyo dadka waaweyn ee ku nool degmadaas.

7/11/2012 6:44 AM EST
Arbaco, July 11, 2012 (HOL) — Ciidamada DKMG Soomaaliya iyo oo gacan ka helaya kuwa AMISOM ayaa dagaal ku qabsaday maanta deegaanka Laanta-buuro ee gobolka Shabeellada hoose, halkaasoo ahayd saldhig weyn oo Al-shabaab ay ku tababarto xoogaggeeda.

7/11/2012 6:34 AM EST
Arbaco, July 11, 2012 (HOL) — Maamulka gobollka Hiiraan ayaa markii ugu horeysay ka dalbaday dowladda KMG in la soo gaarsiiyo magaalada Baladweyne howlaha durbaba ay ka bilaawday gobolladii dhawaan laga xureeyay Al-shabaab maxkamada ciidamada qalabka sida.