3/4/2021
Today from Hiiraan Online:  _
Wararka Maanta- Jimco, Dec 28, 2012
SHEEKH AXMED MADOOBE: “Ma jiro khilaaf u dhexeeya Maamulka Kismaayo iyo Dowladda Federaalka Soomaaliya”


Jimco, December 28, 2012 (HOL) — Guddoomiyaha maamulka KMG ah ee magaalada Kismaayo, Sheekh Axmed Maxamd Islaam (Sheekh Axmed Madoobe) ayaa sheegay inuusan jirin wax khilaaf ah oo u dhexeeya dowladda federaalka Soomaaliya iyo maamulka Kismaayo.

Sheekh Axmed Madoobe wuxuu sheegay in la dhammeeyay dhammaan kihlaafkii u dhexeeyay dowladda Soomaaliya iyo maamulka Kismaayo, haddana uu xiriirka labada dhinac yahay mid aad u wanaagsan.

“Khilaafkii ku dhexjiray dowladda iyo maamulka aan guuddoomiyaha u ahay wuu dhammaaday, balse warbaahinta maxaliga ah ayaa inta badan arrintan ka sheega warar aan sax ahayn,” ayuu yiri Sheekh Axmed Madoobe oo intaa ku daray in warbaahinta looga baahan yahay inay ka shaqayso nabadda iyo isku keenidda dhinacyada uu khilaafku u dhexeeyo.

Hadalka Sheekh Axmed Madoobe ayaa kusoo beegmaya iyadoo magaalada Kismaayo ay ku sugan yihiin wafdi ka socda dowladda Soomaaliya oo ay ka mid yihiin: wasiirka arrimaha gudaha, C/kariin Xuseen Guuleed, wasiirka gaashaandhigga, C/xakiin Maxamuuud Xaaji Fiqi, wasiirka cadaaladda iyo garsoorka, C/llaahi Abyan Nuur iyo wasiirka warfaafinta C/llaahi Cilmooge Xirsi.

Wafdiga ka socda dowladda ayaa kulammo la yeeshay maamulka KMG ah ee uu hoggaaminayo Sheekh Axmed Madoobe iyo mas’uuliyiinta kale ee ku sugan Kismaayo, iyagoo qodobbadii ay kala hadleen ay ka mid ahaayeen xaaladaha magaaladaas oo Al-shabaab laga qabsaday bishii Oktoobar ee sannadkan.

Dhanka kale, afhayeenka kooxda Raaskambooni, C/naasir Seeraar ayaa isna sheegay in wafdiga dowladda ay kala hadleen sidii loo caawin lahaa dadka ku dhibaateysan gobolka Jubbada hoose oo ay inta badan gacanta ku hayaan ciidamada isbahaysanaya oo ay ka mid yihiin kuwa Kenya ee qaybta ka ah AMISOM.

Seeraar wuxuu sheegay in in wafdiga dowladda ka socda aysan kala hadlin maamul u sameynta Kismaayo oo ahayd arrin uu muran ka taagnaa tan iyo markii Kismaayo ay la wareegeen ciidamada huwanta ah.

Ugu dambeyn, afhayeenka Raaskambooni oo la hadlay idaacadda Bar-Kulan ayaa sheegay inaysan xubnaha wasiirrada ah ee ka socda dowladda Soomaaliya aysan kala hadlin in ciidamada kooxdooda ay ka mid noqdaan kuwa dowladda Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
12/28/2012 1:39 PM EST
Jimco, December 28, 2012 (HOL) — Kooxo hubeysan ayaa xalay ku dilay degmada Mandheera ee gobolka Waqooyi-bari Kenya sarkaal ka tirsan ciidamada booliiska dalka Kenya, kaddib markii ay ku qaadeen weerar gaadmo ah.

12/28/2012 4:48 AM EST
Jimco, December 28, 2012 (HOL)- Madaxweynaha Somaliland Md. Axmed Maxamed Maxamuud (Siilaanyo), ayaa ka qayb galay munaasibad lagu furayay shirweynahii Lixaad ee Dalladda dhalinyarada Somaliland ee SONYO.

12/28/2012 3:17 AM EST
Jimco, December 28, 2012 (HOL) — Kaddib kulan ay ku yeesheen magaalada Baladweyne mas’uuliyiinta maamulka gobollka Hiiraan iyo saraakiisha ciidamada Jabuuti ee howlgalka AMISOM ayaa looga hadllay arrimo dhowr ah oo quseeya nabad-galyada guud ahaan gobolka.

12/28/2012 2:54 AM EST
Jimco, December 28, 2012 (HOL) — Guddoomiyaha maamulka gobolka Hiiraan ee dowladda Soomaaliya, C/fataax Xasan Afrax ayaa ku baaqay in la qaado howgal ballaaran oo lagu beegsanayo hoggaamiyeyaasha Xarakada Al-shabaab oo uu ku tilmaamay kuwo dhibaato ku haya shacabka Soomaaliyeed.

12/28/2012 2:32 AM EST
Jimco, December 28, 2012 (HOL) — Iska-horimaad u dhexeeya ciidamada dowladda Soomaaliya iyo xoogagga Al-shabaab ayaa xalay ka dhacay degmada Qansax-dheere ee gobolka Bay oo ka mid ah goobaha ay gacanta ku hayaan ciidamada dowladda Soomaaliya iyo kuwa caawinaya ee Itoobiya.

12/28/2012 2:23 AM EST
Jimco, December 28, 2012 (HOL) — Dhakhaatiir Soomaaliyeed ayaa tababar caafimaad loogu soo gabgabeeyay dalka Turkiga, waxaana hadal u jeediyay dhakhaatiirtaas oo tiradoodu ahayd 17 ruux wasiiradda horumarinta adeegga bulshada, Maryan Qaasim Axmed.

12/28/2012 2:11 AM EST
Jimco, December 28, 2012 (HOL) — Booliiska dalka Koonfur Afrika ayaa g go’aan adag ka qaatay ka ganacsiga iyo cunista jaadka ama qaadka, kaas oo mamnuuc ka ah dalka Koonfur Afrika iyadoo qofkii lagu qabto isagoo ka ganacsanaya ama cunaya uu muteysanayo xarig.