3/4/2021
Today from Hiiraan Online:  _
Wararka Maanta- Jimco, Dec 28, 2012
Iska-horimaad Ciidamada dowladda iyo Xarrakada Al-shabaab ku dhexmaray Degmada Qasax-dheere ee Gobolka Bay


Jimco, December 28, 2012 (HOL) — Iska-horimaad u dhexeeya ciidamada dowladda Soomaaliya iyo xoogagga Al-shabaab ayaa xalay ka dhacay degmada Qansax-dheere ee gobolka Bay oo ka mid ah goobaha ay gacanta ku hayaan ciidamada dowladda Soomaaliya iyo kuwa caawinaya ee Itoobiya.

 

Mas’uul ka tirsan maamulka degmada Qansax-dheere ayaa xaqiijiyay in weerar ay kusoo qaadeen degmadaas xoogag taabacsan Al-shabaab, wuxuuna xusay inay iska difaaceen weerarkaas ayna kooxihii hubeysnaa dib ugu laabteen goobihii ay ka yimaadeen.

 

“Xalay degmada waxaa ka dhacay dagaal culus oo muddo socday, mana jiraan wax khasaare ah oo aan aragnay markii uu saakay waagu baryay,” ayuu yiri goobjooge ku sugan degmada Qansax-dheere oo magaciisa ku soo koobay Nuur.

 

Saraakiil u hadlay Al-shabaab ayaa iyaguna sheegay inay xalay weerar ku qaadeen degmada Qansax-dheere, balse ma aysan sheegin khasaare loogu geystay weerarka iyo mid ay iyagu geysteen.

 

Lama oga khasaaraha ka dhashay iskahorimaadkii xalay ku dhexmaray degmada Qansax-dheere ciidamada dowladda Soomaaliya iyo xoogagga Al-shabaab, waxaana dagaalkan uu imaanayaa xilli ay shalay ciidamada dowladdu la wareegeen deeggaanka Ow-diinle oo ka tirsan gobolka Bay.

 

Gobolka Bay oo ku yaalla dhinaca Koonfur galbeed ee Soomaaliya ayaa wuxuu ka mid yahay gobollada uu loolanka xooggan ku dhexmarayay ciidamada dowladda kuwa caawinaya ee Itoobiya iyo xoogagga Al-shabaab.

 

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
12/28/2012 1:41 PM EST
Jimco, December 28, 2012 (HOL) — Guddoomiyaha maamulka KMG ah ee magaalada Kismaayo, Sheekh Axmed Maxamd Islaam (Sheekh Axmed Madoobe) ayaa sheegay inuusan jirin wax khilaaf ah oo u dhexeeya dowladda federaalka Soomaaliya iyo maamulka Kismaayo.

12/28/2012 1:39 PM EST
Jimco, December 28, 2012 (HOL) — Kooxo hubeysan ayaa xalay ku dilay degmada Mandheera ee gobolka Waqooyi-bari Kenya sarkaal ka tirsan ciidamada booliiska dalka Kenya, kaddib markii ay ku qaadeen weerar gaadmo ah.

12/28/2012 4:48 AM EST
Jimco, December 28, 2012 (HOL)- Madaxweynaha Somaliland Md. Axmed Maxamed Maxamuud (Siilaanyo), ayaa ka qayb galay munaasibad lagu furayay shirweynahii Lixaad ee Dalladda dhalinyarada Somaliland ee SONYO.

12/28/2012 3:17 AM EST
Jimco, December 28, 2012 (HOL) — Kaddib kulan ay ku yeesheen magaalada Baladweyne mas’uuliyiinta maamulka gobollka Hiiraan iyo saraakiisha ciidamada Jabuuti ee howlgalka AMISOM ayaa looga hadllay arrimo dhowr ah oo quseeya nabad-galyada guud ahaan gobolka.

12/28/2012 2:54 AM EST
Jimco, December 28, 2012 (HOL) — Guddoomiyaha maamulka gobolka Hiiraan ee dowladda Soomaaliya, C/fataax Xasan Afrax ayaa ku baaqay in la qaado howgal ballaaran oo lagu beegsanayo hoggaamiyeyaasha Xarakada Al-shabaab oo uu ku tilmaamay kuwo dhibaato ku haya shacabka Soomaaliyeed.

12/28/2012 2:23 AM EST
Jimco, December 28, 2012 (HOL) — Dhakhaatiir Soomaaliyeed ayaa tababar caafimaad loogu soo gabgabeeyay dalka Turkiga, waxaana hadal u jeediyay dhakhaatiirtaas oo tiradoodu ahayd 17 ruux wasiiradda horumarinta adeegga bulshada, Maryan Qaasim Axmed.

12/28/2012 2:11 AM EST
Jimco, December 28, 2012 (HOL) — Booliiska dalka Koonfur Afrika ayaa g go’aan adag ka qaatay ka ganacsiga iyo cunista jaadka ama qaadka, kaas oo mamnuuc ka ah dalka Koonfur Afrika iyadoo qofkii lagu qabto isagoo ka ganacsanaya ama cunaya uu muteysanayo xarig.