3/7/2021
Today from Hiiraan Online:  _
Wararka Maanta- Khamiis, Dec 27, 2012
Guddoomiyaha gobolka Nugaal: "Nabaddoonnada Puntland waxay ka mud yihiin dadka, cid sharciga ka weynina ma jirto"



Khamiis, December 27, 2012 (HOL)- Gudoomiyaha gobolka Nugaal Cabdi Xirsi Cali (Qarjab) ayaa ka hadlay xarigga nabadoon Yaasiin Cabdisamed oo ay dhowaan ciidamada Boolisku xabsiga u taxaabeen.

Mudane Qarjab ayaa sheegay in nabadoonnadu ay bulshada kamid yihiin, islamarkaana aysan jirin cid sameyn karta wax aan sharciga waafaqsaneyn.

 

"Nabdoonadu bulshada ayey kamid yihiin, ciddii sharciga kahor timaada waa la qabanayaa, cid sharciga ka weyni ma jirto" Qarjab oo warbaahinta maxalliga ah la hadlayey ayaa yiri.

 

Dhinaca kale gudoomiyaha gobolka Nugaal ayaa sheegay in dad loo qabtay dilkii Cabdilaahi Xuseen (Gaal-dile) oo ahaa sarkaal ka tirsan ciidamada Booliska, kaas oo habeen nimadii Isniinta lagu toogtey magaalada Garoowe.

 

Wuxuuna intaas raaciyey in ay laamaha ammaanku gacanta ku dhigeen dad lagu tuhmey in ay falkaas wax ka ogaayeen, weli baaritaan lagu wado, dhowaanna maxkamad lasoo taagi doono.

 

Nabaddoon Yaasiin Cabdisamad oo kamid nabadoonada ugu caansan gobolka Mudug, waxaa dhowr beri kahor loo dhaadhiciyey xabsiga weyn ee magaalada Garoowe.

 

Xarigga nabadoonka ayaa salka ku haya arimo siyaasadeed, waxaana xusid mudan in uu qayb ka yahay siyaasiyiinta iyo waxgaradka dhaleeceeya xukuumadda Dr. Cabdiraxmaan Maxamed Maxamuud Faroole.

 

Maxamed Salaad Xaaji Dirir, Hiiraan Online

[email protected]

Puntland, Soomaaliya













Click here
12/27/2012 4:02 PM EST
Khamiis, December 27, 2012 (HOL)- Madaxweynaha Puntland Cabdiraxmaan Maxamed (Faroole) iyo xubno ka tirsan golihiisa wasiirrada ayaa maanta booqday qaar kamid ah jaamacadaha ku yaalla magaalada Boosaaso.

12/27/2012 12:37 PM EST
Khamiis, December 27, 2012 (HOL) —Wafdi ka socday dowladda federaalka Soomaaliya ayaa maanta gaaray magaalada Kismaayo ee xarunta gobolka jubada hoose, iyadoona wafdiga ay si diiran degmadaasi ugu soo dhaweeyeen masuuliyiin katirsan maamulka KMG ee degmada Kismaayo.

12/27/2012 7:48 AM EST
Khamiis, December 27, 2012 (HOL) — Ciidamada ammaanka Soomaaliya oo gacan ka helaya kuwa AMISOM ayaa maalintii labaad maanta howgallo lagu qabqabanayay kooxaha hubeysan ee dhibaatooyinka ka geysta caasimada ka fuliyay Muqdisho.

12/27/2012 7:33 AM EST
Khamiis, December 27, 2012 (HOL) — Siminnaar ku saabsan sidii dhaqamada xunxun iyo colaadaha loogu bedeli lahaa dhaqanka nabadda iyo tubta toosan ayna ka qayb-qaadanayeen dhallinyaro isugu jirtay wiilal iyo gabdho ayaa lagu qabtay hoteelka Oriental ee magaalada Muqdisho.

12/27/2012 7:22 AM EST
Khamiis, December 27, 2012 (HOL) — Madaxweynihii hore ee dalka Koonfur Afrika, Nelson Mandela ayaa laga saaray xalay isbitaal ku yaalla magaalada Pretoria oo looga daweynayay xanuun kaga dhacay sambabada loogana saaray dhagaxaan kilyaha kaga jiray, isagoo la geeyay gurigiisa si uu ugu nasto.

12/27/2012 6:55 AM EST
Khamiis, December 27, 2012 (HOL) — Hay'adahan oo ka kooban 45 hay'adood oo maxalli ah ayaa 35 ka mid ah waxay kulan ballaaran ku yeeshay shalay oo Arbaco ahayd magaalada Muqdisho, kaasoo ay kaga hadleen arrimo quseeyay gargaarka bani'aadamnimo ee Soomaaliya.

12/27/2012 6:21 AM EST
Khamiis, December 27, 2012 (HOL) — Haweeney rayid ah ayaa ku dhaawacantay qarax xalay lala beegsaday goob lagu caweeyo oo ku taalla agagaarka saldhigga booliiska magaalada Mandheera ee gobolka Waqooyi-bari ee Kenya, iyadoo sidoo kale uu dab khasaare hantiyeed geystay uu xalay ka kacay xerada qoxootiga IFO ee dalka Kenya.

12/27/2012 2:22 AM EST
Khamiis, December 27, 2012 (HOL) — Saraakiisha hay'adaha ammaanka dowladda Soomaaliya ayaa ka warbixinayay howgallo xalay laga sameeyay degmooyin ka tirsan Muqdisho oo lagu soo qabqabtay kooxo falal ammaan-darro ka waday degmooyinkaas iyo hub kala duwan.

12/27/2012 2:02 AM EST
Khamiis, December 27, 2012 (HOL) — Wafdi ka socda dowladd Soomaaliya oo heer wasiir ah ayaa saakay u ambabaxay magaalada Kismaayo ee xarunta gobolka Jubbada Hoose, kaddib muran ku saabsan maamul u sameynta Kismaayo oo u dhexeeyay xoogagga Raaskambooni iyo dowladda Soomaaliya.

12/27/2012 1:54 AM EST
Khamiis, December 27, 2012 (HOL) — Xarakada Al-shabaab oo bishii Ogoosto ee sannadkii hore isaga baxday degmooyinka gobolka Banaadir ayaa ku goodisay inay sii wadi doonto weerarrada duqeymaha ah ee ay la beegsanayso madaxtooyada Soomaaliya, halkaasoo ah goobta ugu weyn ee ay dowladda Soomaaliya ku shaqeyso.