4/13/2021
Today from Hiiraan Online:  _
Wararka Maanta- Khamiis, Dec 27, 2012
Siminnaar ku saabsan sidii wax loo bedeli lahaa dhaqamada xun ee colaadaha laga dhaxlay oo Muqdisho lagu qbatay



Khamiis, December 27, 2012 (HOL) — Siminnaar ku saabsan sidii dhaqamada xunxun iyo colaadaha loogu bedeli lahaa dhaqanka nabadda iyo tubta toosan ayna ka qayb-qaadanayeen dhallinyaro isugu jirtay wiilal iyo gabdho ayaa lagu qabtay hoteelka Oriental ee magaalada Muqdisho.

Siminaarkaan oo ay soo qaban-qaabisay Hay'adda Somali Women Development Organisation ee loo yaqaan (SOWDO) isla markaasna ay gacan ka geysatay hay'adda Somali Intelectual Banadir Region Organisation oo xarunteedu tahay dalka Sweden ayna maal-gelisay hay'adda lagu magacaabo Forum SYD.

Tababarkan ayaa waxaa loogu talagalay in wax looga qabto dhibaatooyinkii 22-kii sano ee lasoo dhaafay ka dhashay dagaaladii sokeeye iyo colaadihii is daba-joogga ahaa ee raadka weyn ku yeeshay dhaqanka iyo nabadda Soomaaliya.

Madaxa hay'adda SOWDO, Faaduma Cabdullaahi Macallim Axmed oo khudbad ka jeedisay furitaankii seminaarka ayaa sheegtay in ujeeddada loo qatay siminnaarkan ay tahay sidii loo wacyigelin lahaa dhallinyarada Soomaaliyeed ee isugu jira wiilal iyo gabdho ee dhaqankoodu ku doorsoomay dhibaatooyinkii dalka soo maray muddadii ay jireen dowlad la'aanta iyo colaadaha.


"Tababarkan wuxuu socon doonaa inta u dhexeysa 27-ka December 2012 illaa 02-da Jannaayo 2013-ka, waxaana loogu talogalay inuu ka kala dhaco magaalooyinka Muqdisho, Marka iyo Mudug si dhallinyarada looga wacyi-geliyo inay bedelaan wixii dhaqan-xumo ah oo ay ka dhaxleen colaadaha Soomaaliya ka dhacay, waxana u jeedinaynaa mahad-gaar ah hay'adihii gacanta ka gaystay iyo kuwii maal-geliyay siminnaarkan," ayay tiri Faadumo.

Sidoo kale, waxaa furitaanka siminaarka ka hadlay, Axmed Maxamed oo ah madaxa hay'adda Somali Intelectual Banadir Organisation oo fadhigeedu yahay Sweden, isagoo xusay in siminaarkaan ay soo billaabeen toban sano ka hor si wax looga qabto dhibaatooyinka ay keeneen dagaallada sokeeye sida xad-gudubyada, dilalka, kufsiga iyo ku-tumashada xuquuqda aadanaha, isagoo sheegay in siminaarka uu muuhimad ballaanran u leeyahay dhallinyarada.

Ugu dambeyn, madaxa hay'adda Somali Intelectual Banadir Organisation wuxuu xusay in tababarkan uu fursado shaqo u abuuri karo dhallinyarada si ay uga soo kabtaan dhibaatooyinkii gaaray 22-kii sano ee lasoo dhaafay; isla markaasna looga gudbi lahaa wadiiqooyinka xunxun si ay cagta u saaraan waddada nabadda kana qayb-qaataan dib u dhiska dalkooda.




Maxamed Xaaji Xuseen, Hiiraan Online
[email protected]
Muqdisho, Soomaaliya











Click here
12/27/2012 4:02 PM EST
Khamiis, December 27, 2012 (HOL)- Madaxweynaha Puntland Cabdiraxmaan Maxamed (Faroole) iyo xubno ka tirsan golihiisa wasiirrada ayaa maanta booqday qaar kamid ah jaamacadaha ku yaalla magaalada Boosaaso.

12/27/2012 3:57 PM EST
Khamiis, December 27, 2012 (HOL)- Gudoomiyaha gobolka Nugaal Cabdi Xirsi Cali (Qarjab) ayaa ka hadlay xarigga nabadoon Yaasiin Cabdisamed oo ay dhowaan ciidamada Boolisku xabsiga u taxaabeen.

12/27/2012 12:37 PM EST
Khamiis, December 27, 2012 (HOL) —Wafdi ka socday dowladda federaalka Soomaaliya ayaa maanta gaaray magaalada Kismaayo ee xarunta gobolka jubada hoose, iyadoona wafdiga ay si diiran degmadaasi ugu soo dhaweeyeen masuuliyiin katirsan maamulka KMG ee degmada Kismaayo.

12/27/2012 7:48 AM EST
Khamiis, December 27, 2012 (HOL) — Ciidamada ammaanka Soomaaliya oo gacan ka helaya kuwa AMISOM ayaa maalintii labaad maanta howgallo lagu qabqabanayay kooxaha hubeysan ee dhibaatooyinka ka geysta caasimada ka fuliyay Muqdisho.

12/27/2012 7:22 AM EST
Khamiis, December 27, 2012 (HOL) — Madaxweynihii hore ee dalka Koonfur Afrika, Nelson Mandela ayaa laga saaray xalay isbitaal ku yaalla magaalada Pretoria oo looga daweynayay xanuun kaga dhacay sambabada loogana saaray dhagaxaan kilyaha kaga jiray, isagoo la geeyay gurigiisa si uu ugu nasto.

12/27/2012 6:55 AM EST
Khamiis, December 27, 2012 (HOL) — Hay'adahan oo ka kooban 45 hay'adood oo maxalli ah ayaa 35 ka mid ah waxay kulan ballaaran ku yeeshay shalay oo Arbaco ahayd magaalada Muqdisho, kaasoo ay kaga hadleen arrimo quseeyay gargaarka bani'aadamnimo ee Soomaaliya.

12/27/2012 6:21 AM EST
Khamiis, December 27, 2012 (HOL) — Haweeney rayid ah ayaa ku dhaawacantay qarax xalay lala beegsaday goob lagu caweeyo oo ku taalla agagaarka saldhigga booliiska magaalada Mandheera ee gobolka Waqooyi-bari ee Kenya, iyadoo sidoo kale uu dab khasaare hantiyeed geystay uu xalay ka kacay xerada qoxootiga IFO ee dalka Kenya.

12/27/2012 2:22 AM EST
Khamiis, December 27, 2012 (HOL) — Saraakiisha hay'adaha ammaanka dowladda Soomaaliya ayaa ka warbixinayay howgallo xalay laga sameeyay degmooyin ka tirsan Muqdisho oo lagu soo qabqabtay kooxo falal ammaan-darro ka waday degmooyinkaas iyo hub kala duwan.

12/27/2012 2:02 AM EST
Khamiis, December 27, 2012 (HOL) — Wafdi ka socda dowladd Soomaaliya oo heer wasiir ah ayaa saakay u ambabaxay magaalada Kismaayo ee xarunta gobolka Jubbada Hoose, kaddib muran ku saabsan maamul u sameynta Kismaayo oo u dhexeeyay xoogagga Raaskambooni iyo dowladda Soomaaliya.

12/27/2012 1:54 AM EST
Khamiis, December 27, 2012 (HOL) — Xarakada Al-shabaab oo bishii Ogoosto ee sannadkii hore isaga baxday degmooyinka gobolka Banaadir ayaa ku goodisay inay sii wadi doonto weerarrada duqeymaha ah ee ay la beegsanayso madaxtooyada Soomaaliya, halkaasoo ah goobta ugu weyn ee ay dowladda Soomaaliya ku shaqeyso.