3/4/2021
Today from Hiiraan Online:  _
Wararka Maanta- Khamiis, Dec 27, 2012
Wafdi heer wasiir ah oo ka socda Dowladda Soomaaliya oo Maanta u dhoofay Xarunta Jubbada Hoose ee Kismaayo


Khamiis, December 27, 2012 (HOL) — Wafdi ka socda dowladd Soomaaliya oo heer wasiir ah ayaa saakay u ambabaxay magaalada Kismaayo ee xarunta gobolka Jubbada Hoose, kaddib muran ku saabsan maamul u sameynta Kismaayo oo u dhexeeyay xoogagga Raaskambooni iyo dowladda Soomaaliya.

Wafdigan oo uu hoggaaminayay wasiirka arrimah gudaha iyo ammaanka Qaranka ayaa waxaa ka mid ah: wasiirka gaashaandhigga, wasiirka cadaaladda iyo wasiirka boostada iyo isgaarsiinta, waxaana la sheegay in safarkooda uu yahay mid salka ku haya sidii ay ugu kuurgeli lahaayeen xaaladda magaalada Kismaayo oo ay gacanta ku hayaan ciidamada dowladda Soomaaliya, xoogagga Raaskambooni iyo ciidamada Kenya oo qayb ka ah AMISOM.

Qorshaha wafdigan ayaa la sheegay inay qayb ka yihiin sidii ay kormeerro ugu tegi lahaayeen xeryaha ay ku jiraan ciidamada dowaldda iyo sidii loo dar-dargelin lahaa dagaallada lagula jiro Al-shabaab oo ka socda gobolka Jubbada Hoose.

Wafdigan ayaa waxay noqonayaa kuwii ugu heer sarreeyay ee aada Kismaayo tan iyo markii codka kalsoonida ah la siiyay xukuumadda tirada yar, iyadoo la xusuuto in wafdi ay dowladdu u dirtay magaalada Kismaayo loo diiday inay halkaas galaan.

Madaxweynaha Soomaaliya ayaa dhawaan ka sheegaey Nairobi in la dhameeyay muran u dhexeeyay dowladda Soomaaliya iyo Kenya, iyadoo murankaas uu qayb ka ahaa maamul u sameynta Kismaayo oo ay dowladda Kenya lug weyn ku lahayd.

Wixii warar ah ee kusoo kordha socdaalka wafdigan heerka wasiir ah ee socdaalka ugu ambabaxay Kismaayo waxaad kula socon doontaa wararkeenna dambe haddii Alle ogolaado.

Wixii warar dheeraad ah oo ku saabsan wafdiga wasiirada ah ee ku sii wajahan Kismaayo halkan ayaad kala socondoontaan Inshaa’allaah

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
12/27/2012 4:02 PM EST
Khamiis, December 27, 2012 (HOL)- Madaxweynaha Puntland Cabdiraxmaan Maxamed (Faroole) iyo xubno ka tirsan golihiisa wasiirrada ayaa maanta booqday qaar kamid ah jaamacadaha ku yaalla magaalada Boosaaso.

12/27/2012 3:57 PM EST
Khamiis, December 27, 2012 (HOL)- Gudoomiyaha gobolka Nugaal Cabdi Xirsi Cali (Qarjab) ayaa ka hadlay xarigga nabadoon Yaasiin Cabdisamed oo ay dhowaan ciidamada Boolisku xabsiga u taxaabeen.

12/27/2012 12:37 PM EST
Khamiis, December 27, 2012 (HOL) —Wafdi ka socday dowladda federaalka Soomaaliya ayaa maanta gaaray magaalada Kismaayo ee xarunta gobolka jubada hoose, iyadoona wafdiga ay si diiran degmadaasi ugu soo dhaweeyeen masuuliyiin katirsan maamulka KMG ee degmada Kismaayo.

12/27/2012 7:48 AM EST
Khamiis, December 27, 2012 (HOL) — Ciidamada ammaanka Soomaaliya oo gacan ka helaya kuwa AMISOM ayaa maalintii labaad maanta howgallo lagu qabqabanayay kooxaha hubeysan ee dhibaatooyinka ka geysta caasimada ka fuliyay Muqdisho.

12/27/2012 7:33 AM EST
Khamiis, December 27, 2012 (HOL) — Siminnaar ku saabsan sidii dhaqamada xunxun iyo colaadaha loogu bedeli lahaa dhaqanka nabadda iyo tubta toosan ayna ka qayb-qaadanayeen dhallinyaro isugu jirtay wiilal iyo gabdho ayaa lagu qabtay hoteelka Oriental ee magaalada Muqdisho.

12/27/2012 7:22 AM EST
Khamiis, December 27, 2012 (HOL) — Madaxweynihii hore ee dalka Koonfur Afrika, Nelson Mandela ayaa laga saaray xalay isbitaal ku yaalla magaalada Pretoria oo looga daweynayay xanuun kaga dhacay sambabada loogana saaray dhagaxaan kilyaha kaga jiray, isagoo la geeyay gurigiisa si uu ugu nasto.

12/27/2012 6:55 AM EST
Khamiis, December 27, 2012 (HOL) — Hay'adahan oo ka kooban 45 hay'adood oo maxalli ah ayaa 35 ka mid ah waxay kulan ballaaran ku yeeshay shalay oo Arbaco ahayd magaalada Muqdisho, kaasoo ay kaga hadleen arrimo quseeyay gargaarka bani'aadamnimo ee Soomaaliya.

12/27/2012 6:21 AM EST
Khamiis, December 27, 2012 (HOL) — Haweeney rayid ah ayaa ku dhaawacantay qarax xalay lala beegsaday goob lagu caweeyo oo ku taalla agagaarka saldhigga booliiska magaalada Mandheera ee gobolka Waqooyi-bari ee Kenya, iyadoo sidoo kale uu dab khasaare hantiyeed geystay uu xalay ka kacay xerada qoxootiga IFO ee dalka Kenya.

12/27/2012 2:22 AM EST
Khamiis, December 27, 2012 (HOL) — Saraakiisha hay'adaha ammaanka dowladda Soomaaliya ayaa ka warbixinayay howgallo xalay laga sameeyay degmooyin ka tirsan Muqdisho oo lagu soo qabqabtay kooxo falal ammaan-darro ka waday degmooyinkaas iyo hub kala duwan.

12/27/2012 1:54 AM EST
Khamiis, December 27, 2012 (HOL) — Xarakada Al-shabaab oo bishii Ogoosto ee sannadkii hore isaga baxday degmooyinka gobolka Banaadir ayaa ku goodisay inay sii wadi doonto weerarrada duqeymaha ah ee ay la beegsanayso madaxtooyada Soomaaliya, halkaasoo ah goobta ugu weyn ee ay dowladda Soomaaliya ku shaqeyso.