3/4/2021
Today from Hiiraan Online:  _
Wararka Maanta- Arbaco, Dec 26, 2012
Saraakiisha Maamulka Gobolka Hiiraan iyo AMISOM oo ku Wargaliyay dadka deggen Xeryihii hore ee Ciidamada inay isaga guuraan


Arbaco, December 26, 2012 (HOL) — Saraakiisha maamulka gobollka Hiiraan iyo kuwa Jabuuti ee howlgalka midowgga Africa ayaa ugu baaqay in ay sida ugu dhaqsiyaha badan uga guuraan dadka degan xeriyihii hore ee militariga magaalada Baladweyne.

Taliyaha ciidamada maamulka gobollka Hiiraan Col Towane Axmed Gurey oo warbaahinta la hadllay ayaa sheegay in dadka degan xeryaha ciidamada gaar ahaan xaradihii hore ee Lama-galaay wax yar uu ka dhiman tahay waqtigii loo qabtay, sidaa daraadeed loo baahan yahay dadka degan isaga baxaan.

"Horay ayaan ugu dignay dadka, dabcan waqtigii loo qabtay waa uu sii dhamanaayaa, sidaa daraadeed waxaa uu qorshuhu yahay marka uu dhamaado waqtiga ka dhiman xiliga loo qabtay dadka degan xeryaha maamulka howshiisa ayuu fushan doonaa oo ah in halkaa ciidamo la dajiyo,’’ ayuu yiri taliyaha ciidamada Towane Gurey.

Sidoo kale taliyaha ciidamada Jabuuti ee howlgalka midowgga Africa Col Cismaan Dubad ayaa sheegay in aysan suurtagal aheyn in ay meel kaliya wada deganaadaan  ciidamo iyo dad shacab ah, loona baahan yahay in ay ciidamada helleen xeryo iyaga u gaar ah.

"Hadda ciidamada waa ay ku dhax jiraan xerada {Lama-galaay} sidaa daraadeed suurtagal ma’aha in ay si dhax degnaadaan ciidamada iyo dadka shacabka ah," ayuu yiri Col. Cismaan Dubad.

Warka ka soo baxay saraakiisha maamulka gobollka iyo kuwa AMISOM ayaa waxaa cabasho ka muujiyay qoysaska mudada dheer deganaa xerada Lama-galaay kuwaasoo sheegay in aysan garaneynin meel ay wajahaan.

C/raxmaan Diini, Hiiraan Online
[email protected]
Baladweyne, Soomaaliya











Click here
12/26/2012 8:07 AM EST
Arbaco, December 26, 2012 (HOL) — Hay'adda samafalka ee SADO oo ka mid ah hay'adaha samafalka ee ka howgala gobolka Gedo ee Koonfurta Soomaaliya ayaa howlo nadaafadeed kawadday maalmahan degmada Baardheere ee gobolka Gedo.

12/26/2012 7:57 AM EST
Arbaco, December 26, 2012 (HOL) — Sannadkan dhammaadka ah ee 2012 ayaa la sheegay in dalka Koonfur Afrika lagu dilay tiradii ugu badnayd oo Soomaali ah, kuwaasoo qaarkood lagu dhex-dilay goobahooda ganacsiga oo ku yaalla meelo ka baxsan magaalooyinka waaweyn.

12/26/2012 6:54 AM EST
Arbaco, December 26, 2012 (HOL) — Xidhibaannada Baarlamaanka Soomaaliya ayaa maanta diiday inay meel-mariyaan miisaaniyada ay xukuumaddu ku shaqeynayso sannadka soo socda ee 2013, taasoo uu baarlamaanku ka doodayay saddexdii maalmood ee lasoo dhaafay.

12/26/2012 6:35 AM EST
Arbaco, December 26, 2012 (HOL) — Maamulka gobolka Bay ee dowladda Soomaaliya ayaa xabsiga kasii daayay sarkaal u shaqeynayay hay'adda beeraha iyo cunnada adduunka ee FAO kaasoo muddo laabatan sano ah u xirnaa maamulka oo sheegay inay uga shakiyeen inuu gacan-saar la leeyahay Al-shabaab.

12/26/2012 6:08 AM EST
Arbaco, December 26, 2012 (HOL) — Ciidamada booliiska Soomaaliya iyo booliiska AMISOM ayaa maanta howgallo wadajir ah oo ay ku qabqabteen kooxo hubeysan ka sameeyay degmada Xamarweyne ee gobolka Banaadir, iyadoo kooxihii howgalka lagu qabtay la sheegay inay ku jireen rag ku labisan dharka ciidamada dowladda.

12/26/2012 5:53 AM EST
Arbaco, December 26, 2012 (HOL) — Guddida Diiwaan-gelinta ururada iyo ansixinta asxaabta, ayaa maanta si rasmi ah ugu dhawaaqay ururadda u gudbay xisbinimadda iyo ururada hadhay.

12/26/2012 5:51 AM EST
Arbaco, December 26, 2012 (HOL) — Wasiirka Maaliyadda Somaliland Mr:Cabdicasiis Maxamed Samaale ayaa maanta golaha wakiiladda u qaybiyey miisaaniyadda sanadkan 2013 oo uu sheegay inay tii sanadkii hore ka badan tahay 17%, isla markaana ay ku jirto mashaariic horumarineed oo dalka laga hirgalin doonno.

12/26/2012 4:39 AM EST
Arbaco, December 26, 2012 (HOL) — Ciidamo tiro badan oo ka tirsan Booliska Kenya ayaa lagu soo daadiyay xaafadda ay Soomaalidu ku badantahay ee Islii, waxayna ciidamadani dadka weydiinayaan sharci, iyagoona qabanaya qofkii aan sharci lahayn iyo weliba dadka wata sharciga qaxootiga.

12/26/2012 1:26 AM EST
Arbaco, December 26, 2012 (HOL) — Madaxweyne Xasan Sheekh Maxamuud oo dib ugu soo laabtay Muqdisho kaddib safarro uu ku tagay dallaka Kenya iyo Uganda ayaa sheegay in madaxda Kenya ay kala hadleen ilaalinta dadka Soomaaliyeed iyo hantidooda.

12/26/2012 1:11 AM EST
Arbaco, December 26, 2012 (HOL) — Dowladda Soomaaliya ayaa sheegtay inay caafis u fidinayso dhallinyarada kasoo goosta Ururka Al-shabaab, iyadoo dowladdu aysan sheegin muddo cayiman oo uu ku eg’yahay cafiska ay u fidinayso dagaalyahannada kasoo goosta Al-shabaab.