3/7/2021
Today from Hiiraan Online:  _
Wararka Maanta- Arbaco, Dec 26, 2012
Maamulka Gobolka Bay ee Dowladda Soomaaliya oo Xabsiga Baydhabo kasii daayay Sakaal u shaqeynayay Hay'adda FAO


Arbaco, December 26, 2012 (HOL) — Maamulka gobolka Bay ee dowladda Soomaaliya ayaa xabsiga kasii daayay sarkaal u shaqeynayay hay'adda beeraha iyo cunnada adduunka ee FAO kaasoo muddo laabatan sano ah u xirnaa maamulka oo sheegay inay uga shakiyeen inuu gacan-saar la leeyahay Al-shabaab.

Sarkaalka oo lagu magacaabo Idiris Cabdi Dhakhtar ayaa waxaa gurigiisa kala baxay ciidammo ka tirsan kuwa maamulka gobolka Bay, iyadoo saraakiisha booliiska ee degmada Baydhabo ay sheegeen in sarkaalkan lagu eedeeyay inuu jaajuus u ahaa Al-shabaab ayna baaritaanno ku sameynaan.

"Idiris Dhakhtar gallinkii dambe ee shalay ayaa xabsiga Baydhabo laga sii daayay, kaddib dadaallo ay sameeyeen ururrada bulshada rayidka ah iyo waxgaradka," ayuu yiri goobjooge ku sugan Baydhabo oo si dhow ula socday xariga sarkaalka. "Kama uusan hadlin maamulku weli sii daynta sarkaalka."

Taliyaha booliiska gobolka Bay, Col. Mahad C/raxmaan oo saxaafadda la hadlayay horraantii bishan oo ahayd markii la xiray sarkaalkan ayaa sheegay inay heleen xog ku saabsan in sarkaalkan uu gacan-saar la leeyahay Al-shabaab iyaguna ay baaris ku sameyn doonaan, isagoo xusay inaysan waxba ka gelin darajadiisa iyo halka uu u shaqeeyo.

Sarkaalka lasii daayay ayaa isaguna ka hadlin xarigiisa iyo sii-dayntiisa, iyadoo la sheegay inuu ku sugan yahay gurigiisa uuna caafimaad qabo, waxaana tani ay noqonaysaa tallaabadii ugu horreysay oo ururrada bulshada gobolka Bay ay cadaadis ku saaraan maamulka gobolkaas.

Degmada Baydhabo ayaa waxay ka mid tahay degmooyinkii xoogagga Al-shabaab laga qabsaday horraantii sannadkan, waxaana tan iyo xilligaas ka dhacayay falal kala duwan oo isugu jira dilal qorsheysan, weerarro iyo qaraxyo ay dad badan oo shacab ahi waxyeello kasoo gaartay.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
12/26/2012 8:07 AM EST
Arbaco, December 26, 2012 (HOL) — Hay'adda samafalka ee SADO oo ka mid ah hay'adaha samafalka ee ka howgala gobolka Gedo ee Koonfurta Soomaaliya ayaa howlo nadaafadeed kawadday maalmahan degmada Baardheere ee gobolka Gedo.

12/26/2012 7:57 AM EST
Arbaco, December 26, 2012 (HOL) — Sannadkan dhammaadka ah ee 2012 ayaa la sheegay in dalka Koonfur Afrika lagu dilay tiradii ugu badnayd oo Soomaali ah, kuwaasoo qaarkood lagu dhex-dilay goobahooda ganacsiga oo ku yaalla meelo ka baxsan magaalooyinka waaweyn.

12/26/2012 7:10 AM EST
Arbaco, December 26, 2012 (HOL) — Saraakiisha maamulka gobollka Hiiraan iyo kuwa Jabuuti ee howlgalka midowgga Africa ayaa ugu baaqay in ay sida ugu dhaqsiyaha badan uga guuraan dadka degan xeriyihii hore ee militariga magaalada Baladweyne.

12/26/2012 6:54 AM EST
Arbaco, December 26, 2012 (HOL) — Xidhibaannada Baarlamaanka Soomaaliya ayaa maanta diiday inay meel-mariyaan miisaaniyada ay xukuumaddu ku shaqeynayso sannadka soo socda ee 2013, taasoo uu baarlamaanku ka doodayay saddexdii maalmood ee lasoo dhaafay.

12/26/2012 6:08 AM EST
Arbaco, December 26, 2012 (HOL) — Ciidamada booliiska Soomaaliya iyo booliiska AMISOM ayaa maanta howgallo wadajir ah oo ay ku qabqabteen kooxo hubeysan ka sameeyay degmada Xamarweyne ee gobolka Banaadir, iyadoo kooxihii howgalka lagu qabtay la sheegay inay ku jireen rag ku labisan dharka ciidamada dowladda.

12/26/2012 5:53 AM EST
Arbaco, December 26, 2012 (HOL) — Guddida Diiwaan-gelinta ururada iyo ansixinta asxaabta, ayaa maanta si rasmi ah ugu dhawaaqay ururadda u gudbay xisbinimadda iyo ururada hadhay.

12/26/2012 5:51 AM EST
Arbaco, December 26, 2012 (HOL) — Wasiirka Maaliyadda Somaliland Mr:Cabdicasiis Maxamed Samaale ayaa maanta golaha wakiiladda u qaybiyey miisaaniyadda sanadkan 2013 oo uu sheegay inay tii sanadkii hore ka badan tahay 17%, isla markaana ay ku jirto mashaariic horumarineed oo dalka laga hirgalin doonno.

12/26/2012 4:39 AM EST
Arbaco, December 26, 2012 (HOL) — Ciidamo tiro badan oo ka tirsan Booliska Kenya ayaa lagu soo daadiyay xaafadda ay Soomaalidu ku badantahay ee Islii, waxayna ciidamadani dadka weydiinayaan sharci, iyagoona qabanaya qofkii aan sharci lahayn iyo weliba dadka wata sharciga qaxootiga.

12/26/2012 1:26 AM EST
Arbaco, December 26, 2012 (HOL) — Madaxweyne Xasan Sheekh Maxamuud oo dib ugu soo laabtay Muqdisho kaddib safarro uu ku tagay dallaka Kenya iyo Uganda ayaa sheegay in madaxda Kenya ay kala hadleen ilaalinta dadka Soomaaliyeed iyo hantidooda.

12/26/2012 1:11 AM EST
Arbaco, December 26, 2012 (HOL) — Dowladda Soomaaliya ayaa sheegtay inay caafis u fidinayso dhallinyarada kasoo goosta Ururka Al-shabaab, iyadoo dowladdu aysan sheegin muddo cayiman oo uu ku eg’yahay cafiska ay u fidinayso dagaalyahannada kasoo goosta Al-shabaab.