3/7/2021
Today from Hiiraan Online:  _
Wararka Maanta- Arbaco, Dec 26, 2012
Booliiska Somalia iyo Booliiska AMISOM oo Muqdisho ka sameeyay howl-gallo lagu qabqabtay kooxo hubeysan


Arbaco, December 26, 2012 (HOL) — Ciidamada booliiska Soomaaliya iyo booliiska AMISOM ayaa maanta howgallo wadajir ah oo ay ku qabqabteen kooxo hubeysan ka sameeyay degmada Xamarweyne ee gobolka Banaadir, iyadoo kooxihii howgalka lagu qabtay la sheegay inay ku jireen rag ku labisan dharka ciidamada dowladda.

Howgalkan ayaa la sheegay inuu ahaa mid looga hortagayo kooxo ku labisan dharka booliiska Soomaaliya oo gaadiidka ka qaata lacago baad ah iyo kuwo kale oo iyana dhibaatooyin dhinaca ammaanka ah ku hayay shacabka ku nool degmadaas.

"Booliiska dowladda Soomaaliya iyo booliiska AMISOM oo wata gaadiid dagaal ayaa maanta howgallo ammaanka lagu sugayay ka sameeyay bacadlaha illaa afar irdood waxayna ku qabqabateen kooxo dhibaatooyin ku hayay bulshada oo xirnaa dharka ciidamada dowladda," ayuu yiri ganacsade dukaan ku leh agagaarka bacadlihii hore ee Xamarweyne oo sababo ammaan magaciisa u qariyay.

Kooxaha la qabqabtay ayaa waxay tiradoodu ka badnayd 20 ruux, waxaana intooda badan ay xirnaayeen dharka ciidamada, iyadoo tani ay farxad weyn gelisay dadka ku ganacsada goobahaas iyo wadayaasha gaadiidka dadweynaha oo ay kooxahaasi lacago ka qaadi jireen.

"Anigu waxaan arkay 18 ruux oo booliiska iskaashanaya ay qabteen, qaarkood dhar ciidan ayay xirnaayeen, qaarka kalena dhar caadi ah ayay xirnaayeen, gabigood waxaa la saaray gaari ay ciidamadu wateen waana la waday," ayuu yiri goobjooge ku suganaa afar-irdoodka xilligii uu howlgalku socday. "Ma garanayno halka lala aaday, balse aan soo dhaweynaynaa in la qabqabto kuwaas, waayo dhibaato ayay ku hayeen dadka."

Howgalkan ayaa noqonaya kii ugu horreeyay noociisa oo ay si wadajir ah Muqdisho uga sameeyaan booliiska Soomaaliya iyo kuwa AMISOM oo ka howgala degmooyinka Muqdisho qaarkood, waxaana howgalkan uu daba-socday midkii isbaarooyinka looga qaadayay Muqdisho.

Inkastoo magaalada Muqdisho laga qaaday isbaarooyinkii muuqday ee gaadiidka looga qaadi jiray lacago aan sharci ahayn ayaa haddana waxaa weli jira isbaarooyin yar-yar oo gaadiidka looga qaado lacago, kuwaasoo aan u muuqan sida kuwii la qaaday.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
12/26/2012 8:07 AM EST
Arbaco, December 26, 2012 (HOL) — Hay'adda samafalka ee SADO oo ka mid ah hay'adaha samafalka ee ka howgala gobolka Gedo ee Koonfurta Soomaaliya ayaa howlo nadaafadeed kawadday maalmahan degmada Baardheere ee gobolka Gedo.

12/26/2012 7:57 AM EST
Arbaco, December 26, 2012 (HOL) — Sannadkan dhammaadka ah ee 2012 ayaa la sheegay in dalka Koonfur Afrika lagu dilay tiradii ugu badnayd oo Soomaali ah, kuwaasoo qaarkood lagu dhex-dilay goobahooda ganacsiga oo ku yaalla meelo ka baxsan magaalooyinka waaweyn.

12/26/2012 7:10 AM EST
Arbaco, December 26, 2012 (HOL) — Saraakiisha maamulka gobollka Hiiraan iyo kuwa Jabuuti ee howlgalka midowgga Africa ayaa ugu baaqay in ay sida ugu dhaqsiyaha badan uga guuraan dadka degan xeriyihii hore ee militariga magaalada Baladweyne.

12/26/2012 6:54 AM EST
Arbaco, December 26, 2012 (HOL) — Xidhibaannada Baarlamaanka Soomaaliya ayaa maanta diiday inay meel-mariyaan miisaaniyada ay xukuumaddu ku shaqeynayso sannadka soo socda ee 2013, taasoo uu baarlamaanku ka doodayay saddexdii maalmood ee lasoo dhaafay.

12/26/2012 6:35 AM EST
Arbaco, December 26, 2012 (HOL) — Maamulka gobolka Bay ee dowladda Soomaaliya ayaa xabsiga kasii daayay sarkaal u shaqeynayay hay'adda beeraha iyo cunnada adduunka ee FAO kaasoo muddo laabatan sano ah u xirnaa maamulka oo sheegay inay uga shakiyeen inuu gacan-saar la leeyahay Al-shabaab.

12/26/2012 5:53 AM EST
Arbaco, December 26, 2012 (HOL) — Guddida Diiwaan-gelinta ururada iyo ansixinta asxaabta, ayaa maanta si rasmi ah ugu dhawaaqay ururadda u gudbay xisbinimadda iyo ururada hadhay.

12/26/2012 5:51 AM EST
Arbaco, December 26, 2012 (HOL) — Wasiirka Maaliyadda Somaliland Mr:Cabdicasiis Maxamed Samaale ayaa maanta golaha wakiiladda u qaybiyey miisaaniyadda sanadkan 2013 oo uu sheegay inay tii sanadkii hore ka badan tahay 17%, isla markaana ay ku jirto mashaariic horumarineed oo dalka laga hirgalin doonno.

12/26/2012 4:39 AM EST
Arbaco, December 26, 2012 (HOL) — Ciidamo tiro badan oo ka tirsan Booliska Kenya ayaa lagu soo daadiyay xaafadda ay Soomaalidu ku badantahay ee Islii, waxayna ciidamadani dadka weydiinayaan sharci, iyagoona qabanaya qofkii aan sharci lahayn iyo weliba dadka wata sharciga qaxootiga.

12/26/2012 1:26 AM EST
Arbaco, December 26, 2012 (HOL) — Madaxweyne Xasan Sheekh Maxamuud oo dib ugu soo laabtay Muqdisho kaddib safarro uu ku tagay dallaka Kenya iyo Uganda ayaa sheegay in madaxda Kenya ay kala hadleen ilaalinta dadka Soomaaliyeed iyo hantidooda.

12/26/2012 1:11 AM EST
Arbaco, December 26, 2012 (HOL) — Dowladda Soomaaliya ayaa sheegtay inay caafis u fidinayso dhallinyarada kasoo goosta Ururka Al-shabaab, iyadoo dowladdu aysan sheegin muddo cayiman oo uu ku eg’yahay cafiska ay u fidinayso dagaalyahannada kasoo goosta Al-shabaab.