4/13/2021
Today from Hiiraan Online:  _
Wararka Maanta- Talaado, Dec 25, 2012
Ciidamada Dowladda Soomaaliya iyo kuwa Kenya oo isaga baxay deegaanka Buulo-Guduud ee Gobolka Jubbada Hoose


Talaado, December 25, 2012 (HOL) — Ciidamada Soomaaliya, kuwa Raaskabooni iyo ciidamada Kenya ayaa maanta isaga baxay deegaanka Buulo-guduud ee gobolka Jubbada Hoose oo maalin ka hor ay kala waregeen Al-shabaab, iyado saraakiisha u hadashay dowladda ay ka bixitaankaas ku sheegeen xeelad dagaal.

Xoogaggii Al-shabaab ee isaga baxay ayaa la sheegay inay dib ugu laabteen Buulo-guduud oo 30-km dhinaca waqooyi kaga beegan magaalada Kismaayo ee xarunta gobolka Jubbada Hoose.

"Deegaanka Buulo-guduud waxaa looga baxay xeelad dagaal, waana mid ay isku af-garteen saraakiisha dowladda iyo kuwa Kenya ee qaybta ka ah AMISOM," ayuu yiri Col. Cabdi Madoobe oo ka mid ah saraakiisha ciidamada dowladda ee ku sugan Jubbooyinka.

Sarkaalkan ayaa sheegay in ka bixitaankooda deegaankaas aanu ku iman dagaallo ka dhacay shalay halkaas, isagoo sheegay in xoogaggii Al-shabaab ee soo weeraray ay kaga dileen dagaalkaas ciidammo fara badan.

"Qorshaheennu waa inaan maalmaha soo socda gaarno deegaanno ay ka mid tahay degmada Jilib ee gobolka Jubbada dhexe, dib u gurashada aan sameynayna waa mid xeelad dagaal ah mana doonayo inaan faahfaahin dheeraad ah ka bixiyo," ayuu Col. Madoobe hadalkiisa ku daray.

Ciidamada dowladda Soomaaliya, kuwa Kenya iyo xoogagga Raaskambooni ayaa la wareegay maalin ka hor deegaanka Buulo-guduud kaddib markii ay Al-shabaab isaga baxday, mana jiro faahfaahin intaas ka baxsan oo caddeynaysa sababta ay halkaas uga baxeen.

Maxamed Xaaji Xuseen, Hiiraan Online
[email protected]
Muqdisho, Soomaaliya











Click here
12/25/2012 7:32 AM EST
Talaado, December 25, 2012 (HOL) — Dadweyne fara badan oo ay ku jireen arday ayaa maanta dibadbax ay uga soo horjeedaan muddo kororsiga madaxweynaha Puntland ka dhigay degmada Gaalkacyo ee xarunta gobolka Mudug, ku qaylinayay erayo ay uga soo horjeedaan muddo kororsiga xukuumadda.

12/25/2012 7:10 AM EST
Talaado, December 25, 2012 (HOL) — Wasaaradda Gaashaandhigga Mareykanka ayaa shaacisay inay sannadka soo socda ee 2013 ay tababarro siinayso ciidamada Kenya ee qaybta ka ah howgalka AMISOM ee ka socda Soomaaliya.

12/25/2012 6:32 AM EST
Talaado, December 25, 2012 (HOL) — Roobab dabeylo wata ayaa tan iyo xalay ksa da'ayay xeebaha Puntland, gaar ahaan deegaanka Bandar-bayla ee goboka Bari iyo deegaanka Eyl ee gobolka Nugaal, iyadoo dooni u rarnayd ganacsato Soomaaliyeed oo ku socotay Muqdisho ay saakay ku dagtay xeebaha gobolka Bari.

12/25/2012 3:48 AM EST
Talaado, December 25, 2012 (HOL) —Xarakada Al-shabaab ayaa sheegay in ciidamada dowladda Soomaaliya iyo kuwa Amisom ay ku fashilmeen sugidda amniga magaalada Muqdisho ee caasimadda dalka Soomaaliya.

12/25/2012 2:31 AM EST
Talaado, December 25, 2012 (HOL) — Muslimiinta dalka Kenya ayaa sheegay inay taageerayaan xilliga doorashada madaxnimo ee dalka Kenya, Raila Odinga oo uu isbahaysiga CORD u doortay inuu uga qaybgalo doorashada madaxnimo ee Kenya.

12/25/2012 2:05 AM EST
Talaado, December 25, 2012 (HOL) — Madaxweynaha Soomaaliya, Xasan Sheekh Maxamuud ayaa xalay la kulmay Soomaalida ku nool dalka Uganda, isagoo ka dalbaday inay dhaqaale ku taageeraan dowladdiisa si ay dalka uga saarto xilliga adag ee uu ku jiro.

12/25/2012 1:45 AM EST
Talaado, December 25, 2012 (HOL) — Wasiirka arrimaha gudaha iyo ammaanka Qaranka, C/kariin Xuseen Guuleed, taliyaha ciidanka booliiska, Jen. Shariif Sheekhunaa Maye iyo taliyaha nabadsugidda gobolka Banaadir, Col. Khaliif Axmed Ereg ayaa xalay kormeer ku maray degmooyin ku yaalla Muqdisho.