3/4/2021
Today from Hiiraan Online:  _
Wararka Maanta- Talaado, Dec 25, 2012
Roobab Dabeylo wata oo ka da'aya Deegaanno Puntland ka tirsan iyo Doon Ganacsi oo ku degtay Xeebaha Gobolka Bari


Talaado, December 25, 2012 (HOL) — Roobab dabeylo wata ayaa tan iyo xalay ksa da'ayay xeebaha Puntland, gaar ahaan deegaanka Bandar-bayla ee goboka Bari iyo deegaanka Eyl ee gobolka Nugaal, iyadoo dooni u rarnayd ganacsato Soomaaliyeed oo ku socotay Muqdisho ay saakay ku dagtay xeebaha gobolka Bari.

Goobjoogayaal ku sugan degmooyinkan ay dabeyluhu ku dhufteen ayaa sheegay in khasaare nafeed oo ay geysteen aysan jirin, waxaase ay sheegeen inuu jiro qof ku dhaawacmay degmada Eyl, kaddib markii ay dabeyluhu tuureen.

"Dabeylo roobab wata ayaa ka da'ay deegaanno ay ku yaalla Puntland oo ay ka mid yihiin Bandar-bayla iyo Baargaal, waxaana saakay ku dagtay meel ku dhow Bandar-beyla dooni u rarnayd ganacsato Soomaaliyeed oo laga leeyahay dalka Bakistaan, kana timid Dubai oo ku socotay Muqdisho," ayuu wasiirka kalluumeysiga iyo kheyraadka badda Puntland, Inj. Maxamed Faarax Aadan ku sheegay shir jaraa'id oo uu saxaafadda ugu qabtay magaalaa Boosaaso.

Wasiirku wuxuu sheegay in roobabku aysan geysan kahsaare nafeed balse ay yihiin kuwo xooggan, isagoo sidoo kale ugu baaqay dadka ku nool xeebaha Puntland inay feejinaan dheeraad ah sameeyaan caawa iyo berri oo laga yaabo inay duufaantu sii socoto.

Dabeylahan roobabka wata oo lagu magacaabo tropical cyclone (4) ayaa waxaa ka digay hay'ad saadaalisa cilimada oo fadhigeedu yahay dalka Mareykanka, iyadoo ay wararka qaarkood sheegayaan in duufaantan laga yaabo inay ku baahdo xeebaha Soomaaliya oo dhan.

"Xeebaha gobolka Bari intooda badan dadkii ku noolaa way isaga carareen si ay uga badbaadaan duufaanta, waayo waxay xusuustaan bad-gariirkii Tsunami oo dhibaato badan ka geysatay deegaannada ku yaalla xeebaha, gaar ahaan Puntland," ayuu yiri goobjooge ku sugan gobolka Bari.

Golaha wasiirada Soomaaliya ayaa ugu baaqay shacabka ku nool dhul xeebaha ah inay feejignaadaan, iyadoo la sheegayo in duufaantan ay wadato qabow aan horay loogu arag deegaannada ku yaalla xeebaha Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
12/25/2012 7:32 AM EST
Talaado, December 25, 2012 (HOL) — Dadweyne fara badan oo ay ku jireen arday ayaa maanta dibadbax ay uga soo horjeedaan muddo kororsiga madaxweynaha Puntland ka dhigay degmada Gaalkacyo ee xarunta gobolka Mudug, ku qaylinayay erayo ay uga soo horjeedaan muddo kororsiga xukuumadda.

12/25/2012 7:10 AM EST
Talaado, December 25, 2012 (HOL) — Wasaaradda Gaashaandhigga Mareykanka ayaa shaacisay inay sannadka soo socda ee 2013 ay tababarro siinayso ciidamada Kenya ee qaybta ka ah howgalka AMISOM ee ka socda Soomaaliya.

12/25/2012 7:00 AM EST
Talaado, December 25, 2012 (HOL) — Ciidamada Soomaaliya, kuwa Raaskabooni iyo ciidamada Kenya ayaa maanta isaga baxay deegaanka Buulo-guduud ee gobolka Jubbada Hoose oo maalin ka hor ay kala waregeen Al-shabaab, iyado saraakiisha u hadashay dowladda ay ka bixitaankaas ku sheegeen xeelad dagaal.

12/25/2012 3:48 AM EST
Talaado, December 25, 2012 (HOL) —Xarakada Al-shabaab ayaa sheegay in ciidamada dowladda Soomaaliya iyo kuwa Amisom ay ku fashilmeen sugidda amniga magaalada Muqdisho ee caasimadda dalka Soomaaliya.

12/25/2012 2:31 AM EST
Talaado, December 25, 2012 (HOL) — Muslimiinta dalka Kenya ayaa sheegay inay taageerayaan xilliga doorashada madaxnimo ee dalka Kenya, Raila Odinga oo uu isbahaysiga CORD u doortay inuu uga qaybgalo doorashada madaxnimo ee Kenya.

12/25/2012 2:05 AM EST
Talaado, December 25, 2012 (HOL) — Madaxweynaha Soomaaliya, Xasan Sheekh Maxamuud ayaa xalay la kulmay Soomaalida ku nool dalka Uganda, isagoo ka dalbaday inay dhaqaale ku taageeraan dowladdiisa si ay dalka uga saarto xilliga adag ee uu ku jiro.

12/25/2012 1:45 AM EST
Talaado, December 25, 2012 (HOL) — Wasiirka arrimaha gudaha iyo ammaanka Qaranka, C/kariin Xuseen Guuleed, taliyaha ciidanka booliiska, Jen. Shariif Sheekhunaa Maye iyo taliyaha nabadsugidda gobolka Banaadir, Col. Khaliif Axmed Ereg ayaa xalay kormeer ku maray degmooyin ku yaalla Muqdisho.