3/4/2021
Today from Hiiraan Online:  _
Wararka Maanta- Talaado, Dec 25, 2012
Al-shabaab oo sheegtay in ciidamada Dowladda Soomaaliya iyo AMISOM ay ku Fashilmeen Sugidda Amniga Muqdisho


Talaado, December 25, 2012 (HOL) —Xarakada Al-shabaab ayaa sheegay in ciidamada dowladda Soomaaliya iyo kuwa Amisom ay ku fashilmeen sugidda amniga magaalada Muqdisho ee caasimadda dalka Soomaaliya.

Gudoomiyaha gobolka Banaadir ee xarakada Al-shabaab Sheekh Cali Max’ed Xuseen (Cali Jabal) oo ka hadlay idaacadda ku hadasha afka Al-shabaab ee Andalus ayaa sheegay in ciidamada dowladda iyo kuwa AMISOM ay ku fashilmeen sugidda amniga xarumahooda muhiimka ah ee ku yaal magaalada Muqdisho.

Masuulkani ayaa sheegay in howlgallada ay ka fuliyaan Muqdisho ay yihiin kuwo xooggan islamarkaasina ay gudaha magaalada Muqdisho ka geysteen weerarro ay la beegsanayaan xarumaha dowladda iyo dilal qorsheysan oo ay u geysanayaan saraakiisha ciidamada dowladda.

"Villa Soomaaliya lagama hurdo, madaafiicda mujaahidiinta ayaa ku dhacda, cadawguna waa ku fashilmay Muqdisho,” ayuu masuulkani hadalkiisii raaciyay.

Sidoo kale waxa uu sheegay in ciidamadooda ay ku guuleysteen in ay madaafiic la beegsadaan xarunta madaxtooyada ee Villa Soomaaliya, arintaasoo uu xusay in ay cadeyn u tahay awooda ay ciidamadooda ku leeyihiin Muqdisho.

Hadalkan kasoo yeeray gudoomiyaha gobolka banaadir ee xarakada Al-shabaab ayaa kusoo beegmaya xilli habeenimadii jimcihii aynu soo dhaafnay ay xoogagga Al-shabaab madaafiic ku garaaceen nawaaxiga xarunta madaxtooyada ee Villa Soomaaliya.

Xasan Nuur, Hiiraan Online
[email protected]
Muqdisho, Soomaaliya













Click here
12/25/2012 7:32 AM EST
Talaado, December 25, 2012 (HOL) — Dadweyne fara badan oo ay ku jireen arday ayaa maanta dibadbax ay uga soo horjeedaan muddo kororsiga madaxweynaha Puntland ka dhigay degmada Gaalkacyo ee xarunta gobolka Mudug, ku qaylinayay erayo ay uga soo horjeedaan muddo kororsiga xukuumadda.

12/25/2012 7:10 AM EST
Talaado, December 25, 2012 (HOL) — Wasaaradda Gaashaandhigga Mareykanka ayaa shaacisay inay sannadka soo socda ee 2013 ay tababarro siinayso ciidamada Kenya ee qaybta ka ah howgalka AMISOM ee ka socda Soomaaliya.

12/25/2012 7:00 AM EST
Talaado, December 25, 2012 (HOL) — Ciidamada Soomaaliya, kuwa Raaskabooni iyo ciidamada Kenya ayaa maanta isaga baxay deegaanka Buulo-guduud ee gobolka Jubbada Hoose oo maalin ka hor ay kala waregeen Al-shabaab, iyado saraakiisha u hadashay dowladda ay ka bixitaankaas ku sheegeen xeelad dagaal.

12/25/2012 6:32 AM EST
Talaado, December 25, 2012 (HOL) — Roobab dabeylo wata ayaa tan iyo xalay ksa da'ayay xeebaha Puntland, gaar ahaan deegaanka Bandar-bayla ee goboka Bari iyo deegaanka Eyl ee gobolka Nugaal, iyadoo dooni u rarnayd ganacsato Soomaaliyeed oo ku socotay Muqdisho ay saakay ku dagtay xeebaha gobolka Bari.

12/25/2012 2:31 AM EST
Talaado, December 25, 2012 (HOL) — Muslimiinta dalka Kenya ayaa sheegay inay taageerayaan xilliga doorashada madaxnimo ee dalka Kenya, Raila Odinga oo uu isbahaysiga CORD u doortay inuu uga qaybgalo doorashada madaxnimo ee Kenya.

12/25/2012 2:05 AM EST
Talaado, December 25, 2012 (HOL) — Madaxweynaha Soomaaliya, Xasan Sheekh Maxamuud ayaa xalay la kulmay Soomaalida ku nool dalka Uganda, isagoo ka dalbaday inay dhaqaale ku taageeraan dowladdiisa si ay dalka uga saarto xilliga adag ee uu ku jiro.

12/25/2012 1:45 AM EST
Talaado, December 25, 2012 (HOL) — Wasiirka arrimaha gudaha iyo ammaanka Qaranka, C/kariin Xuseen Guuleed, taliyaha ciidanka booliiska, Jen. Shariif Sheekhunaa Maye iyo taliyaha nabadsugidda gobolka Banaadir, Col. Khaliif Axmed Ereg ayaa xalay kormeer ku maray degmooyin ku yaalla Muqdisho.