3/4/2021
Today from Hiiraan Online:  _
Wararka Maanta- Talaado, Dec 25, 2012
Muslimiinta Kenya oo shaaciyay inay xilliga doorashada codkooda siinayaan Ra'iisul Wasaaraha Kenya Raila Odinga


Talaado, December 25, 2012 (HOL) — Muslimiinta dalka Kenya ayaa sheegay inay taageerayaan xilliga doorashada madaxnimo ee dalka Kenya, Raila Odinga oo uu isbahaysiga CORD u doortay inuu uga qaybgalo doorashada madaxnimo ee Kenya.

Sheekh Maxamed Cismaan Wafaa oo hoggaaminayay xubnaha muslimiinta ah ee la kulmay Odinga ayaa sheegay inay kala hadleen arrimo ay ka mid yihiin, ammaanka, horumarinta khayraadka dalka iyo in dastuurka dalkaas lagu dhaqmo. Isagoo intaa ku daray in ra'iisul waasaruhu uu sheeagy inuu fulinayo dhammaan qodobbadii ay ka dalbadeen.

"Waxaanu guryaha muslimiinta Kenya u tagaynaa mid-mid, innagoo ka dalbanayna inay si buuxda u taageeraan Odinga," ayuu yiri Sheekh Warfaa oo intaas ku daray: "Ra'iisul wasaaruhu wuxuu ballanqaaday haddii uu geysto inuu ku shaqeyn doono si ay ku jirto cadaalad iyo sinnaan.

Odinga ayaa u ballanqaaday muslimiinta in xukuumaddiisu ay horumarin doonto deegaannada ay muslimiinta Kenya ku nool yihiin, sida Mandheera, Gaarisa, Tana-River, Mombasa iyo deegaannada kale, sidoo kalena wuxuu ballanqaaday inay ku noolaan doonaan nabadgalyo buuxda.

"Waxaan ballanqaadayaa inaan horumarin doono kaabayaasha dhaqaale ee gobolka Waqooyi-bari ee Kenya, aana u horseedi doono inuu noqdo gobol uu ka jiro ganacsi xoog leh, isla markaana laga heli karo fursado horumarineed oo kale," ayuu Odinga u sheegay muslimiintii uu la kulmay.

Kulankan dhexmaray muslimiinta Kenya iyo Raila Odinga ayaa waxaa goobjoog ka ahaa: guddoomiye ku xigeenka baarlamaanka Kenya, Faarax Macallin iyo xubno ka tirsan golaha wasiirrada Kenya oo ay ka mid yihiin: Xasan Jaho iyo Maxamuud Cilmi.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
12/25/2012 7:32 AM EST
Talaado, December 25, 2012 (HOL) — Dadweyne fara badan oo ay ku jireen arday ayaa maanta dibadbax ay uga soo horjeedaan muddo kororsiga madaxweynaha Puntland ka dhigay degmada Gaalkacyo ee xarunta gobolka Mudug, ku qaylinayay erayo ay uga soo horjeedaan muddo kororsiga xukuumadda.

12/25/2012 7:10 AM EST
Talaado, December 25, 2012 (HOL) — Wasaaradda Gaashaandhigga Mareykanka ayaa shaacisay inay sannadka soo socda ee 2013 ay tababarro siinayso ciidamada Kenya ee qaybta ka ah howgalka AMISOM ee ka socda Soomaaliya.

12/25/2012 7:00 AM EST
Talaado, December 25, 2012 (HOL) — Ciidamada Soomaaliya, kuwa Raaskabooni iyo ciidamada Kenya ayaa maanta isaga baxay deegaanka Buulo-guduud ee gobolka Jubbada Hoose oo maalin ka hor ay kala waregeen Al-shabaab, iyado saraakiisha u hadashay dowladda ay ka bixitaankaas ku sheegeen xeelad dagaal.

12/25/2012 6:32 AM EST
Talaado, December 25, 2012 (HOL) — Roobab dabeylo wata ayaa tan iyo xalay ksa da'ayay xeebaha Puntland, gaar ahaan deegaanka Bandar-bayla ee goboka Bari iyo deegaanka Eyl ee gobolka Nugaal, iyadoo dooni u rarnayd ganacsato Soomaaliyeed oo ku socotay Muqdisho ay saakay ku dagtay xeebaha gobolka Bari.

12/25/2012 3:48 AM EST
Talaado, December 25, 2012 (HOL) —Xarakada Al-shabaab ayaa sheegay in ciidamada dowladda Soomaaliya iyo kuwa Amisom ay ku fashilmeen sugidda amniga magaalada Muqdisho ee caasimadda dalka Soomaaliya.

12/25/2012 2:05 AM EST
Talaado, December 25, 2012 (HOL) — Madaxweynaha Soomaaliya, Xasan Sheekh Maxamuud ayaa xalay la kulmay Soomaalida ku nool dalka Uganda, isagoo ka dalbaday inay dhaqaale ku taageeraan dowladdiisa si ay dalka uga saarto xilliga adag ee uu ku jiro.

12/25/2012 1:45 AM EST
Talaado, December 25, 2012 (HOL) — Wasiirka arrimaha gudaha iyo ammaanka Qaranka, C/kariin Xuseen Guuleed, taliyaha ciidanka booliiska, Jen. Shariif Sheekhunaa Maye iyo taliyaha nabadsugidda gobolka Banaadir, Col. Khaliif Axmed Ereg ayaa xalay kormeer ku maray degmooyin ku yaalla Muqdisho.