3/4/2021
Today from Hiiraan Online:  _
Wararka Maanta- Talaado, Dec 25, 2012
Madaxweynaha Soomaaliya oo ka codsaday Soomaalida ku nool Uganda inay Dhaqaale ku taageeraan Dowladda


Talaado, December 25, 2012 (HOL) — Madaxweynaha Soomaaliya, Xasan Sheekh Maxamuud ayaa xalay la kulmay Soomaalida ku nool dalka Uganda, isagoo ka dalbaday inay dhaqaale ku taageeraan dowladdiisa si ay dalka uga saarto xilliga adag ee uu ku jiro.


Mudane Xasan Sheekh ayaa sheegay in dowladdu ay waddo qorshe ay amniga dib ugu soo celinayso sidoo kalena ay kula dagaalamayso musuqmaasuqa, wuxuuna ku boorriyay ganacsatada Soomaaliyeed ee Uganda ku nool inay gacan ka geysataan howlaha ay dowladdu dib ugu soo celinayso ammaanka iyo dib u dhiska dalka.

"Dhaqaalihii aad horay noogu soo dirteen waa nasoo gaareen, midka aad soo diri doontaanna waxaan rajeynaynaa inuu nasoo gaaro. Waxaa jira qorshe aan ku doonayno inaan ammaanka ku adkeyno, idinka ayaana la idinka doonayaa inaad  gacan ka geysataan," ayuu yiri madaxweyne Xasan Sheekh.

Sidoo kale, madaxweynuhu wuxuu sheegay in dowladiisu ay si adag ula dagaalami doonto musuqmaasuqa oo uu sheegay inuu ka mid yahay ceebaha ay Soomaalida leedahay, isagoo xusay in taasi ay dhiirri-gelin doonto dadka taageerada siinaya Soomaaliya.

"Dalku wuxuu u baahan yahay in nabadda la sugo si dadka doonaya inay caawiyaan Soomaalida ay fursad u helaan, sidoo kale waxaan la dagaalamaynaa musuqa oo ah dhibaato weyn oo Soomaaliya haysata," ayuu yiri madaxweyne Xasan.

Madaxweynaha ayaa dhanka kale, ku boorriyay dhallinyarada Soomaaliyeed ee wax ka barta dalka Uganda inay ku biiraan ciidamada dowladda si ay u noqdaan kuwo ka qaybqaata taariikhda la doonayo in dalka lagu samata-bixiyo, ayna ka fogaadaan in ay taageeraan kooxo iyo beelo.

"Ardayda wax-bartay ee gabdhaha iyo wiilasha leh waxaan ugu baaqaynaa inay ku biiraan ciidamada si ay qayb uga noqdaan fursadda taagan ee dalka lagu samata-bixinayo ayna qayb ka noqdaan dadka taariikhda reebaya," ayuu yiri Xasan Sheekh oo sheegay in dal aan ciidan lahayn uusan ka nabadgalayn hagar-daamooyin.

Madaxweynaha Soomaaliya ayaa shalay kula kulmay Kampala dhiggiisa iyagoo kawada hadlay xoojinta xiriirka labada dal iyo sidii howgallada AMISOM ay u noqon lahaayueen kuwo la dar-dar-geliyo.

Safarka madaxweyuhu uu ku tagay dalka Uganda ku wehliyana wasiirro ay ka mid yihiin, wasiiradda arrimaha dibada, wasiirka difaaca, wasiirka warfaafinta, wasiir u dowlaha madaxtooyada iyo xubno kale.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
12/25/2012 7:32 AM EST
Talaado, December 25, 2012 (HOL) — Dadweyne fara badan oo ay ku jireen arday ayaa maanta dibadbax ay uga soo horjeedaan muddo kororsiga madaxweynaha Puntland ka dhigay degmada Gaalkacyo ee xarunta gobolka Mudug, ku qaylinayay erayo ay uga soo horjeedaan muddo kororsiga xukuumadda.

12/25/2012 7:10 AM EST
Talaado, December 25, 2012 (HOL) — Wasaaradda Gaashaandhigga Mareykanka ayaa shaacisay inay sannadka soo socda ee 2013 ay tababarro siinayso ciidamada Kenya ee qaybta ka ah howgalka AMISOM ee ka socda Soomaaliya.

12/25/2012 7:00 AM EST
Talaado, December 25, 2012 (HOL) — Ciidamada Soomaaliya, kuwa Raaskabooni iyo ciidamada Kenya ayaa maanta isaga baxay deegaanka Buulo-guduud ee gobolka Jubbada Hoose oo maalin ka hor ay kala waregeen Al-shabaab, iyado saraakiisha u hadashay dowladda ay ka bixitaankaas ku sheegeen xeelad dagaal.

12/25/2012 6:32 AM EST
Talaado, December 25, 2012 (HOL) — Roobab dabeylo wata ayaa tan iyo xalay ksa da'ayay xeebaha Puntland, gaar ahaan deegaanka Bandar-bayla ee goboka Bari iyo deegaanka Eyl ee gobolka Nugaal, iyadoo dooni u rarnayd ganacsato Soomaaliyeed oo ku socotay Muqdisho ay saakay ku dagtay xeebaha gobolka Bari.

12/25/2012 3:48 AM EST
Talaado, December 25, 2012 (HOL) —Xarakada Al-shabaab ayaa sheegay in ciidamada dowladda Soomaaliya iyo kuwa Amisom ay ku fashilmeen sugidda amniga magaalada Muqdisho ee caasimadda dalka Soomaaliya.

12/25/2012 2:31 AM EST
Talaado, December 25, 2012 (HOL) — Muslimiinta dalka Kenya ayaa sheegay inay taageerayaan xilliga doorashada madaxnimo ee dalka Kenya, Raila Odinga oo uu isbahaysiga CORD u doortay inuu uga qaybgalo doorashada madaxnimo ee Kenya.

12/25/2012 1:45 AM EST
Talaado, December 25, 2012 (HOL) — Wasiirka arrimaha gudaha iyo ammaanka Qaranka, C/kariin Xuseen Guuleed, taliyaha ciidanka booliiska, Jen. Shariif Sheekhunaa Maye iyo taliyaha nabadsugidda gobolka Banaadir, Col. Khaliif Axmed Ereg ayaa xalay kormeer ku maray degmooyin ku yaalla Muqdisho.