4/11/2021
Today from Hiiraan Online:  _
Wararka Maanta- Isniin, Dec 24, 2012
Madaxweynaha Somalia iyo Wafdigii uu Hoggaaminayay ee ku sugnaa Dalka Kenya oo saakay u dhoofay Uganda


Isniin, December 24, 2012 (HOL) — Madaxweynaha Soomaaliya, Xasan Sheekh iyo wafdigii uu hoggaaminayay oo maalmahaan ku sugnaa magaalada Nairobi ee dalka Kenya ayaa saakay aroortii hore u dhoofay dalka Uganda, halkaasoo uu kula kulmi doono madaxweynaha dalka Uganda, Yoweri Museveni.

Safarka madaxweynaha ayaa waxaa ku wehliya xubno wasiirro ah oo ay ka mid yihiin: ra'iisul wasaare ku xigeenka ahna wasiirka arrimaha dibadda, Fowziyo Yuusuf Xaaji Aadan, wasiirka wafaafinta iyo isgaarsiinta, C/llaahi Ciilmooge Xirsi iyo xubno kale.

Madaxweynaha ayaa la sheegay inay u qorsehysan tahay inuu kala hadlo dhiggiisa dalka Uganda sidii loo xoojin lahaa howlgallada ay AMISOM kawaddo gudaha dalka Soomaaliya, maadaama ay ciidamada Uganda hoggaanka u hayaan howgalka hoos-taga Midowga Afrika ee Soomaaliya ka socda.

Socdaalkan oo aan la ogeyn inta maalmood ee uu qaadan doono ayaa noqonaya kii labaad oo madaxweyne Xasan Sheekh uu ku tago dalka Uganda tan iyo markii xilka loo doortay bishii September ee sannadkan.

Madaxweynaha Soomaaiya ayaa intii uu ku sugnaa dalka Kenya wuxuu kulammo la qaatay madaxda dalkaas oo uu ugu horreeyo madaxweynaha, isagoo kala hadlay xiriirka labada dal iyo sidii lagu dhameyn lahaa muranka ku aaddan sidii maamul loogu sameyn lahaa Jubbooyinka.

Wasiirka gaashaandhigga Soomaaliya, C/xakiin Maxamuud Xaaji Fiqi ayaa isagana lagu wadaa inuu booqdo magaalada Kampala ee xarunta dalka Uganda, isagoo kala hadli doona wasiirka gaashaandhigga dalkaas sidii loo xoojin lahaa howgallada looga horjeedo Al-shabaab.

Dowladda Uganda ayaa waxay dhowr bilood ka hor ku goodisay inay ciidamadeeda kala baxayso dalal ay ku jirto Soomaaliya kaddib markii ay ka caroodeen warbixin ay soo saareen guddi ka tirsan Qaramada Midoobay taasoo ku eedeysay xukuumadda Uganda inay taageeraan jabahadda M23 ee ka dagaalanta bariga dalka DR Congo.

Maxamed Xaaji Xuseen, Hiiraan Online
[email protected]
Muqdisho, Soomaaliya











Click here
12/24/2012 6:58 AM EST
Isniin, December 24, 2012 (HOL) — Garab ka mid ah jabhadda ONLF ayaa sheegay Axaddii shalay inay raadinayaan sidii ay wadahadallo nabadeed ula furan lahaayeen dowladda Itoobiya oo muddo ka badan 30-sano ay dagaal kula jireen.

12/24/2012 6:11 AM EST
Isniin, December 24, 2012 (HOL) — Xildhibaannada baarlamaanka Soomaaliya ayaa si weyn ugu kala aragti duwanaaday miisaaniyadda ay xukuumaddu ku shaqeynayso sannadka 2013, iyadoo xildhibaannadii hadlay qaarkood ay sheegeen inaan la faah-faahin miisaaniyadda.

12/24/2012 3:03 AM EST
Isniin, December 24, 2012 (HOL) —Dhaqdhaqaaqyo ciidan iyo xiisado dagaal ayaa lagu soo waramayaa in ay maanta ka taaganyihiin deegaano dhowr ah oo hoostaga degmada Kismaayo, halkaasoo ay ku suganyihiin xoogagga Al-shabaab.

12/24/2012 2:06 AM EST
Isniin, December 24, 2012 (HOL) — Shabakadda Accu-Weather oo ka faalloota saadaasha hawada oo saldhiggeedu yahay dalka Mareykanka ayaa shaacisay in gellinka dambe maanta oo Isniin ah ay duufaanno roobab wata ku dhufanayaan deegaanno ku yaalla bariga Soomaaliya.

12/24/2012 1:49 AM EST
Isniin, December 24, 2012 (HOL) — Waxaa xalay fiidkii xarunta maamulka Puntland ee Garoowe lagu toogtey sarkaal ka tirsanaa ciidamada Booliska, laguna magacaabi jirey Cabdilaahi Xuseen (Gaal-dile).

12/24/2012 1:30 AM EST
Isniin, December 24, 2012 (HOL) — Wasiirka arrimaha gudaha iyo amniga Qaranka, C/kariin Xuseen Guuleed iyo taliyaha booliiska Soomaaliya, Jen. Shariif Sheekhunaa Maye oo ay wehliyaan saraakiil ka tirsan ciidamada ammaanka Soomaaliya ayaa xalay booqday saldhigyo ku yaalla degmooyin ka tirsan gobolka Banaadir.