3/4/2021
Today from Hiiraan Online:  _
Wararka Maanta- Axad, Dec 23, 2012
Isbaheysiga Nabada Soomaaliya oo Madaxweynaha Soomaaliya ku eedeeyay in uusan Kenya kala hadlin Xaaladda Jubbooyinka



Axad, December 23, 2012 (HOL) — Isbaheysiga Nabadda Soomaaliya ayaa warsaxaafadeed uu soo saaray maanta eedeyn ugu jeediyay madaxweynaha Soomaaliya, isagoo ku eedeeyay inuusan dowladda Kenya kala hadlin arrimaha gobollada Jubbooyinka.

Warsaxaafadeedka ayaa lagu sheegay in dadka Soomaaliyeed ay rajo ka qabeen in hoggaanka dowladdu cusub ay la imaanayaan isbedel, balse nasiib-darro ma dhicin taas, waxayna madaxda la yimaadeen dib-u-dhac iyadoo dhisay xukuumad ka kooban 35-wasiir, halkii ay markii hore ku andocoodeen inay yareynayaan tirada golaha wasiirada.

"Madaxda dowladdu waxay yiraahdeen golaha wasiirrada waa lasoo koobayaa; laakiin waxba ma yareyn waayo xukuumaddii hore waxay ahayd 36-wasiir tana waa 35 waxbanaha isma dhaamaan," ayuu yiri guddoomiyaha isbahaysiga nabadda Soomaaliya, C/llaahi Sheekh Xasan.

Guddoomiyaha isbahaysigan ayaa shirkiisa jaraa'id kaga hadlay arrimo ay ka mid yihiin amaanka iyo siyaasadda arrimaha dibadda ee dowladda Soomaaliya, isagoo sheegay in guud ahaan ammaanka dalka uu gacanta kasii baxayo ayna muuqato amni-xumo halkii ugu sareysay 12-kii sano ee ugu dambeeyay. Isagoo sheegay in taasi ay daliil u tahay in shacabka ku nool gobollada ay dowladdu ka taliso ay maalin walba ka cabanayaan amni-darro iyo xad-gudubyo xuquuqul-insaanka ka dhan ah, iyadoo xukuumadduna aysan waxba ka qaban cabashada shacabka, waxayna xitaa awoodi wayday buu yiri inay sugto amniga madaxtooyada Qaranka oo maalin kasta madaafiic lagu weeraro.

Sidoo kale, wuxuu sheegay inay aad uga xun yihiin in madaxweynuhu sheegay in dowladda Kenya uu heshiis la galay isagoo aan kala hadlin xaalada murugsan ee Kismaayo iyo dhibaatada ay Soomaalidu kala kulmaan safarka ay ku tagayaan dalka Kenya, iyadoo lasii marsiiyo xero militari oo ku taalla degmada Wajeer.

"Waa arrin xad-gudub ku ah sharafta iyo karaamada dadka Soomaaliyeed in baaritaan lagu sameeyo marka ay u socdaan Nairobi, iyadoo 20/12/2012 xildhibaanno Soomaliyeed lagu xir-xiray garoonka diyaaradaha ee Jomo Kenyatta. Iyadoo aan ognahay in dadka Kenya u dhashay dalk ku galka ama fiisada lagu siiyo garoonka diyaaradaha ee Muqdisho iyadoo aan wax shuruud ah lagu xirin," ayuu yiri C/llaahi Sheekh oo ka hadlayay siyaasadda arrimaha dibadda ee dowladda Soomaaliya.

Guddoomiyaha isbahaysiga nabadda ayaa intaa ku daray in madaxweyne Xasan Sheekh uu ogolaaday in Soomaaliya lagu soo celiyo qaxootiga ku sugan dalka Kenya iyadoo aanay jirin wax qorshe ah oo ay dowladdu u dejisay.

"Waa wax wanaagsan in qaxootiga lagu soo celiyo dalkooda; hase ahaatee kuwii halkaan ku barakacsanaa ayay gaajo haysaa oo lagu fashilan yahay in dib u dejin loo sameeyo, kuwa Kenya laga soo celineyso maxaa qorshe ah oo ay heysaa dowladu?" ayuu guddoomiyaha isbahaysiga nabaddu isweydiiyay.

Dhinaca kale, guddoomiyaha isbaheysiga nabadda Soomaaliya ayaa sheegay in heshiiska madaxweynaha Soomaaliya uu la galay dhiggiisa Kenya aan lagu xusin qaabka loo wajahayo xaaladda ka jirta magaalada Kismaayo iyo cidda xaqa u leh inay hormuud ka noqoto maamul u sameynteeda.

"Waxaa socda qorshe maxkamdda sare ee dalka loogu magacaabayo guddoomiye cusub, waxaan ka digeynaa in xilkaas loo dhiibo mas'uul ka tirsan xisbiga madaxweynaha ee hadda madaxda dowladdu ay u badan yihiin, waxaa loo baahan yahay in xilkaas uu qabto qof sharciga daacad u ah oo cadaaladda ilaaliya ee aan loo dhiibin qof cid gaar ah maslaxaddeedda ka shaqeynaya," ayuu yiri C/llaahi Sheekh Xasan, isagoo baarlamaanka Soomaaliya ku dhaliilay inay iska ansixiyaan wax walba oo ay xukuumaddu la timaado iyagoo aan wax badan eegin.

Ugu dambeyn, guddoomiyaha isbahaysiga nabadda Soomaaliya ayaa kusoo gabgabeeyay warsaxaafadeedkiisa in isbahaysigiisa uu yahay mucaarad aan hubeysnayn ayna ka go'an tahay inuu muujiyo dhaliilaha dowladda Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
12/23/2012 1:33 PM EST
Axad, December 23, 2012 (HOL) — Maamulka Puntland ayaa dhowr nabaddoon xabsiga dhigay, kuwaasoo qorsheynaya inay magaalada Garoowe ee xarunta Puntland ku qabtaan shir ay uga arrinsanayaan xaaladda ay Puntland marayso.

12/23/2012 12:54 PM EST
Axad, December 23, 2012 (HOL) — Golaha Wasiiradda Somaliland ayaa shalay ansixiyey Miisaaniyadda sanadka soo socda oo ay sheegeen inay ka badan tahay miisaaniyadii sanadkii hore.

12/23/2012 12:13 PM EST
Axad, December 23, 2012 (HOL) — Markabka MV-iceberg oo muddo 3 sano ku dhow ku jirey gacanta burcad-badeedka Soomaalida, islamarkaana ay labadii todobaad ee ugu danbeeyey ciidamada badda ee Puntland ku hareeraysnaayeen, ayaa maanta lagu guuleystey in lasoo furto.

12/23/2012 12:05 PM EST
Axad, December 23, 2012 (HOL) —Golaha Deegaanka ee magaalada Hargeysa oo maanta yeeshay kalfadhigoodii u horreeyay ayaa ku doortay maayarkii guddoomiyihii iyo guddoomiye ku xigeenkii Hargeysa.

12/23/2012 10:30 AM EST
Axad, December 23, 2012 (HOL) — Shirkan oo ka dhacay magaalada Kampala ee dalka Uganda islamarkaasina ahaa mid xildhibaanada haweenka baarlamanka Soomaaliya ay ku doonayeen in ay ku sameystaan isbaheysi gaar ah oo ka shaqeeya danahooda ayaa waxa lagu soo gabagabeeyay magaalada Kampala ee dalka Uganda.

12/23/2012 8:23 AM EST
Axad, December, 23, 2012 (HOL) -- Wafdi ka socday hay’adaha samafalka caalamiga ah ee QM ayaa maanta booqday magaalada Baladweyne, iyaga oo sheegay in ay siweyn u daneynayaan sidii ay xafiisyo uga furan lahaayeen magaalada.

12/23/2012 6:04 AM EST
Axad, December 23, 2012 (HOL) —Kulan looga hadlayay sidii wax looga qaban lahaa xaaladda ammaan ee degmada Dayniile ayaa gudaha degmadaasi maanta ku dhexmaray masuuliyiinta maamulka degmada iyo weliba saraakiisha dhanka ammaanka ee gobolka Banaadir.

12/23/2012 5:09 AM EST
Axad, December 23, 2012 (HOL) — Wasiirka gaashaandhigga Soomaaliya, C/xakiim Maxamuud Xaaji Fiqi oo ay wehliyaan saraakiil ka tirsan ciidamada xoogga dalka ayaa maanta oo Axad safar shaqo ugu ambabaxay dalalka Kenya iyo Uganada oo ay ciidammo ka joogaan Soomaaliya si uu ula kulmo wasiirrada difaaca dalalkaas.

12/23/2012 3:37 AM EST
Axad, December 23, 2012 (HOL) — Wararka aynu ka heleyno deegaanka Buulogaduud oo qiyaastii 30KM dhanka waqooyi uga began magaalada Kismaayo ayaa sheegaya in saaka xaaladda deegaankaasi ay tahay mid dagan, wallow ay xalay ka dhaceen duqeymo culus oo ay is weeydaarsanayeen ciidamada huwanta ah iyo Al-shabaab.

12/23/2012 1:57 AM EST
Axad, December 23, 2012 (HOL) — Madaxweynaha Soomaaliya, Xasan Sheekh Maxamuud oo booqasho ku tagay dalka Kenya ayaa shalay gallinkii dambe kulan la yeeshay jaaliyadda Soomaaliyeed ee ku nool Nairobi, isagoo ku boorriyay inay la shaqeeyaan laamaha ammaanka ee Kenya si loo sugo ammaanka.

12/23/2012 1:57 AM EST
Axad, December 23, 2012 (HOL) — Ra'iisul wasaaraha dalka Kenya, Raila Odinga ayaa magacaabay Ibraahim Axmed Rashiid la-taliyihiisa dhinaca siyaasadda ee arrimaha Soomaaliya, isagoo sheegay in xaaladda Soomaaliya ay tahay midda ugu adag xilligan gobolka.