3/4/2021
Today from Hiiraan Online:  _
Wararka Maanta- Axad, Dec 23, 2012
Golaha Wasiiradda Somaliland oo ansixiyey miisaaniyadda sanadka 2013 ka


Axad, December 23, 2012 (HOL) — Golaha Wasiiradda Somaliland ayaa shalay ansixiyey Miisaaniyadda sanadka soo socda oo ay sheegeen inay ka badan tahay miisaaniyadii sanadkii hore.

Shirkan golaha wasiiradda waxa shirgudoominayey madaxweynaha Somaliland Md: Axmed Maxamed Maxamuud Siillaanyo, waxaana cod loo qaaday miisaaniyadda in dib loo celiyo iyo in la ansixiyo, waxaanay wasiiraddu isku raaceen in la ansixiyo, isla markaaana loo gudbiyo golaha wakiiladda.

"Shirkan aan caadiga ahayn waxa lagu ansixiyey siyaasada Miisaaniyadda Qaranka iyo waliba Miisaaniyadda sanadka 2013-ka, taasi oo hore Madaxwaynuhu ugu saaray guddi wasiirro ah oo tallo ka keena siyaaasada iyo qaabka miisaaniyadda, kuwaasi oo keenay golaha,"ayuu yidhi Afhayeenka madaxtooyadda Axmed Saleebaan Dhuxul.

Afhayeenku isago sharaxaya faraqa u dhexeeya miisaaniyadii sanadkii hore iyo ta sanadka soo socda waxa uu yidhi "Wasiirka Maaliyadu waxa uu golaha Wasiirrada hortooda ka caddeeyay in Miisaaniyadda 2012-ka oo ahayd 106 Milyan ay sidoodii ugu soo xeroodeen, Miisaaniyadda sanadka 2013-kuna waa 125 Milyan oo dollar, waxayna Miisaaniyadii hore ka badan tahay 17%."

Afhayeenka ayaa sheegay in miisaaniyadan ay ku jiraan mashaariic farobadan oo dalka laga hirgalin doono, waxaanu sheegay in tii sanadkiii hore ee 2012 ka badan tahay 17%, halka miisaaniyadii 2010 ee xukuumaddii madaxweyne Rayaalana ka badan tahay 140%.

Miisaaniyadan ayaa loo gudbin doonnaa golaha Wakiiladda, kuwaas oo qiimeyn doono wax ka bedelna ku samayn doona ama sideedda ku ansixin doonna, isla markaana waxay wax ka waydiin doonnaan wasiirka maaliyadda qaabka uu u qorsheeyey miisaaniyadda.

Barkhad-Ladiif M. Cumar, Hiiraan Online
[email protected]
Hargeysa, Somaliland













Click here
12/23/2012 1:33 PM EST
Axad, December 23, 2012 (HOL) — Maamulka Puntland ayaa dhowr nabaddoon xabsiga dhigay, kuwaasoo qorsheynaya inay magaalada Garoowe ee xarunta Puntland ku qabtaan shir ay uga arrinsanayaan xaaladda ay Puntland marayso.

12/23/2012 12:54 PM EST
Axad, December 23, 2012 (HOL) — Isbaheysiga Nabadda Soomaaliya ayaa warsaxaafadeed uu soo saaray maanta eedeyn ugu jeediyay madaxweynaha Soomaaliya, isagoo ku eedeeyay inuusan dowladda Kenya kala hadlin arrimaha gobollada Jubbooyinka.

12/23/2012 12:13 PM EST
Axad, December 23, 2012 (HOL) — Markabka MV-iceberg oo muddo 3 sano ku dhow ku jirey gacanta burcad-badeedka Soomaalida, islamarkaana ay labadii todobaad ee ugu danbeeyey ciidamada badda ee Puntland ku hareeraysnaayeen, ayaa maanta lagu guuleystey in lasoo furto.

12/23/2012 12:05 PM EST
Axad, December 23, 2012 (HOL) —Golaha Deegaanka ee magaalada Hargeysa oo maanta yeeshay kalfadhigoodii u horreeyay ayaa ku doortay maayarkii guddoomiyihii iyo guddoomiye ku xigeenkii Hargeysa.

12/23/2012 10:30 AM EST
Axad, December 23, 2012 (HOL) — Shirkan oo ka dhacay magaalada Kampala ee dalka Uganda islamarkaasina ahaa mid xildhibaanada haweenka baarlamanka Soomaaliya ay ku doonayeen in ay ku sameystaan isbaheysi gaar ah oo ka shaqeeya danahooda ayaa waxa lagu soo gabagabeeyay magaalada Kampala ee dalka Uganda.

12/23/2012 8:23 AM EST
Axad, December, 23, 2012 (HOL) -- Wafdi ka socday hay’adaha samafalka caalamiga ah ee QM ayaa maanta booqday magaalada Baladweyne, iyaga oo sheegay in ay siweyn u daneynayaan sidii ay xafiisyo uga furan lahaayeen magaalada.

12/23/2012 6:04 AM EST
Axad, December 23, 2012 (HOL) —Kulan looga hadlayay sidii wax looga qaban lahaa xaaladda ammaan ee degmada Dayniile ayaa gudaha degmadaasi maanta ku dhexmaray masuuliyiinta maamulka degmada iyo weliba saraakiisha dhanka ammaanka ee gobolka Banaadir.

12/23/2012 5:09 AM EST
Axad, December 23, 2012 (HOL) — Wasiirka gaashaandhigga Soomaaliya, C/xakiim Maxamuud Xaaji Fiqi oo ay wehliyaan saraakiil ka tirsan ciidamada xoogga dalka ayaa maanta oo Axad safar shaqo ugu ambabaxay dalalka Kenya iyo Uganada oo ay ciidammo ka joogaan Soomaaliya si uu ula kulmo wasiirrada difaaca dalalkaas.

12/23/2012 3:37 AM EST
Axad, December 23, 2012 (HOL) — Wararka aynu ka heleyno deegaanka Buulogaduud oo qiyaastii 30KM dhanka waqooyi uga began magaalada Kismaayo ayaa sheegaya in saaka xaaladda deegaankaasi ay tahay mid dagan, wallow ay xalay ka dhaceen duqeymo culus oo ay is weeydaarsanayeen ciidamada huwanta ah iyo Al-shabaab.

12/23/2012 1:57 AM EST
Axad, December 23, 2012 (HOL) — Madaxweynaha Soomaaliya, Xasan Sheekh Maxamuud oo booqasho ku tagay dalka Kenya ayaa shalay gallinkii dambe kulan la yeeshay jaaliyadda Soomaaliyeed ee ku nool Nairobi, isagoo ku boorriyay inay la shaqeeyaan laamaha ammaanka ee Kenya si loo sugo ammaanka.

12/23/2012 1:57 AM EST
Axad, December 23, 2012 (HOL) — Ra'iisul wasaaraha dalka Kenya, Raila Odinga ayaa magacaabay Ibraahim Axmed Rashiid la-taliyihiisa dhinaca siyaasadda ee arrimaha Soomaaliya, isagoo sheegay in xaaladda Soomaaliya ay tahay midda ugu adag xilligan gobolka.