3/7/2021
Today from Hiiraan Online:  _
Wararka Maanta- Axad, Dec 23, 2012
Ciidamada Badda Maamulka Puntland oo Maanta xoog kusoo furtay Markabka MV Iceberg iyo Shaqaalihii Saarnaa


Axad, December 23, 2012 (HOL) — Markabka MV-iceberg oo muddo 3 sano ku dhow ku jirey gacanta burcad-badeedka Soomaalida, islamarkaana ay labadii todobaad ee ugu danbeeyey ciidamada badda ee Puntland ku hareeraysnaayeen, ayaa maanta lagu guuleystey in lasoo furto.

Ciidamada badda ee Puntland ayaa dhowr mar oo hore isku dayey in ay markabkan xoog kusoo furtaan, waxaana iyaga iyo kooxda uu markabku u qafaalnaa dhex maray dagaal sababay dhimashada ugu yaraan 5 qof iyo dhaawaca tiro intaas ka badan.

Taliska ciidamada badda Puntland ayaa shaaciyey warka la xiriira soo furashada markabkan, waxayna intaas raaciyeen in sidoo kale lasoo badbaadiyey dhamaan shaqaalihiii saarnaa, xaaladooduna ay wanaagsantahay, inkasta oo jir dil iyo nafaqo darro ay ka muuqdaan.

Lama oga in arintan wada hadal laga galay iyo in kooxdii burcad-badeedka ahaa ee uu markabkaasi gacanta ugu jirey ay wax madax furasho ah qaateen, mana jiro wax war ah oo arintaas ku aadan oo kasoo baxay dhinaca tasliska ciidamada badda.

MV ICEBERG-1 oo uu ka dul babanayo calanka dalka Panama, islamarkaana laga leeyahay dalka Imaaraadka Carabta, wuxuu gacanta burcad-badeedka Soomaalida galay bishii Maarso ee sanadkii 2010, waxaana saaran 22 badmaax oo u kala dhashay dalalka: Sudan, Yemen, Ghana, Pakistan, Philippines iyo India.

Waana markii ugu horeysey tan iyo markii la asaasay ay ciidamada badda ee Puntland ay xoog kusoo furtaan markab ay burcad-badeedku madax furasho ahaan u haysteen, waxaana xusid mudan in weli deegaano ka tirsan Puntland lagu haysto maraakiib kale oo dhowr ah.

Maxamed Salaad Xaaji Dirir, Hiiraan Online
[email protected]
Puntland, Soomaaliya













Click here
12/23/2012 1:33 PM EST
Axad, December 23, 2012 (HOL) — Maamulka Puntland ayaa dhowr nabaddoon xabsiga dhigay, kuwaasoo qorsheynaya inay magaalada Garoowe ee xarunta Puntland ku qabtaan shir ay uga arrinsanayaan xaaladda ay Puntland marayso.

12/23/2012 12:54 PM EST
Axad, December 23, 2012 (HOL) — Isbaheysiga Nabadda Soomaaliya ayaa warsaxaafadeed uu soo saaray maanta eedeyn ugu jeediyay madaxweynaha Soomaaliya, isagoo ku eedeeyay inuusan dowladda Kenya kala hadlin arrimaha gobollada Jubbooyinka.

12/23/2012 12:54 PM EST
Axad, December 23, 2012 (HOL) — Golaha Wasiiradda Somaliland ayaa shalay ansixiyey Miisaaniyadda sanadka soo socda oo ay sheegeen inay ka badan tahay miisaaniyadii sanadkii hore.

12/23/2012 12:05 PM EST
Axad, December 23, 2012 (HOL) —Golaha Deegaanka ee magaalada Hargeysa oo maanta yeeshay kalfadhigoodii u horreeyay ayaa ku doortay maayarkii guddoomiyihii iyo guddoomiye ku xigeenkii Hargeysa.

12/23/2012 10:30 AM EST
Axad, December 23, 2012 (HOL) — Shirkan oo ka dhacay magaalada Kampala ee dalka Uganda islamarkaasina ahaa mid xildhibaanada haweenka baarlamanka Soomaaliya ay ku doonayeen in ay ku sameystaan isbaheysi gaar ah oo ka shaqeeya danahooda ayaa waxa lagu soo gabagabeeyay magaalada Kampala ee dalka Uganda.

12/23/2012 8:23 AM EST
Axad, December, 23, 2012 (HOL) -- Wafdi ka socday hay’adaha samafalka caalamiga ah ee QM ayaa maanta booqday magaalada Baladweyne, iyaga oo sheegay in ay siweyn u daneynayaan sidii ay xafiisyo uga furan lahaayeen magaalada.

12/23/2012 6:04 AM EST
Axad, December 23, 2012 (HOL) —Kulan looga hadlayay sidii wax looga qaban lahaa xaaladda ammaan ee degmada Dayniile ayaa gudaha degmadaasi maanta ku dhexmaray masuuliyiinta maamulka degmada iyo weliba saraakiisha dhanka ammaanka ee gobolka Banaadir.

12/23/2012 5:09 AM EST
Axad, December 23, 2012 (HOL) — Wasiirka gaashaandhigga Soomaaliya, C/xakiim Maxamuud Xaaji Fiqi oo ay wehliyaan saraakiil ka tirsan ciidamada xoogga dalka ayaa maanta oo Axad safar shaqo ugu ambabaxay dalalka Kenya iyo Uganada oo ay ciidammo ka joogaan Soomaaliya si uu ula kulmo wasiirrada difaaca dalalkaas.

12/23/2012 3:37 AM EST
Axad, December 23, 2012 (HOL) — Wararka aynu ka heleyno deegaanka Buulogaduud oo qiyaastii 30KM dhanka waqooyi uga began magaalada Kismaayo ayaa sheegaya in saaka xaaladda deegaankaasi ay tahay mid dagan, wallow ay xalay ka dhaceen duqeymo culus oo ay is weeydaarsanayeen ciidamada huwanta ah iyo Al-shabaab.

12/23/2012 1:57 AM EST
Axad, December 23, 2012 (HOL) — Madaxweynaha Soomaaliya, Xasan Sheekh Maxamuud oo booqasho ku tagay dalka Kenya ayaa shalay gallinkii dambe kulan la yeeshay jaaliyadda Soomaaliyeed ee ku nool Nairobi, isagoo ku boorriyay inay la shaqeeyaan laamaha ammaanka ee Kenya si loo sugo ammaanka.

12/23/2012 1:57 AM EST
Axad, December 23, 2012 (HOL) — Ra'iisul wasaaraha dalka Kenya, Raila Odinga ayaa magacaabay Ibraahim Axmed Rashiid la-taliyihiisa dhinaca siyaasadda ee arrimaha Soomaaliya, isagoo sheegay in xaaladda Soomaaliya ay tahay midda ugu adag xilligan gobolka.