3/4/2021
Today from Hiiraan Online:  _
Wararka Maanta- Axad, Dec 23, 2012
Golaha Deegaanka ee Magaalada Hargeysa oo Maanta Doortay Guddoomiye iyo Guddoomiye ku xigeen


Axad, December 23, 2012 (HOL) —Golaha Deegaanka ee magaalada Hargeysa oo maanta yeeshay kalfadhigoodii u horreeyay ayaa ku doortay maayarkii guddoomiyihii iyo guddoomiye ku xigeenkii Hargeysa.

Golaha deegaanka ee cusub oo saaka aroortii hore fadhi ay yesheen lagu dhaariyey, isla markaana ku doorteen Eng: Yuusuf Warsame Siciid inuu noqdo maayir, halka ku xigeenna loo doortay Cabdicasiis Maxamed (Cago weyne), waxaana fadhigaasi ka soo xaadiray 15 xildhibaan oo ka mid ah 25 xildhibaan ee goluhu ka kooban yahay, halka toban xildhibaana aanay ka soo qaybgalin shirkaasi.

Maayarkan cusub ee magaaladda Hargaysi yeelatay Eng: Yuusuf Warsame Siciid ayaa ka soo baxay xisbiga taladda haya e KULMIYE, halka ku xigeenkiisa Cabdicasiis Cago weyne ka soo baxay xisbiga UCID, manay jirin labadan masuul cidda kula tartantay xilalkan loo doortay.

Tobankii xildhibaan ee aan kal fadhigaasi golaha deegaanka yeeshaan aan ka soo qaybgalin ayaa iyaguna gaarkooda u abaabulayo inay yeeshaan shir ay ku diidayaan doorashadaasi.

Si kastaba ha ahaatee maayarkan cusub ayaa bedeli doonaa maayarkii hore oo toban sanno magaaladda ka ahaa maayir, kaas oo aan marnaba aanay bedelin golihii deegaankiisu, isagoo noqonayaa maayarka ugu mudadda dheeraa maayaridda dalka.

Sidoo kale, golaha deegaanka ee Degmadda Ceerigaabo ee gobolka Sanaag oo lagu celiyey kalfadhigii ay ku dooran lahaayeen maayar iyo maayir ku xigeenk ayaa maanta mar kale dib uga qabsomay hoolka shirarka ee dawladda hoose ee magaaladasi, waxaanay dib usoo doorteen maayarka Ceerigaabo Ismaaciil Xaaji Nuur, halka ku xigeenna loo doortay Salaax Ismaaciil Cabaas.

Barkhad-Ladiif M. Cumar, Hiiraan Online
[email protected]
Hargeysa, Somaliland













Click here
12/23/2012 1:33 PM EST
Axad, December 23, 2012 (HOL) — Maamulka Puntland ayaa dhowr nabaddoon xabsiga dhigay, kuwaasoo qorsheynaya inay magaalada Garoowe ee xarunta Puntland ku qabtaan shir ay uga arrinsanayaan xaaladda ay Puntland marayso.

12/23/2012 12:54 PM EST
Axad, December 23, 2012 (HOL) — Isbaheysiga Nabadda Soomaaliya ayaa warsaxaafadeed uu soo saaray maanta eedeyn ugu jeediyay madaxweynaha Soomaaliya, isagoo ku eedeeyay inuusan dowladda Kenya kala hadlin arrimaha gobollada Jubbooyinka.

12/23/2012 12:54 PM EST
Axad, December 23, 2012 (HOL) — Golaha Wasiiradda Somaliland ayaa shalay ansixiyey Miisaaniyadda sanadka soo socda oo ay sheegeen inay ka badan tahay miisaaniyadii sanadkii hore.

12/23/2012 12:13 PM EST
Axad, December 23, 2012 (HOL) — Markabka MV-iceberg oo muddo 3 sano ku dhow ku jirey gacanta burcad-badeedka Soomaalida, islamarkaana ay labadii todobaad ee ugu danbeeyey ciidamada badda ee Puntland ku hareeraysnaayeen, ayaa maanta lagu guuleystey in lasoo furto.

12/23/2012 10:30 AM EST
Axad, December 23, 2012 (HOL) — Shirkan oo ka dhacay magaalada Kampala ee dalka Uganda islamarkaasina ahaa mid xildhibaanada haweenka baarlamanka Soomaaliya ay ku doonayeen in ay ku sameystaan isbaheysi gaar ah oo ka shaqeeya danahooda ayaa waxa lagu soo gabagabeeyay magaalada Kampala ee dalka Uganda.

12/23/2012 8:23 AM EST
Axad, December, 23, 2012 (HOL) -- Wafdi ka socday hay’adaha samafalka caalamiga ah ee QM ayaa maanta booqday magaalada Baladweyne, iyaga oo sheegay in ay siweyn u daneynayaan sidii ay xafiisyo uga furan lahaayeen magaalada.

12/23/2012 6:04 AM EST
Axad, December 23, 2012 (HOL) —Kulan looga hadlayay sidii wax looga qaban lahaa xaaladda ammaan ee degmada Dayniile ayaa gudaha degmadaasi maanta ku dhexmaray masuuliyiinta maamulka degmada iyo weliba saraakiisha dhanka ammaanka ee gobolka Banaadir.

12/23/2012 5:09 AM EST
Axad, December 23, 2012 (HOL) — Wasiirka gaashaandhigga Soomaaliya, C/xakiim Maxamuud Xaaji Fiqi oo ay wehliyaan saraakiil ka tirsan ciidamada xoogga dalka ayaa maanta oo Axad safar shaqo ugu ambabaxay dalalka Kenya iyo Uganada oo ay ciidammo ka joogaan Soomaaliya si uu ula kulmo wasiirrada difaaca dalalkaas.

12/23/2012 3:37 AM EST
Axad, December 23, 2012 (HOL) — Wararka aynu ka heleyno deegaanka Buulogaduud oo qiyaastii 30KM dhanka waqooyi uga began magaalada Kismaayo ayaa sheegaya in saaka xaaladda deegaankaasi ay tahay mid dagan, wallow ay xalay ka dhaceen duqeymo culus oo ay is weeydaarsanayeen ciidamada huwanta ah iyo Al-shabaab.

12/23/2012 1:57 AM EST
Axad, December 23, 2012 (HOL) — Madaxweynaha Soomaaliya, Xasan Sheekh Maxamuud oo booqasho ku tagay dalka Kenya ayaa shalay gallinkii dambe kulan la yeeshay jaaliyadda Soomaaliyeed ee ku nool Nairobi, isagoo ku boorriyay inay la shaqeeyaan laamaha ammaanka ee Kenya si loo sugo ammaanka.

12/23/2012 1:57 AM EST
Axad, December 23, 2012 (HOL) — Ra'iisul wasaaraha dalka Kenya, Raila Odinga ayaa magacaabay Ibraahim Axmed Rashiid la-taliyihiisa dhinaca siyaasadda ee arrimaha Soomaaliya, isagoo sheegay in xaaladda Soomaaliya ay tahay midda ugu adag xilligan gobolka.