4/11/2021
Today from Hiiraan Online:  _
Wararka Maanta- Axad, Dec 23, 2012
Madaxweynaha Soomaaliya oo kulan la yeeshay Soomaalida ku nool Magaalada Nairobi ee dalka Kenya


Axad, December 23, 2012 (HOL) — Madaxweynaha Soomaaliya, Xasan Sheekh Maxamuud oo booqasho ku tagay dalka Kenya ayaa shalay gallinkii dambe kulan la yeeshay jaaliyadda Soomaaliyeed ee ku nool Nairobi, isagoo ku boorriyay inay la shaqeeyaan laamaha ammaanka ee Kenya si loo sugo ammaanka.


Xasan Sheekh ayaa sidoo kale sheegay in madaxda Kenya uu kala hadlay arrimaha qoxootiga Soomaalida ah ee ku jira xeryaha Dhadhaab, isagoo xusay inay heshiis ku gaareen in dib loogu celiyo dalkooda.

"Runtii markaan maqlo qarax ayaa ka dhacay Nairobi way iiga xanuun badan tahay marka la yiraahdo qarax ayaa Muqdisho ka dhacay, waayo halkaan waxaa jooga dad Soomaaliyeed oo aan dalkoodii joogin. Idinka waxaa la idinka doonayaa inaad la shaqeysaan hay'adaha ammaanka si ammaanka loo adkeeyo, waa dhici kartaa inay ku dhexjiraan ciidamada kuwo dambiyo geysanaya, laakiinse guud ahaan hay'adaha waa kuwo ay Kenya leedahay," ayuu madaxweynuhu ku yiri hadal uu u jeediyay jaaliyadda Soomaalida.

Xaafadda Islii oo ay deggen yihiin Soomaalida ku nool Nairobi ayna ku leeyihiin ganacsiyo fara badan ayaa waxaa ka dhacayay bilihii ugu dambeeyay qaraxyo ay waxyeello kasoo gaarto dadka shacabka ah iyo ciidamada, kuwaasoo lagu eedeeyo inay ka dambeeyaan Soomaalida.


"Madaxda Kenya aad ayay u amaaneen Soomaalida halkan (Nairobi) ku nool iyagoo qiray inay yihiin dad shaqeysata ayna shacabka Kenya ka barteen wax badan oo aysan horay u aqoon," ayuu yiri madaxweyaha oo ka hadlayay fikirka ay madaxda Kenya ka haystaan Soomaalida ku nool Islii.

Dhanka kale, madaxweynaha Soomaaliya wuxuu sheegay in madaxda Kenya iyo iyagu ay gaareen heshiisyo lagu dhameynayo mad-madowgii ku dhex-jiray ayna ku heshiiyeen inay si wadajir ah uga shaqeeyaan nabadda labada dal.

"Madaxda Kenya waxaan isla garanay in qoxootiga Soomaalida ee ku jira xeryaha Dhadhaab dib loogu celiyo dalkooda, maadamaa aysan halkaas ku haysan wixii ay u baahnaayeen oo dhan. Innagana waxaa na saaran inaan gudaha Soomaaliya uga diyaarinno wax walba oo ay u baahan yihiin, sida iskuul iyo shaqooyin ay ku deberaan noloshooda," ayuu yiri Xasan Sheekh.

Sidoo kale, madaxweynuhu wuxuu sheegay inay dadaal u galayaan sidii qoxootiga ay ugu heli lahaayeen wax walba oo ay u baahan yihiin gudaha dalka, si aysan u dareemin noloshii qoxootinimada ahayd ee muddada dheer ay kusoo jireen.

Ugu dambeyn, madaxweyne Xasan Sheekh wuxuu faahfaahin ka siiyay jaaliyadda Soomaalida ee ku nool Nairobi howlaha ay dowladda Soomaaliya ka waddo gudaha dalka, isagoo sheegay in Muqdisho ay nabad tahay dowladduna ay horumarro badan sameysay.

Maxamed Xaaji Xuseen, Hiiraan Online
[email protected]
Muqdisho, Soomaaliya











Click here
12/23/2012 1:33 PM EST
Axad, December 23, 2012 (HOL) — Maamulka Puntland ayaa dhowr nabaddoon xabsiga dhigay, kuwaasoo qorsheynaya inay magaalada Garoowe ee xarunta Puntland ku qabtaan shir ay uga arrinsanayaan xaaladda ay Puntland marayso.

12/23/2012 12:54 PM EST
Axad, December 23, 2012 (HOL) — Isbaheysiga Nabadda Soomaaliya ayaa warsaxaafadeed uu soo saaray maanta eedeyn ugu jeediyay madaxweynaha Soomaaliya, isagoo ku eedeeyay inuusan dowladda Kenya kala hadlin arrimaha gobollada Jubbooyinka.

12/23/2012 12:54 PM EST
Axad, December 23, 2012 (HOL) — Golaha Wasiiradda Somaliland ayaa shalay ansixiyey Miisaaniyadda sanadka soo socda oo ay sheegeen inay ka badan tahay miisaaniyadii sanadkii hore.

12/23/2012 12:13 PM EST
Axad, December 23, 2012 (HOL) — Markabka MV-iceberg oo muddo 3 sano ku dhow ku jirey gacanta burcad-badeedka Soomaalida, islamarkaana ay labadii todobaad ee ugu danbeeyey ciidamada badda ee Puntland ku hareeraysnaayeen, ayaa maanta lagu guuleystey in lasoo furto.

12/23/2012 12:05 PM EST
Axad, December 23, 2012 (HOL) —Golaha Deegaanka ee magaalada Hargeysa oo maanta yeeshay kalfadhigoodii u horreeyay ayaa ku doortay maayarkii guddoomiyihii iyo guddoomiye ku xigeenkii Hargeysa.

12/23/2012 10:30 AM EST
Axad, December 23, 2012 (HOL) — Shirkan oo ka dhacay magaalada Kampala ee dalka Uganda islamarkaasina ahaa mid xildhibaanada haweenka baarlamanka Soomaaliya ay ku doonayeen in ay ku sameystaan isbaheysi gaar ah oo ka shaqeeya danahooda ayaa waxa lagu soo gabagabeeyay magaalada Kampala ee dalka Uganda.

12/23/2012 8:23 AM EST
Axad, December, 23, 2012 (HOL) -- Wafdi ka socday hay’adaha samafalka caalamiga ah ee QM ayaa maanta booqday magaalada Baladweyne, iyaga oo sheegay in ay siweyn u daneynayaan sidii ay xafiisyo uga furan lahaayeen magaalada.

12/23/2012 6:04 AM EST
Axad, December 23, 2012 (HOL) —Kulan looga hadlayay sidii wax looga qaban lahaa xaaladda ammaan ee degmada Dayniile ayaa gudaha degmadaasi maanta ku dhexmaray masuuliyiinta maamulka degmada iyo weliba saraakiisha dhanka ammaanka ee gobolka Banaadir.

12/23/2012 5:09 AM EST
Axad, December 23, 2012 (HOL) — Wasiirka gaashaandhigga Soomaaliya, C/xakiim Maxamuud Xaaji Fiqi oo ay wehliyaan saraakiil ka tirsan ciidamada xoogga dalka ayaa maanta oo Axad safar shaqo ugu ambabaxay dalalka Kenya iyo Uganada oo ay ciidammo ka joogaan Soomaaliya si uu ula kulmo wasiirrada difaaca dalalkaas.

12/23/2012 3:37 AM EST
Axad, December 23, 2012 (HOL) — Wararka aynu ka heleyno deegaanka Buulogaduud oo qiyaastii 30KM dhanka waqooyi uga began magaalada Kismaayo ayaa sheegaya in saaka xaaladda deegaankaasi ay tahay mid dagan, wallow ay xalay ka dhaceen duqeymo culus oo ay is weeydaarsanayeen ciidamada huwanta ah iyo Al-shabaab.

12/23/2012 1:57 AM EST
Axad, December 23, 2012 (HOL) — Ra'iisul wasaaraha dalka Kenya, Raila Odinga ayaa magacaabay Ibraahim Axmed Rashiid la-taliyihiisa dhinaca siyaasadda ee arrimaha Soomaaliya, isagoo sheegay in xaaladda Soomaaliya ay tahay midda ugu adag xilligan gobolka.