3/28/2024
Today from Hiiraan Online:  _
Wararka Maanta- Sabti, Dec 22, 2012
Hay'adda Amnesty oo sharci-darro ku tilmaantay Go'aankii Dowladda Kenya ay ku gaartay in Qoxootigu ku laabtaan Xeryaha
Sabti, December 22, 2012 (HOL) — Hay'adda caalamiga ah xuquuqda aadanaha ee Amnesty International ayaa ku tilmaantay go'aankii ay dowladda Kenya ku gaartay in qoxootigu ku laabtaan xeryaha mid ka horimaanaya sharciyada calaamiga ah ee xuquuqda aadanaha.

Amnesty ayaa sheegtay in alka Kenya ayaa waxaa ku nool 630,000 oo qoxooti ah, kuwaasoo intooda badan ka yimid dalka ay colaaduhu ragaadiyeen ee Soomaaliya, iyadoo hay'addu ay sheegtay in xeryaha qoxootiga ay ku jirto ammaan-darro ayna qoxooti ku laaban karin.

"Dowladda Kenya waa inaysan ugu marmarsiyoon arrimo ammaanka ku saabsan dib u celinta qoxootiga iyo dadka magangalyo doonka ah oo iyaguna dhibaateysan," ayuu yiri Kathryn Achilles oo ah khabiir ka tirsan xafiiska Afrika ee Amnesty.

Kenya ay toddobaadkii hore go'aan ku gaartay in qoxootiga iyo dadka magangalyo doonka ah ee ku sugan magaalooyinka waaweyn ee dalkaas ay ku laabtaan xeryaha qoxootiga, iyadoo Amnesty ay go'aankan ku tilmaantay mid sharci-darro ah oo ka horimaanaya xorriyadda ay dadku u leeyihiin inay meelo nabad ah aadaan.

"Go'aankan waa mid khatar ku ah xoriyadda dhaqdhaqaaqa dadka, waana mid si cad uga horimaanaya xuquuqda aadanaha, waayo xeryaha qoxootiga waa kuwo aanu ka jirin ammaan la isku halleyn karo," ayay ayuu yiri Achille.

Xukuumadda Kenya ayaa sheegtay in go'aanka ay dib ugu celinayso qoxootiga uu yahay mid ay ammaanka dalkeeda ku sugayso, kaddib qaraxyo iyo dilal qorsheysan oo laga fuliyay magaalooyinka waaweyn oo ay ka mid tahay Nairobi.

Hay'adda qoxootiga adduunka ee UNCHR ayaa iyaduna ku timaantay go'aankan mid ka horimaanaya sharciyada xaquuqda qoxootiga caalamka iyo dadka magangalyo doonka ah. Iyadoo hay'addu ay sheegtay inay Kenya kala hadlayso go'aankeeda.

Dhawaan ayaa sii hayaha xilka hay'adda arrimaha qoxootiga ee Kenya, Badu Katelo ayaa sheegay in la xiray dhammaan goobihii diiwaan-gelinta qoxootiga cusub ee soo galaya dalka Kenya, iyadoo UNCHR ay dhaliil u soo jeeisay go'aanka lagu xiray xafiisyada diiwaan-gelinta qoxootiga cusub.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
12/22/2012 7:14 AM EST
Sabti, December 22, 2012 (HOL) — Xidhibaanada baarlamaanka Soomaaliya ayaa loo qaybiyay maanta sharciga maamulka maaliyadda dowladda Soomaaliya, iyadoo sidoo kalena uu guddoomiyaha baarlamaanka magacaabay guddi dib u eegsi kusoo sameeya heshiis dhinaca milateriga ah oo dhexmaray Soomaaliya iyo Turkiga.

12/22/2012 7:10 AM EST
Sabti, December 22, 2012 (HOL) —Ciidamada dowladda Soomaaliya, kuwa Raaskaambooni iyo Militariga Kenya oo iskaashanaya ayaa si nabadgelyo ah kula wareegay deegaanka Buulogaduud oo qiyaastii 90KM dhanka waqooyi kaga began magaalada Kismaayo ee xarunta gobolka Jubada Hoose.

12/22/2012 6:54 AM EST
Sabti, December 22, 2012 (HOL) — Ugu yaraan 40-qof oo u badan caruur ayaa ku dhintay dagaal beeleed ka dhacay maanta oo Sabti ah gobolka Tana-Delta ee waqooyiga dalka Kenya, waxaana dagaalkan oo ahaa mid beeleed uu dhacay saakay aroortii hore.

12/22/2012 6:32 AM EST
Sabti, December 22, 2012 (HOL) — Dadweyne careysan ayaa dibadbaxyo ka dhigay maanta oo Sabti ah magaalada Berbera ee xarunta gobolka Saalix ee Somaliland, kaddib markii uu madaxweynaha Somaliland xilkii ka qaaday guddoomiyhii gobolka Saaxil, Maxamuud Cali Saleebaan (Rabaax).

12/22/2012 5:21 AM EST
Sabti, December 22, 2012 (HOL) — Guddoomiyaha degmada Baladweyne ee maamulka gobolka Hiiraan Max’ed Macalin Qalaafoow ayaa sheegay in ay gacanta ku dhigeen eedeysane sida uu sheegay Bam kuwa gacanta lagu tuuro ah ku weeraray maalintii shalay ciidamo ka tirsan kuwa maamulka gobollka Hiiraan oo xiligaa ku sugnaa agagaarka Buundo-Liqliqato ee xaafadda Howl-wadaag.

12/22/2012 2:54 AM EST
Sabti, December 22, 2012 (HOL) — Ugu yaraan hal qof ayaa ku dhintay afar cunug oo yaryarna way ku dhaawacmeen madaafiic xalay saqdii dhexe ku dhacay meel ku dhow xarunta degmada Wardhiigley ee Muqdisho, iyadoo qofka dhintay ay ahayd hooyadii dhashay afarta caruurta ah.

12/22/2012 2:42 AM EST
Sabti, December 22, 2012 (HOL) — Kooxo hubeysan oo aan haybtooda la garanayn ayaa afar ruux siyaabo kala duwan ugu dilay xalay deegaanka Dhadhaab ee dalka Kenya, halkaasoo ay ku yaallaan xeryaha qoxootiga oo ay ku jiraan in ka badan nus malyuun qof oo Soomaali ah.

12/22/2012 2:33 AM EST
Sabti, December 22, 2012 (HOL) — Xildhibaan Yuusuf Xasan Cabdi oo deegaanka Kamakuunji ee ay ka tirsan tahay xaafadda Islii laga oo doorto kuna dhaawacmay qarax bartamihii bishan ka dhacay masjid ku yaalla xaafadda Islii ayaa dowladda Kenya ka dalbaday in baaritaanno dhab ah ay ku sameyso kooxaha weerarradaas geysanaya.

12/22/2012 2:14 AM EST
Sabti, December 22, 2012 (HOL) — Madaxweynaha Somaliland, Axmed Maxamed Maxamuud (Siilaanyo), ayaa xalay xilkii ka qaaday Badhasaabkii gobolka Saaxil Maxamuud Cali Saleebaan Ramaax, isla markaana xilkaasi u magacaabay Cali Maxamed Cali, halka Badhasaabkii gobolka Hargeysa dib loogu magacaabay gudoomiyihii hore ee gobolka Axmed Xaaji Cabdilaahi Xamarji.

12/22/2012 2:12 AM EST
Sabti, December 22, 2012 (HOL) — Xarakada Al-shabaab oo dagaal kula jira ciidamada dowladda Soomaaliya iyo kuwa caawinaya ee AMISOM iyo Itoobiya ayaa shaaca ka qaaday inay sii wadayaan dagaallada ay kula jiraan ciidamada shisheeye inta ay dalka oo dhan ka baxayaan.