3/28/2024
Today from Hiiraan Online:  _
Wararka Maanta- Sabti, Dec 22, 2012
Kooxo hubeysan oo xalay afar qof ku dilay Deegaanka Dhadhaab-Kenya oo ay ku yaallaan Xeryaha Qoooxitiga
Sabti, December 22, 2012 (HOL) — Kooxo hubeysan oo aan haybtooda la garanayn ayaa afar ruux siyaabo kala duwan ugu dilay xalay deegaanka Dhadhaab ee dalka Kenya, halkaasoo ay ku yaallaan xeryaha qoxootiga oo ay ku jiraan in ka badan nus malyuun qof oo Soomaali ah.

Afarta qof ee la dilay ayaa la sheegay inay ahaayeen xoolo dhaqato, waxaana laba ka mid ah la dilay iyagoo xoolahooda la jooga, halka labada kalena la dilay xilli ay u gurmanayeen dadka la dilay, iyadoo sidoo kalena uu shaqaaqadaas ku dhaawacmay hal qof oo kale.

Ma jiro wax khasaare ah oo soo gaaray kooxihii dilalka geystay oo markiiba meesha isaga baxsaday, balse booliiska Kenya ayaa sheegay inay wadaan baaritaanno ay ku ogaanayaan kooxihii weerarkaas ka dambeeyay.

Warar kala duwan ayaa kasoo baxaya kooxaha dilalkan geystay, iyadoo wararka qaarkood ay sheegayaan inay dilka u geysteen qaab aano beeleed ah, halka kuwo kalena ay sheegayaan inay ahaayeen kooxo bastoolado ku hubeysan.

Guddoomiyaha deegaanka Dhadhaab Aadan Afmaroor oo la hadlay BBC-da ayaa xaqiijiyay dhacdada isagoo ku tilmaamay mid aad looga naxo, wuxuuna xusay inay socdaan baaritaanno lagu raadinayo kooxihii weerarka geystay.

Deegaanka Dhadhaab oo ku dhow soohdinta ay wadaagaan Soomaaliya iyo Kenya ayaa waxaa tan iyo sannadkii hore ka jiray rabshado isugu jira qaraxyo iyo dilal qorsheysan oo ay geysanayaan kooxo hubeysan, inkastoo weerarradaas lagu eedeeyo Al-shabaab.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
12/22/2012 7:14 AM EST
Sabti, December 22, 2012 (HOL) — Xidhibaanada baarlamaanka Soomaaliya ayaa loo qaybiyay maanta sharciga maamulka maaliyadda dowladda Soomaaliya, iyadoo sidoo kalena uu guddoomiyaha baarlamaanka magacaabay guddi dib u eegsi kusoo sameeya heshiis dhinaca milateriga ah oo dhexmaray Soomaaliya iyo Turkiga.

12/22/2012 7:10 AM EST
Sabti, December 22, 2012 (HOL) —Ciidamada dowladda Soomaaliya, kuwa Raaskaambooni iyo Militariga Kenya oo iskaashanaya ayaa si nabadgelyo ah kula wareegay deegaanka Buulogaduud oo qiyaastii 90KM dhanka waqooyi kaga began magaalada Kismaayo ee xarunta gobolka Jubada Hoose.

12/22/2012 6:54 AM EST
Sabti, December 22, 2012 (HOL) — Ugu yaraan 40-qof oo u badan caruur ayaa ku dhintay dagaal beeleed ka dhacay maanta oo Sabti ah gobolka Tana-Delta ee waqooyiga dalka Kenya, waxaana dagaalkan oo ahaa mid beeleed uu dhacay saakay aroortii hore.

12/22/2012 6:32 AM EST
Sabti, December 22, 2012 (HOL) — Dadweyne careysan ayaa dibadbaxyo ka dhigay maanta oo Sabti ah magaalada Berbera ee xarunta gobolka Saalix ee Somaliland, kaddib markii uu madaxweynaha Somaliland xilkii ka qaaday guddoomiyhii gobolka Saaxil, Maxamuud Cali Saleebaan (Rabaax).

12/22/2012 6:08 AM EST
Sabti, December 22, 2012 (HOL) — Hay'adda caalamiga ah xuquuqda aadanaha ee Amnesty International ayaa ku tilmaantay go'aankii ay dowladda Kenya ku gaartay in qoxootigu ku laabtaan xeryaha mid ka horimaanaya sharciyada calaamiga ah ee xuquuqda aadanaha.

12/22/2012 5:21 AM EST
Sabti, December 22, 2012 (HOL) — Guddoomiyaha degmada Baladweyne ee maamulka gobolka Hiiraan Max’ed Macalin Qalaafoow ayaa sheegay in ay gacanta ku dhigeen eedeysane sida uu sheegay Bam kuwa gacanta lagu tuuro ah ku weeraray maalintii shalay ciidamo ka tirsan kuwa maamulka gobollka Hiiraan oo xiligaa ku sugnaa agagaarka Buundo-Liqliqato ee xaafadda Howl-wadaag.

12/22/2012 2:54 AM EST
Sabti, December 22, 2012 (HOL) — Ugu yaraan hal qof ayaa ku dhintay afar cunug oo yaryarna way ku dhaawacmeen madaafiic xalay saqdii dhexe ku dhacay meel ku dhow xarunta degmada Wardhiigley ee Muqdisho, iyadoo qofka dhintay ay ahayd hooyadii dhashay afarta caruurta ah.

12/22/2012 2:33 AM EST
Sabti, December 22, 2012 (HOL) — Xildhibaan Yuusuf Xasan Cabdi oo deegaanka Kamakuunji ee ay ka tirsan tahay xaafadda Islii laga oo doorto kuna dhaawacmay qarax bartamihii bishan ka dhacay masjid ku yaalla xaafadda Islii ayaa dowladda Kenya ka dalbaday in baaritaanno dhab ah ay ku sameyso kooxaha weerarradaas geysanaya.

12/22/2012 2:14 AM EST
Sabti, December 22, 2012 (HOL) — Madaxweynaha Somaliland, Axmed Maxamed Maxamuud (Siilaanyo), ayaa xalay xilkii ka qaaday Badhasaabkii gobolka Saaxil Maxamuud Cali Saleebaan Ramaax, isla markaana xilkaasi u magacaabay Cali Maxamed Cali, halka Badhasaabkii gobolka Hargeysa dib loogu magacaabay gudoomiyihii hore ee gobolka Axmed Xaaji Cabdilaahi Xamarji.

12/22/2012 2:12 AM EST
Sabti, December 22, 2012 (HOL) — Xarakada Al-shabaab oo dagaal kula jira ciidamada dowladda Soomaaliya iyo kuwa caawinaya ee AMISOM iyo Itoobiya ayaa shaaca ka qaaday inay sii wadayaan dagaallada ay kula jiraan ciidamada shisheeye inta ay dalka oo dhan ka baxayaan.