7/11/2020
Today from Hiiraan Online:  _
Wararka Maanta- Isniin, Dec 17, 2012
Kooxo hubeysan oo Agagaarka Suuqa Bakaaraha ku dilay sarkaal ka tirsanaa Ciidamada Nabadsugidda Dowladda Soomaaliya


Isniin, December 17, 2012 (HOL) — Kooxo hubeysan ayaa isgoyska Aadan Cadde oo ku dhow suuqa bakaaraha ee Muqdisho ku toogtay mid ka mid ah saraakiisha nabadsugidda dowladda Soomaaliya oo magaciisa lagu soo gaabiyay Afloow; iyadoo kooxaha dilka geystay ay u suurogashay inay si nabadgalyo ah uga baxsadaan halkaas.

Goobjoogayaal ayaa sheegay in laba dhallinyaro oo bastoolado ku hubeysan ay dilka geysteen, ayna markiiba goobta ka carareen, iyadoo isla markiiba ay goobta tageen ciidammo ka tirsan hay'adda nabadsugidda kuwaasoo maydka askariga goobta ka qaaday.

"Xaaladdu hadda waa deggen tahay, kooxo hubeysan ayaa toogtay sakaal ka tirsanaa hay'adda nabadsugidda dowladda Soomaaliya. Daqiiqado kaddib waxaa goobta soo gaaray ciidammo ka tirsan nabadsugidda oo halkaa ka sameeyay baaritaanno," ayuu yiri Axmed Faarax oo dukaan ku leh meel ku dhow isgoyska uu dilku ka dhacay.

Ciidamada ayaa la sheegay inay qabteen dhowr dhalinyaro ah oo ay la xiriiriyeen in ay lug ku lahaayeen dilka askariga, iyadoo fal noocan oo kale horraantii bishan lagu dilay guddoomiyihii suuqa Bakaaraha Axmed Nuurre Ow-diini iyo sarkaal ciidamada dowladda ka tirsan.

Al-shabaab ayaa dhowr jeer oo hore sheegtay inay weli xoogag iyada tagaeersan ka howgalaan magaalada Muqdisho oo ay gacanta ku hayso dowladda Soomaaliya, iyadoo ammaanka degmooyin ka tirsan Muqdisho uu weli yahay mid dhutinaya.

Hay'adaha dowladda Soomaaliya ayaa falalka noocan oo kale ah ma'suuliyadooda dusha ka saarta Al-shabaab, inkastoo aysan weli ka hadlin Al-shabaab dilka maanta ka dhacay isgoyska Aadan Cadde ee suuqa Bakaaraha.

Maxamed Xaaji Xuseen, Hiiraan Online
[email protected]
Muqdisho, Soomaaliya









Click here
12/17/2012 7:15 AM EST
Isniin, December 17, 2012 (HOL) — Ra'iisul wasaaraha Soomaaliya, Cabdi Faarax Shir-doon (Saacid) oo warbaahinta la hadlay kaddib kulan ay golaha wasiirradu ku yeesheen maanta xaruntooda Muqdisho ayaa ka hadlay sababihii keenay in wasaarad walba uu u magcaabo laba wasiir ku xigeen.

12/17/2012 7:01 AM EST
Isniin, December 17, 2012 (HOL) — Madaxweynaha Soomaaliya, Xasan Sheekh iyo madaxweynaha Jabuuti Ismaaciil Cumar Geelle ayaa maanta ka hadlay munaasabad lagu xusayay sannadguuradii 40-aad ee kasoo wareegtay markii la qoray farta Soomaaliga, waxayna ku baaqeen in la xoojiyo horumarinta afka Soomaaliga.

12/17/2012 6:36 AM EST
Isniin, December 17, 2012 (HOL) — Ciidamada ammaanka dalka Kenya ayaa maanta buuxiyay xaafadda Islii ee magaalada Nairobi halkaasoo ay baaritaanno kawadaan, iyadoo la sheegay in ka badan 30-qof lagu qabqbatay baaritaannadaas.

12/17/2012 6:02 AM EST
Isniin, December 17, 2012 (HOL) — Bayaan kasoo baxay xafiiska warfaafinta ee Al-shabaab maanta oo Isniin ah ayaa lagu sheegay in Cumar Xamaami oo loo yaqaan Abuu-Mansuur Al-Amriiki uusan matelin kuna hadli karin magaca dagaalyahannada ajnabiga ah ee ka barbar dagaalama xoogagga Al-shabaab, sidoo kalena aysan jirin jago uu ka hayo Al-shabaab.

12/17/2012 1:50 AM EST
Isniin, December 17, 2012 (HOL) — Munaasabaddan oo ay ka qaybgalayaan madax uu ka mid yahay madaxweynaha Soomaaliya, Xasan Sheekh Maxamuud, madaxweynaha Jabuuti Ismaaciil Cumar Geelle, madaxweynaha Somaliland, Axmed Maxamed Maxamuud Siilaanyo, dublamaasiyiin ka socda dalalka Kenya iyo Itoobiya ayaa maanta ka furmaysa magaalada Jabuuti ee xarunta dalka Jabuuti.

12/17/2012 1:33 AM EST
Isniin, December 17, 2012 (HOL) — War-saxaafadeed kasoo baxay wasaaradda amniga ee Puntland oo nuqul ka mid ahi uu soo gaarey shabakadda HOL ayaa lagu sheegay in ciidamada Puntland ay gacanta ku dhigeen sahay ku socotay xoogagga Al-shabaab ee ku sugan buuraleyda Galgala ee gobolka Bari.

12/17/2012 1:30 AM EST
Isniin, December 17, 2012 (HOL) — Ugu yaraan hal qof ayaa ku dhintay laba qof oo kalena si xun ayay ugu dhaawacmeen saddex qarax oo xalay ka dhacay xaafadda Islii ee magaalada Nairobi, iyadoo booliiska Kenya ay ku eedeeyeen weerarradaas inay ka dambeysay Al-shabaab.

12/17/2012 1:28 AM EST
Isniin, December 17, 2012 (HOL) — Fadhi ay baarlamaanka Puntland ku yeesheen magaalada Garoowe shalay oo Axad ahayd ayay ku meel-mariyeen labo xeer oo ay horay ugu soo gudbiyeen wasaaradaha caafimaadka iyo deegaanka. Xeerarkan oo uu goluhu in muddo ah ka doodayey ayaa kala ah xeerka mamnuucista ka ganacsiga iyo soo dejinta bacaha iyo xeerka furashada xarumaha caafimaadka ee gaarka loo leeyahay.