7/11/2020
Today from Hiiraan Online:  _
Wararka Maanta- Isniin, Dec 17, 2012
Ciidamada Ammaanka Puntland oo gacanta ku dhigay gaari sahay kala duwan u siday Xoogagga Al-shabaab ee Buuraleyda Golis



Isniin, December 17, 2012 (HOL) — War-saxaafadeed kasoo baxay wasaaradda amniga ee Puntland oo nuqul ka mid ahi uu soo gaarey shabakadda HOL ayaa lagu sheegay in ciidamada Puntland ay gacanta ku dhigeen sahay ku socotay xoogagga Al-shabaab ee ku sugan buuraleyda Galgala ee gobolka Bari.

Gaari uu noociisu yahay Toyota-Dyna, islamarkaana sidey rar isugu jira: raashin, daawo iyo agab kale, ayaa war-saxaafaeedka lagu xusay in lagu qabtay kantaroolka magaalada Boosaaso, waxaana sidoo kale la sheegay in la qabtay wadihii gaariga, baaritaanna uu ku socdo.

Rarka uu gaarigani sidey ayaa ka koobnaa:
40-kiish oo isuguna jira: Bur, Bariis iyo Sonkor.
11-kartoon oo Baasto ah.
Daawo isugu jirta: falleenbooyin, irbadaha dhiig joojinta iyo kiniiniyada antibiotics-ka ama qallajiyeyaasha ah.
48-joog oo kabo ah.

Ma ahan markii ugu horeysey ee laamaha ammaanka ee Puntland ay soo bandhigaan sahey la sheegay in ay ku socotey xoogagga Al-shabaab ee uu fadhigoodu yahay buuraleyda Golis, haseyeeshee bishii Febaraayo ee sanadkan dabayaaqadeedii ayey ahayd markii sidan oo kale loo soo bandhigay gaari nooca xamuulka qaada ah oo ku rarnaa raashin iyo agab kale, islamarkaana la sheegay in uu kusii jeedey dhinaca Galgala iyo sadex nin oo watey.

Arintan ayaa kusoo aadeysa xilli uu dhowaan dagaal khasaare badan geystey ciidamada ammaanka Puntland iyo Al-shabaab ku dhex maray deegaanka Sugurre oo koonfur-galbeed kaga beegan magaalada Boosaaso ee xarunta gobolka Bari.

Maxamed Salaad Xaaji Dirir, Hiiraan Online
[email protected]
Puntland, Soomaaliya










Click here
12/17/2012 7:15 AM EST
Isniin, December 17, 2012 (HOL) — Ra'iisul wasaaraha Soomaaliya, Cabdi Faarax Shir-doon (Saacid) oo warbaahinta la hadlay kaddib kulan ay golaha wasiirradu ku yeesheen maanta xaruntooda Muqdisho ayaa ka hadlay sababihii keenay in wasaarad walba uu u magcaabo laba wasiir ku xigeen.

12/17/2012 7:01 AM EST
Isniin, December 17, 2012 (HOL) — Madaxweynaha Soomaaliya, Xasan Sheekh iyo madaxweynaha Jabuuti Ismaaciil Cumar Geelle ayaa maanta ka hadlay munaasabad lagu xusayay sannadguuradii 40-aad ee kasoo wareegtay markii la qoray farta Soomaaliga, waxayna ku baaqeen in la xoojiyo horumarinta afka Soomaaliga.

12/17/2012 6:36 AM EST
Isniin, December 17, 2012 (HOL) — Ciidamada ammaanka dalka Kenya ayaa maanta buuxiyay xaafadda Islii ee magaalada Nairobi halkaasoo ay baaritaanno kawadaan, iyadoo la sheegay in ka badan 30-qof lagu qabqbatay baaritaannadaas.

12/17/2012 6:02 AM EST
Isniin, December 17, 2012 (HOL) — Bayaan kasoo baxay xafiiska warfaafinta ee Al-shabaab maanta oo Isniin ah ayaa lagu sheegay in Cumar Xamaami oo loo yaqaan Abuu-Mansuur Al-Amriiki uusan matelin kuna hadli karin magaca dagaalyahannada ajnabiga ah ee ka barbar dagaalama xoogagga Al-shabaab, sidoo kalena aysan jirin jago uu ka hayo Al-shabaab.

12/17/2012 5:24 AM EST
Isniin, December 17, 2012 (HOL) — Kooxo hubeysan ayaa isgoyska Aadan Cadde oo ku dhow suuqa bakaaraha ee Muqdisho ku toogtay mid ka mid ah saraakiisha nabadsugidda dowladda Soomaaliya oo magaciisa lagu soo gaabiyay Afloow; iyadoo kooxaha dilka geystay ay u suurogashay inay si nabadgalyo ah uga baxsadaan halkaas.

12/17/2012 1:50 AM EST
Isniin, December 17, 2012 (HOL) — Munaasabaddan oo ay ka qaybgalayaan madax uu ka mid yahay madaxweynaha Soomaaliya, Xasan Sheekh Maxamuud, madaxweynaha Jabuuti Ismaaciil Cumar Geelle, madaxweynaha Somaliland, Axmed Maxamed Maxamuud Siilaanyo, dublamaasiyiin ka socda dalalka Kenya iyo Itoobiya ayaa maanta ka furmaysa magaalada Jabuuti ee xarunta dalka Jabuuti.

12/17/2012 1:30 AM EST
Isniin, December 17, 2012 (HOL) — Ugu yaraan hal qof ayaa ku dhintay laba qof oo kalena si xun ayay ugu dhaawacmeen saddex qarax oo xalay ka dhacay xaafadda Islii ee magaalada Nairobi, iyadoo booliiska Kenya ay ku eedeeyeen weerarradaas inay ka dambeysay Al-shabaab.

12/17/2012 1:28 AM EST
Isniin, December 17, 2012 (HOL) — Fadhi ay baarlamaanka Puntland ku yeesheen magaalada Garoowe shalay oo Axad ahayd ayay ku meel-mariyeen labo xeer oo ay horay ugu soo gudbiyeen wasaaradaha caafimaadka iyo deegaanka. Xeerarkan oo uu goluhu in muddo ah ka doodayey ayaa kala ah xeerka mamnuucista ka ganacsiga iyo soo dejinta bacaha iyo xeerka furashada xarumaha caafimaadka ee gaarka loo leeyahay.