7/11/2020
Today from Hiiraan Online:  _
Wararka Maanta- Isniin, Dec 17, 2012
Faahfaahin dheeraad ah oo kasoo baxaysa Qaraxyo ka dhacay Xaafadda Islii (Eastleigh) ee Magaalada Nairobi


Isniin, December 17, 2012 (HOL) — Ugu yaraan hal qof ayaa ku dhintay laba qof oo kalena si xun ayay ugu dhaawacmeen saddex qarax oo xalay ka dhacay xaafadda Islii ee magaalada Nairobi, iyadoo booliiska Kenya ay ku eedeeyeen weerarradaas inay ka dambeysay Al-shabaab.


Taliyaha booliiska Kenya, Moses Nyakwama ayaa sheegay in laba qof oo si xun u dhaawacan loo qaaday isbitaallada, basle goobjoogayaal ayaa iyaguna sheegay in ay arkeen maydka hal qof o rayid ah.

"Laba qof oo si xun ugu dhaawacmay qaraxyada ayaa loola cararay isbitaallada ma jiro khasaare kale oo ka dhashay weerarradan oo ahaa kuwo isxigay," ayuu yiri Nyakwama oo la hadlay AFP.

Hay'adda bisha cas ee Kenya iyo goobjoogayaal ayaa sheegay in qaraxyadu ay ahaayeen saddex qarax oo kala duwan, kuwaasoo laga tuuray gaari si xowli ah ku socday, inkastoo aysan geysan khasaare fara badan.

Taliyaha booliiska Kenya, Moses Nyakwama ayaa ku eedeeyay weerarradii xalay in ay ka dmabeyso Al-shabab, balse ma jirto cid sheegatay illaa iyo hadda inay ka dambeyso weerarkaas.

Qaraxyo kala duwan oo ka dhacay xaafadda Islii dhowrkii bilood ee ugu dambeeyay ayaa sababay dhimashada in ka badan toban qof iyo dhaawaca soddomeeyo kale, kuwaasoo uu ku jiray xildhibaan Yuusuf Xasan oo laga soo doorto deegaanka Kamakuunji oo ay ka tirsan tahay Isliil.

Weerarradan ayaa waxay imaanayaa xilli Kenya ay isku diyaarinayso sannadka soo socda inay dhacaan doorashooyinka madaxnimo, iyadoo dowladdu ay ugu baaqday qoxootiga iyo magan-galyo doonka ku sugan magaalooyinka waaweyn inay dib ugu laabtaan xeryaha qoxootiga.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
12/17/2012 7:15 AM EST
Isniin, December 17, 2012 (HOL) — Ra'iisul wasaaraha Soomaaliya, Cabdi Faarax Shir-doon (Saacid) oo warbaahinta la hadlay kaddib kulan ay golaha wasiirradu ku yeesheen maanta xaruntooda Muqdisho ayaa ka hadlay sababihii keenay in wasaarad walba uu u magcaabo laba wasiir ku xigeen.

12/17/2012 7:01 AM EST
Isniin, December 17, 2012 (HOL) — Madaxweynaha Soomaaliya, Xasan Sheekh iyo madaxweynaha Jabuuti Ismaaciil Cumar Geelle ayaa maanta ka hadlay munaasabad lagu xusayay sannadguuradii 40-aad ee kasoo wareegtay markii la qoray farta Soomaaliga, waxayna ku baaqeen in la xoojiyo horumarinta afka Soomaaliga.

12/17/2012 6:36 AM EST
Isniin, December 17, 2012 (HOL) — Ciidamada ammaanka dalka Kenya ayaa maanta buuxiyay xaafadda Islii ee magaalada Nairobi halkaasoo ay baaritaanno kawadaan, iyadoo la sheegay in ka badan 30-qof lagu qabqbatay baaritaannadaas.

12/17/2012 6:02 AM EST
Isniin, December 17, 2012 (HOL) — Bayaan kasoo baxay xafiiska warfaafinta ee Al-shabaab maanta oo Isniin ah ayaa lagu sheegay in Cumar Xamaami oo loo yaqaan Abuu-Mansuur Al-Amriiki uusan matelin kuna hadli karin magaca dagaalyahannada ajnabiga ah ee ka barbar dagaalama xoogagga Al-shabaab, sidoo kalena aysan jirin jago uu ka hayo Al-shabaab.

12/17/2012 5:24 AM EST
Isniin, December 17, 2012 (HOL) — Kooxo hubeysan ayaa isgoyska Aadan Cadde oo ku dhow suuqa bakaaraha ee Muqdisho ku toogtay mid ka mid ah saraakiisha nabadsugidda dowladda Soomaaliya oo magaciisa lagu soo gaabiyay Afloow; iyadoo kooxaha dilka geystay ay u suurogashay inay si nabadgalyo ah uga baxsadaan halkaas.

12/17/2012 1:50 AM EST
Isniin, December 17, 2012 (HOL) — Munaasabaddan oo ay ka qaybgalayaan madax uu ka mid yahay madaxweynaha Soomaaliya, Xasan Sheekh Maxamuud, madaxweynaha Jabuuti Ismaaciil Cumar Geelle, madaxweynaha Somaliland, Axmed Maxamed Maxamuud Siilaanyo, dublamaasiyiin ka socda dalalka Kenya iyo Itoobiya ayaa maanta ka furmaysa magaalada Jabuuti ee xarunta dalka Jabuuti.

12/17/2012 1:33 AM EST
Isniin, December 17, 2012 (HOL) — War-saxaafadeed kasoo baxay wasaaradda amniga ee Puntland oo nuqul ka mid ahi uu soo gaarey shabakadda HOL ayaa lagu sheegay in ciidamada Puntland ay gacanta ku dhigeen sahay ku socotay xoogagga Al-shabaab ee ku sugan buuraleyda Galgala ee gobolka Bari.

12/17/2012 1:28 AM EST
Isniin, December 17, 2012 (HOL) — Fadhi ay baarlamaanka Puntland ku yeesheen magaalada Garoowe shalay oo Axad ahayd ayay ku meel-mariyeen labo xeer oo ay horay ugu soo gudbiyeen wasaaradaha caafimaadka iyo deegaanka. Xeerarkan oo uu goluhu in muddo ah ka doodayey ayaa kala ah xeerka mamnuucista ka ganacsiga iyo soo dejinta bacaha iyo xeerka furashada xarumaha caafimaadka ee gaarka loo leeyahay.