7/8/2020
Today from Hiiraan Online:  _
Wararka Maanta- Axad, Dec 16, 2012
Xildhibaannada Baarlamaanka Soomaaliya oo Ansixiyay Qorshe-Howleedka ay ku shaqeynayaan 2013 iyo 2014


Axad, December 16, 2012 (HOL) — Xildhibaannada baarlamaanka Soomaaliya ayaa maanta cod aqlabiyad ah ku ansixiyay qorshe howleedka ay labada sano ee soo socota ku shaqeyn doonaan, iyadoo saddex mudane oo ka mid ah kuwii kulankaas soo xaadiray ay diideen qorshaha.

Qorshe-howleedkan ayaa waxaa soo diyaariyay guddoonka baarlamaanka iyadoo loo saaray guddi shan xubnood ka kooban oo dib eegis ku sameeya, iyadoo maanta laga dooday qoshaha ugu dambeynna la ansixiyay.

"Aad baan ugu faraxsanahay idin kuguna bogaadinayaa sida looga dooday qorshaha waana arrin dhiirri-gelinaysa in qorshayaasheenna ay noqdaan kuwo aan wadaagno oo aan innagu leennahay," ayuu yiri Jawaari oo intaas ku daray: "Ujeedda loo sameeyay qorshahan waa inaan baarlamaanka loo yeerin wuxuu sameynayo, uuna baarlamaanku gaaro go'aannadiisa gaarka ah."

Mudanayaashii fikirradooda ka dhiibtay qorshahan ayaa waxay soo jeediyeen in lagu sameeyo qodobbada qaarkood wax ka bedel, kuwaasoo ay sheegeen in dhadhanka wax ka bedelayaan, waxaana xubnaha

Guddoomiyaha baarlamaanka ayaa ugu dambeyn mudanayaashii kulanka goobjoogga ka ahaa kulanka oo tiradoodu ahayd 152 ka dalbaday inay u codeeyaan qorshe howleedka uu baarlamaanku ku shaqeynayo.

"Kulanka waxaa soo xaadiray 152 mudane, waxaa ogolaatay qorshahan 149, saddex mudane way ka aamuseen, sidaa daraadeed qorshahan waa mid ansax ah," ayuu yiri guddoomiyaha baarlamaanka Soomaaliya, Prof. Maxamed Cismaan Jawaari.

Baarlamaanka Soomaaliya ayaa shalay anaixiyay guddi-hoosaadyada baarlamaanka iyadoo ansixinta qodobbadan ay kusoo beegmayso xilli lagu wado in baarlamaanku uu galo fasax qaadanaya muddo laba bilood ah.

Maxamed Xaaji Xuseen, Hiiraan Online
[email protected]
Muqdisho, Soomaaliya









Click here
12/16/2012 10:55 AM EST
Axad, December 16, 2012 (HOL)- Madaxweynaha Somaliland Iyo Wefti balaadhan oo uu Hoggaminayay, ayaa galabta u kicitimay dalka Jabuuti si uu uga qeyb gallo shirka madaxeedka horumarinta Af-soomaaliga ee PEN oo lagu soo casuumay Madaxweynaha Somaliland.

12/16/2012 6:49 AM EST
Axad, December 16, 2012 (HOL) —Xaflad xarig looga jaray shirkad lagu magacaabo Fruitsome oo soo saari doonta islamarkaana dhoofin doonta Muuska ayaa maanta ka dhacday Hotelka Ambassador ee Magaalada Muqdisho.

12/16/2012 6:35 AM EST
Axad, December 16, 2012 (HOL) — Kooxo hubeysan ayaa laba qof oo qoxooti ah xalay siyaabo kala duwan ugu dilay xerada IFO oo ka mid ah xeryaha qoxootiga ee ku yaalla deegaanka Dhadhaab ee dalka Kenya, iyadoo booliisku ay sheegeen inay baxsadeen kooxihii dilalkan geystay.

12/16/2012 5:48 AM EST
Axad, December 16, 2012 (HOL) — Mudaharaad balaadhan, ayaa ilaa maanta ka socday xaafaddo ka tirsan magaaladda Hargeysa, gaar ahaan waqooyiga magaaladda, kuwaas oo diidan kala bedel lagu sameeyey xildhibaanaddii soo baxay ee golaha deegaanka, kuwaas oo xildhibaankii ay taageerayeen oo soo baxay lagu bedelay xidhibaanno kale oo marki hore la sheegay inay hadheen.

12/16/2012 5:47 AM EST
Axad, December 16, 2012 (HOL) — Madaxweynaha Soomaaliya, Xasan Sheekh Maxamuud ayaa qorsheynaya inuu safarkiisa labaad ku tago dalka Jabuuti maanta oo Axad ah, halkaasoo uu uga qaybgeli doono bandhigga buug afka Soomaaliga ah oo ka dhacaya magaalada Jabuuti.

12/16/2012 1:53 AM EST
Axad, December 16, 2012 (HOL) — Dowladda Kenya ayaa ugu baaqday dadka aan sharciga lahayn ee magangalyo doonka ah iyo kuwa qoxootiga ah inay ku laabtaan xeryaha Qoxootiga ee Dhadhaab iyo Kaakumo, iyadoo sheegtay in qorshahan uu ka mid lagu adkeynayo ammaanka Kenya.

12/16/2012 1:24 AM EST
Axad, December 16, 2012 (HOL) —Bambaanooyin kuwa gacanta laga tuuro ah ayaa xalay lagu weeraray saldhigga dhexe ee magaalada Kismaayo halkaas oo fariisin u ah ciidamada dowladda Soomaaliya iyo kuwa Raaskaambooni.

12/16/2012 1:09 AM EST
Axad, December 16, 2012 (HOL) — Ciidamada dowladda Soomaaliya ee ku sugan gobolka Bay iyo kuwa Itoobiya ee caawinaya ayaa fariisimo ka sameystay gudaha iyo daafaha degmada Ufuroow, iyadoo cabsi weynna ay ka jirto degmada Diinsoor oo 17-km u jirta Ufuroow.