3/28/2024
Today from Hiiraan Online:  _
Wararka Maanta- Jimco, Dec 14, 2012
Hey’adda NONDO oo qabatay shir dadka curyaamada looga dalbanayo iney dhaq dhaqaaqyada siyaasadda ka qeyb qaataan

Nairobi, Kenya (HOL) - Hey’adda NONDO oo ka shaqeysa arrimaha dadka curyaamada ayaa maanta ku qabatey shir hotel-ka Ole Serena ee magaalada Nairobi.

Shirkan ayey hey’adda kaga dhawaaqeysay olole lagu dhaqaajinayo in dadka lixaadka la ay ka qeyb qaataan isbadalada doorashada ee haatan ka socda dalkan Kenya.

Harun M. Hassan oo ah madaxa hey’adda ayaa sheegay in dadka curyaamada ay kunool yihiin nolol aad u addag,  wax u qabashadoodana ay tahay mid iyaga ka baaxad weyn.
Dhanka kale, Harun wuxuu tilmaamey in dadka lixaadka la ay wax qaban karaan sida dad kale, gaar ahaan marka ay timaado hoggaaminta iyo jaangooyada siyaasadda.

Dr. Abdinasir Mohamed Kalif oo kamid ah hawl haweenada hey’addan ayaa ka dalbadey dadka Soomaaliyeed u gargaaridda dadka curyaamada, maadaama dadkan ay yihiin kuwo u baahan kaalmo.

Dr. Abdinasir ayaa ku nuux nuuxsadey in hey’adda ayan ku ekaan doonin oo kaliya Gobolka Waqooyi Bari ee dalkan Kenya, oo ay u gudbi doonaan dhanka dalka Soomaaliya, oo ay ka jirto baahi aad u balaaran oo dhanka wax u qabashada dadka curyaamada ah.

Hey’adda NONDO ayaa ka hawlgasha dhanka waqooyi bari ee dalkan Kenya, iyadoo si balaaran ugga shaqeysa wacyi galinta, iyo la dagaalanka fikradaha khaldan ee laga aaminsan yahay dadka curyaamada.

03-da December ayaa loo asteeyey sanad waliba in la qabto xuska maalinta dadka lixaadka la, xuskan waa lagu qabtay sanadkan Gobolka Waqooyi Bari Kenya.

Halku dhigga sanadkan ee maalinta Dadka Curyaamada, waxa uu ahaa baabi’inta caqabadaha kuhor gudban dadka lixaadka la, iyo ka dhigidda bulshada dhamaanteed kuwo u siman helitaanka waxyaabaha lagama maarmaanka u ah noloshooda.

Said Hassan Anteno 
[email protected]













Click here
12/14/2012 11:25 AM EST
Jimco, December 14, 2012 (HOL) — Wasiir ku xigeenka wasaaradda Maaliyadda iyo qorsheynta dowladda Soomaaliya Mudane Abuukar Xasan Cali oo kamid ahaa xubnihii wasiir ku-xigeennada ee shalay la magacaabay ayaa ku dhawaaqay in uu iska casilay xilkii uu jagada loo magacaabay.

12/14/2012 8:10 AM EST
Jimco, December 14, 2012 (HOL) — Golaha wasiirrada xukuumadda Soomaaliya ayaa ugu baaqay mas'uuliyiintii dowladdii KMG ahayd ee Soomaaliya inay soo celiyaan gadiidka ay dowladdu leedahay ee weli ku jira gacantooda, iyadoo wasiiraddu ay sidoo kale ansixiyeen heshiis ay dowladda Turkigu ku horumarinayso ciidamada Soomaaliya.

12/14/2012 7:55 AM EST
Jimco, December 14, 2012 (HOL) — Xeryaha qoxootiga Dhadhaab ee dalka Kenya ayaa waxaa ka dhacay maanta qarax miino xilli halkaas dad haysta dhalashada dalka Kenya loogu qaybinayay kaararka looga qaybgalayo doorashada madaxnimo ee sannadka soo socda ka dhacaysa Kenya.

12/14/2012 7:08 AM EST
Jimco, December 14, 2012 (HOL) — Maxkamadda darajada koowaad ee ciidamada qalabka sida ee dowladda Soomaaliya ayaa shan qof oo mid ka mid ah lagu helay inuu xubin ka yahay Al-shabaab ku xukuntay min shan sano oo xabsi ciidan ah.

12/14/2012 6:41 AM EST
Jimco, December 14, 2012 (HOL) — Ururka suxufiyiinta Somaliland ee SOLJA, ayaa cambaareeyey xadhiga tifaftiraha wargeyska Waaheen oo shalay galinkii dambe loo taxaabay xarunta dambi baadhista ee magaladda Hargeysa.

12/14/2012 6:25 AM EST
Jimco, December 14, 2012 (HOL) — Ugu laba qof oo shacab ah ayaa ku dhintay 10- qof oo kalena way ku dhaawacmeen qarax ka dhashay gaari walaxaha qarxa laga soo buuxiyay oo ka dhacay agagaarka isgoyska shaqaalaha ee waddada Maka Al-Mukarama ee magaalada Muqdisho.

12/14/2012 6:24 AM EST
Jimco, December 14, 2012 (HOL) — In ka badan Konton Murashaxiintii ku hadhay Tartankii Doorashada Golaha Deegaanka ee Somaliland ee u tartamayey degmadda Hargeysa, ayaa si weyn u cambaareeyey Gudida Doorashooyinka Qaranka, iyagoo ku baaqay in la qanciyo oo codkoodii dib loo tiriyo si ay ugu samraan.