3/28/2024
Today from Hiiraan Online:  _
Wararka Maanta- Jimco, Dec 14, 2012
Wasiir Ku-xigeen ka Tirsan Xukuumadda Somalia oo Xilkii iska Casilay
Jimco, December 14, 2012 (HOL) — Wasiir ku xigeenka wasaaradda Maaliyadda iyo qorsheynta dowladda Soomaaliya Mudane Abuukar Xasan Cali oo kamid ahaa xubnihii wasiir ku-xigeennada ee shalay la magacaabay ayaa ku dhawaaqay in uu iska casilay jagada loo magacaabay.

Masuulkani ayaa sheegay in uu xilka iska casilay kadib markii ay usoo baxday in beesha uu ka dhashay aysan u cuntamin jagada loo magacaabay.

Mudane Abuukar Xasan Cali oo u waramay shabakadda HOL ayaa sheegay in kulamo iyo tashiyo kala duwan oo uu la yeeshay beeshiisa in ay usoo baxday in uu iska casilo xilka loo magacaabay oo uu ku tilmaamay mid aysan u qalmin.

“laba wasiir ku xigeen ayaa hal wasaarad loo magacaabay, markaan la tashtay beesha aan kasoo jeedo waxaa noo soo baxday in aynan u qalmin jagadaasi, sidaa ayaana isu casilay,” ayuu masuulkani hadalkiisii raaciyay.

Sidoo kale  waxa uu wax kama jiraan ku tilmaamay wararka sheegaya in si qaldan loo qoray magaciisa islamarkaasina jagada loo magacaabay aysan ahayn tii loogu talo galay, wuxuuna yiri “Anigu ma ahi nin ku cusub siyaasadda, magaceygana waxa lasoo qoray isaga oo sedexan.”

Masuulkani maanta is casilay ayaa kamid ahaa 20 wasiirro ku-xigeen oo shalay uu ku dhawaaqay ra’isul wasaaraha xukuumadda federaalka Soomaaliya Mudane Cabdi Faarax Shirdoon (Saacid), wuxuuna masuulkani noqonayaa kii ugu horeeyay oo katirsan xubnaha uu ra’isul wasaaraha magacaabay oo ku dhawaaqa in uu is casilay.

Xasan Nuur, Hiiraan Online
[email protected]
Muqdihso, Soomaaliya













Click here
12/14/2012 3:21 PM EST
Nairobi, Kenya (HOL) - Hey’adda NONDO ayaa maanta qabatay shir dadka curyaamada looga dalbanayo iney dhaq dhaqaaqyada siyaasadda ka qeyb qaataan.

12/14/2012 8:10 AM EST
Jimco, December 14, 2012 (HOL) — Golaha wasiirrada xukuumadda Soomaaliya ayaa ugu baaqay mas'uuliyiintii dowladdii KMG ahayd ee Soomaaliya inay soo celiyaan gadiidka ay dowladdu leedahay ee weli ku jira gacantooda, iyadoo wasiiraddu ay sidoo kale ansixiyeen heshiis ay dowladda Turkigu ku horumarinayso ciidamada Soomaaliya.

12/14/2012 7:55 AM EST
Jimco, December 14, 2012 (HOL) — Xeryaha qoxootiga Dhadhaab ee dalka Kenya ayaa waxaa ka dhacay maanta qarax miino xilli halkaas dad haysta dhalashada dalka Kenya loogu qaybinayay kaararka looga qaybgalayo doorashada madaxnimo ee sannadka soo socda ka dhacaysa Kenya.

12/14/2012 7:08 AM EST
Jimco, December 14, 2012 (HOL) — Maxkamadda darajada koowaad ee ciidamada qalabka sida ee dowladda Soomaaliya ayaa shan qof oo mid ka mid ah lagu helay inuu xubin ka yahay Al-shabaab ku xukuntay min shan sano oo xabsi ciidan ah.

12/14/2012 6:41 AM EST
Jimco, December 14, 2012 (HOL) — Ururka suxufiyiinta Somaliland ee SOLJA, ayaa cambaareeyey xadhiga tifaftiraha wargeyska Waaheen oo shalay galinkii dambe loo taxaabay xarunta dambi baadhista ee magaladda Hargeysa.

12/14/2012 6:25 AM EST
Jimco, December 14, 2012 (HOL) — Ugu laba qof oo shacab ah ayaa ku dhintay 10- qof oo kalena way ku dhaawacmeen qarax ka dhashay gaari walaxaha qarxa laga soo buuxiyay oo ka dhacay agagaarka isgoyska shaqaalaha ee waddada Maka Al-Mukarama ee magaalada Muqdisho.

12/14/2012 6:24 AM EST
Jimco, December 14, 2012 (HOL) — In ka badan Konton Murashaxiintii ku hadhay Tartankii Doorashada Golaha Deegaanka ee Somaliland ee u tartamayey degmadda Hargeysa, ayaa si weyn u cambaareeyey Gudida Doorashooyinka Qaranka, iyagoo ku baaqay in la qanciyo oo codkoodii dib loo tiriyo si ay ugu samraan.