7/12/2020
Today from Hiiraan Online:  _
Wararka Maanta- Jimco, Dec 14, 2012
Xeryaha Qoxootiga Dhadhaab ee Dalka Kenya oo lagu Weeraray Qarax Miino Xilli laga qaybinayay Kaararka Codeynta


Jimco, December 14, 2012 (HOL) — Xeryaha qoxootiga Dhadhaab ee dalka Kenya ayaa waxaa ka dhacay maanta qarax miino xilli halkaas dad haysta dhalashada dalka Kenya loogu qaybinayay kaararka looga qaybgalayo doorashada madaxnimo ee sannadka soo socda ka dhacaysa Kenya.

Hal qof oo haweeney ah ayaa la sheegay in qaraxaas ay ku dhaawacantay, iyadoo booliiska Kenya ay qabqabteen markiiba dhowr qof oo ay ku eedeynayaan inay ka dambeeyeen weerarakaas.

"Markii uu qaraxu dhacay dadka oo dhan way kala carareen; waxaan arkay ruux haween ah oo ku dhaawacmay, ciidamadu markiiba waxay billaabeen, qof walbana wuxuu galay gurigiisa," ayuu yiri goobjooge ku sugan xeryaha dhadhaab, isagoo ku daray intaas ku qaraxu uu ahaa mid aad u xooggan.

Saraakiisha booliiska Kenya ayaa ku eedeeyay weerarka Al-shabaab, balse ma jirto cid sheegatay inay mas'uul ka tahay weerarkaas; waxaana uu qayb ka noqonayaa weerarro dhowr ah oo bilihii ugu dambeeyay ka dhacay gudaha dalka Kenya.

Xeryaha Dhadhaab-Kenya oo ah kuwa ugu weyn dunida ayaa waxay hoy u yihiin in ka badan Nus-malyuun qof oo Soomaali ah, iyadoo dhowr jeer oo hore ay qaraxyo ka dhaceen xeryahaas, kuwaasoo sababay dhimasho iyo dhaawac soo gaartay qoxootiga xeryahaas ku jira.

Dalka Kenya ayaa lagu wadaa in sannadka soo socda ee 2013 horraantiisa ay ka dhacaan doorashooyinka madaxnimada, iyadoo cabsi weyn laga qabo in ammaanka uu noqdo mid faraha ka baxa, waxaase jira isku-dayo ay Kenya ku doonayso inay ku adkeyso ammaanka dalkeeda inta doorashooyinku socdaan.

Maxamed Xaaji Xuseen, Hiiraan Online
[email protected]
Muqdisho, Soomaaliya








Click here
12/14/2012 3:21 PM EST
Nairobi, Kenya (HOL) - Hey’adda NONDO ayaa maanta qabatay shir dadka curyaamada looga dalbanayo iney dhaq dhaqaaqyada siyaasadda ka qeyb qaataan.

12/14/2012 11:25 AM EST
Jimco, December 14, 2012 (HOL) — Wasiir ku xigeenka wasaaradda Maaliyadda iyo qorsheynta dowladda Soomaaliya Mudane Abuukar Xasan Cali oo kamid ahaa xubnihii wasiir ku-xigeennada ee shalay la magacaabay ayaa ku dhawaaqay in uu iska casilay xilkii uu jagada loo magacaabay.

12/14/2012 8:10 AM EST
Jimco, December 14, 2012 (HOL) — Golaha wasiirrada xukuumadda Soomaaliya ayaa ugu baaqay mas'uuliyiintii dowladdii KMG ahayd ee Soomaaliya inay soo celiyaan gadiidka ay dowladdu leedahay ee weli ku jira gacantooda, iyadoo wasiiraddu ay sidoo kale ansixiyeen heshiis ay dowladda Turkigu ku horumarinayso ciidamada Soomaaliya.

12/14/2012 7:08 AM EST
Jimco, December 14, 2012 (HOL) — Maxkamadda darajada koowaad ee ciidamada qalabka sida ee dowladda Soomaaliya ayaa shan qof oo mid ka mid ah lagu helay inuu xubin ka yahay Al-shabaab ku xukuntay min shan sano oo xabsi ciidan ah.

12/14/2012 6:41 AM EST
Jimco, December 14, 2012 (HOL) — Ururka suxufiyiinta Somaliland ee SOLJA, ayaa cambaareeyey xadhiga tifaftiraha wargeyska Waaheen oo shalay galinkii dambe loo taxaabay xarunta dambi baadhista ee magaladda Hargeysa.

12/14/2012 6:25 AM EST
Jimco, December 14, 2012 (HOL) — Ugu laba qof oo shacab ah ayaa ku dhintay 10- qof oo kalena way ku dhaawacmeen qarax ka dhashay gaari walaxaha qarxa laga soo buuxiyay oo ka dhacay agagaarka isgoyska shaqaalaha ee waddada Maka Al-Mukarama ee magaalada Muqdisho.

12/14/2012 6:24 AM EST
Jimco, December 14, 2012 (HOL) — In ka badan Konton Murashaxiintii ku hadhay Tartankii Doorashada Golaha Deegaanka ee Somaliland ee u tartamayey degmadda Hargeysa, ayaa si weyn u cambaareeyey Gudida Doorashooyinka Qaranka, iyagoo ku baaqay in la qanciyo oo codkoodii dib loo tiriyo si ay ugu samraan.