3/28/2024
Today from Hiiraan Online:  _
Wararka Maanta- Jimco, Aug 31, 2012
Guddoomiyaha Gobolka Shabeellada Hoose oo sheegay in dilal iyo Qaraxyo ay ka dhaceen Marko balse ay Ammaanka adkeynayaan
Jimco, Ogoosto 31, 2012 (HOL) — Guddoomiyaha gobolka Shabeellada hoose, C/qaadir Siidii oo ku sugan degmada Marko ayaa sheegay in degmadaas ay dhowr jeer ka dhaceen qaraxyo iyo dil loo geystay qof rayid ah, balse ay dadaal ugu jiraan sidii ay ammaanka u adkeyn lahaayeen.

C/qaadir Siidii ayaa sheegay in qof rayid ah lagu dilay shalay gudaha degmadaas ayna ka dambeeyeen kooxo hubeysan, isagoo xusay in falalkaas ay qayb ka yihiin isbedelka maamullada, balse ay sugayaan ammaanka.

"Runtii lama qarin karo inay ka dhaceen degmada Qaraxyo ay ku dhinteen askari ka tisan ciidamada dowladda iyo qof rayid ah, balse waxaan dadaal ugu jirnaa sidii aan ku adkeyn lahayn ammaanka," ayuu yiri Siidii oo BBC-da la hadlay.

Degmada Marko oo 90-km koonfur kaga beegan Muqdisho ayay ciidamada dowladda iyo kuwa AMISOM oo isgarabsanaya waxay ka qabsadeen Xarakada Al-shabaab oo ka talinsaysay muddo sannado ah.

Goobjoogayaal ku sugan degmada Marko ayaa sheegay in xaaladda ammaan ee degmada ay tahay mid aad u adag, sidoo kalena ay socdaan baaritaanno ay maalin iyo habeen sameynayaan ciidamada dowladda.

Mas'uulkii Al-shabaab ee gobolka, Sheekh Maxamed Abuu-Cabdalla oo saxaafada la hadlay isagoo gobolkaas ku sugan ayaa sheegay in qaraxyo khasaare badan geystay ay degmadaas ku xireen markii ay ka baxayeen, ayna qorshaynayaan inay weeraraan degmadaas.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
8/31/2012 7:22 PM EST
Jimco, Agoosto 31, 2012(HOL): Dagaallada ayaa yimid kadib markii xoogagga Al-shabaab ay weerar ku qaadeen saldhig ay ciidamada dowladda KMG iyo kuwa Kenya ku lahaayeen deegaan lagu magacaabo Miido oo qiyaastii 30 KM u jira magaalada Afmadow ee gobolka Jubada Hoose.

8/31/2012 2:09 PM EST
Jimco, 31-ka Agoosto 2012(HOL): Barnaamijka dareenka shacabka iyo siyaasiga ee ka baxa Hctv oo falanqeyn ku sameeyey sidii ay u dhacdey doorashadii guddoomiyaha baarlamaanka ee soomaaliya taasoo ka dhacdey magaalada mugdisho.

8/31/2012 12:38 PM EST
Jimco, 31-ka Agoosto 2012(HOL): Guddiga Doorashada Madaxweynenimada Soomaaliya ayaa maanta ku dhawaaqay xilliga ay dhiceyso doorashada Madaxweynenimada Soomaaliya, kaddib kulan uu guddiga ku yeeshay xarunta golaha Baarlamaanka Soomaaliya ee Magaalada Muqdisho.

8/31/2012 5:25 AM EST
Jimco, Ogoosto, 31, 2012 (HOL)-Taliyaha Booliska Somaliland Gen: Cabdilaahi Fadal Iimaan, ayaa sheegay in ilaa afar askari ku dhaawacmeen iyo hal qof oo Qaxootiga ka mid ah, iska hor imaad shalay ku dhexmaray ciidamadda amniga iyo Qaxooti Itoobiyaan ah oo degan xaafadda Shacabka ee magaalada Hargeysa.

8/31/2012 5:19 AM EST
Jimco, Ogoosto 31, 2012 (HOL) — Guddiga doorashada madaxweynaha Soomaaliya ayaa waxay maanta yeelanayaan kulankoodii ugu horreeyay oo ay kaga hadlayaan qabanqaabada doorashada madaxweynaha, taasoo laga sugayo inay ku dhawaaqaan xilliga ay dhacayso.

8/31/2012 5:18 AM EST
Jimco, Ogoosto 31, 2012 (HOL) — Xarakada Al-shabaab oo dhawaan laga qabsaday degmada Marko ee gobolka Shabeellada hoose ayaa waxay ciidammo fara badan soo dhoobtay deegaanno horay looga qabsaday oo ay ka mid yihiin Laanta Buuro iyo Lambar 50 oo u dhexeya Marko iyo Afgooye.

8/31/2012 5:16 AM EST
Jimco, Ogoosto 31, 2012 (HOL) — Maxamed Ibraahim Xaabsade oo xubnihii ay amarka ku bixisay maxkamadda sare ka mid ah ayaa sheegay in sababta weli loo hortaagan ay tahay arrin siyaasadeed, wuxuuna gaashaanka ku dhuftay inay yihiin hoggaamiye kooxeedyo dambiilayaal ah.